Andininy ho an'ny mpivy

Maro ireo andinin-tsoratra masina azontsika itsoavana fitahiana ho an’ireo olona mitsidika antsika ao an-trano na any am-piangonana, ireo izay mitondra famelombelomana ho antsika. Ary rehefa hanao veloma azy ireo isika dia afaka mizara andinin-tsoratra masina, teny iray hameno ny fiainany sy hiaro azy ireo amin'ny ratsy rehetra eny an-dalana. Betsaka tokoa ny fampanantenana ao amin’ny Tenin’Andriamanitra azontsika zaraina amin’ireo mpitsidika antsika.

Tianao ho tsara toetra amin'ny zavatra rehetra sy ho salama tsara tahaka ny fanahinao koa aho (3 Jaona 1:2). Hahita andinin-tsoratra masina maro hafa koa ianao azonao zaraina amin’ireo mpitsidika avy amin’Andriamanitra.

Ny taranakao dia ho tahaka ny vovoka amin’ny tany; hiely any andrefana sy any atsinanana ary any avaratra sy any atsimo ianao. Aminao sy ny taranakao no hitahiana ny firenena rehetra ambonin’ny tany.

fa handatsaka rano amin’izay mangetaheta Aho ary handefa riaka ho amin’izay tany karankaina; eny, handrotsaka ny Fanahiko amin’ny taranakao Aho ary ny fitahiako ho amin’ny naterakao.

Hahamaro anareo anie NY TOMPO, dia ianareo mbamin’ny zanakareo.

Haoriko ny fanekeko ho Amiko sy ho aminao mbamin’ny taranakao any aoriananao hatramin’ny taranaka fara aman-dimby, ho fanekena mandrakizay, mba ho Andriamanitrao sy ny taranakao mandimby anao Aho.

Ho amintsika anie NY TOMPO Andriamanitsika, tahaka ny tamin’ny razantsika. Enga anie ka tsy handao na hahafoy antsika Izy

Tandremo ka henoy izao teny rehetra izao izay omeko anao, mba hahita soa ianao sy ny taranakao mandimby anao mandrakizay, raha manatanteraka izay tsara sy mahitsy eo imason’NY TOMPO Andriamanitrao ianao.

Indro, lova avy amin’NY TOMPO ny zanaka maro, valisoa ny ateraky ny kibo.

Dia hoy izy roa lahy: Minoa an’i Jesosy Tompo dia hovonjena ianao sy ny ankohonanao.

Fa raha misy tsy mikarakara ny ao aminy, indrindra fa ny ankohonany, dia efa nandà ny finoana izy ka ratsy noho ny tsy mino aza.

Miantra mandrakariva ireny ka mampisambotra ary hotahina ny taranany.

Manajà ny rainao sy ny reninao mba ho maro andro ianao eo amin’ny tany izay omen’NY TOMPO Andriamanitrao anao.

Ny zanakao rehetra dia ho samy efa nampianarin’NY TOMPO ka ho be ny fiadanan’ny zanakao.

Hitahy izay manisy soa anao Aho, fa hanozona izay manozona anao. Aminao no hitahiana ny firenena rehetra ambonin’ny tany.

Fa raha misy mpitondratena manana zanaka na zafy dia aoka aloha ireo hianatra haneho izay toe-panahy araka an’Andriamanitra amin’ny ao an-tranony ka hamaly soa ny ray aman-dreniny, fa izany no ankasitrahina eo anatrehan’Andriamanitra.

dia hitahy anao tokoa Aho ary hahamaro dia hahamaro ny taranakao ho tahaka ny kintana eny amin’ny lanitra sy ho tahaka ny fasika eny amoron-dranomasina, ary hahazo ny vavahadin’ny fahavalony ny taranakao.

Satroboninahitry ny antitra ny zafiny ary voninahitry ny zanaka ny rainy.

Koa Andriamanitro anie hanatanteraka izay rehetra tokony ho anareo araka ny harenany amin’ny voninahitra ao amin’i Kristy Jesosy.

Ary tamin’izany, satria natahotra an’Andriamanitra ireo mpampivelona, dia nomen’Andriamanitra taranaka izy.

Ny olona marina dia mandeha amin’ny fahitsiany; sambatra ny zanany mandimby azy.

satria ny lahy no lohan’ny vavy, tahaka an’i Kristy koa izay Lohan’ny fiangonana; ary Izy no mpamonjy ny tena.

Nefa raha tsy sitrakareo ny hanompo NY TOMPO dia fidionareo anio ary izay hotompoinareo, na ny andriamanitra izay notompoin’ny razanareo tany andafin’ny ony Eofrata na ny andriamanitry ny Amorita izay mponina teto amin’ny tany onenanareo fa raha izaho sy ny ankohonako kosa dia hanompo NY TOMPO izahay.

Aoka ho ao am-ponao izao didy omeko anao anio izao,

ary ampianaro tsara ny zanakao izany ka resaho aminy mandrakariva na mipetraka ao an-tranonao ianao, na mandeha eny an-dalana, na mandry, na mifoha;

Sambatra izay rehetra matahotra NY TOMPO, dia izay mandeha amin’ny lalany.

Fa hohaninao tokoa ny vokatry ny asan’ny tananao; sambatra sady ambinina ianao.

Ny vadinao dia tahaka ny voaloboka mahavokatra ao anatin’ny tranonao; ny zanakao dia tahaka ny zanak’oliva manodidina ny latabatrao.

Indro, toy izany no hitahiana izay lehilahy matahotra NY TOMPO.

Ary Andriamanitra nahary ny olona tahaka ny endriny; tahaka ny endrik’Andriamanitra no nahariany azy; lahy sy vavy no nahariany azy.

Ary Andriamanitra nitahy azy ka niteny hoe: Maroa fara sy mihabetsaha ka mamenoa ny tany, dia mampanompoa azy. Manapaha amin’ny hazandrano ao amin’ny ranomasina sy ny voromanidina ary ny biby rehetra izay mihetsiketsika ambonin’ny tany.

Dia homeko fo iray sy lalana iray izy, mba hatahorany Ahy lalandava, hahasoa azy sy ny zanany mandimby azy;

Indro, lova avy amin’NY TOMPO ny zanaka maro, valisoa ny ateraky ny kibo.

Tahaka ny zana-tsipìka eo an-tanan’ny mahery ny zanaky ny fahatanorana.

Sambatra ny lehilahy izay mameno ny tranon-jana-tsipìkany amin’ireny. Tsy ho menatra ireny raha mifamaly amin’ny fahavalo eo am-bavahady.

Ireo rehetra ireo no fokon’ny Israely roa amby folo. Izany no nolazain’ny rainy taminy sy nitsofany rano azy. Samy araka ny tsodrano izay tokony ho azy ireo avy no nitsofany rano azy ireo.

Fa ny famindrampon’NY TOMPO dia hatramin’ny taloha indrindra ka ho mandrakizay amin’izay matahotra Azy ary mihatra amin’ny taranaka ny fahamarinany,

ao an-tranon’ny ratsy fanahy ny ozon’NY TOMPO, fa tahiny kosa ny fonenan’ny marina;

Aza mba ketraka amin’ny fanaovan-tsoa isika; fa amin’ny fotoanany no hijinjantsika raha tsy kivy isika.

Hiaro anao amin’ny ratsy rehetra NY TOMPO; eny, hiaro ny fanahinao Izy.

Hiaro anao NY TOMPO, na mivoaka ny trano ianao na miditra, hatramin’izao ka ho mandrakizay.

Aoka NY TOMPO no iravoravoanao, dia homeny anao izay irin’ny fonao.

Vavaka amin’Andriamanitra