Kategorya
91 Mga Bersikulo Bahin sa Pagsalikod sa mga Dios-dios ug Bakak nga mga Diyos
“Ayaw pagbaton ug lain nga mga dios sa akong atubangan.
“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta.
Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.
Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.
ug nagsalibay sa ilang mga diosdios ngadto sa kalayo, kay sila dili man mga dios, kondili buhat sa mga kamot sa mga tawo, kahoy ug bato; busa gilaglag kini.
Makahimo ba ug mga dios ang tawo alang sa iyang kaugalingon? Ang ingon niana dili mga dios!”
Ang mga diosdios sa kanasoran mga plata ug bulawan, buhat sa mga kamot sa mga tawo.
Sila adunay mga baba, apan dili sila makasulti; sila adunay mga mata, apan dili sila makakita;
sila adunay mga dalunggan, apan dili makadungog, walay gininhawa sa ilang mga baba.
Mahisama unta kanila ang mga nagbuhat kanila— ang matag usa nga mosalig kanila!
Ang ilang mga diosdios plata ug bulawan, binuhat sa mga kamot sa mga tawo.
Sila adunay baba apan dili makasulti; sila adunay mga mata apan dili makakita;
sila adunay mga igdulungog apan dili makadungog; adunay mga ilong apan dili makapanimaho.
sila adunay mga kamot apan dili makahikap; adunay mga tiil apan dili makalakaw; dili sila makatingog pinaagi sa ilang tutunlan.
Kini sama sa tawotawo sa uma sa pakwan ug dili kini makasulti; kinahanglan nga kini pas-anon kay dili man kini makalakaw. Ayaw kahadlok kanila, kay kini dili makabuhat ug daotan, o anaa niini ang pagbuhat ug maayo.”
Ang tanan nga nagbuhat ug mga larawan walay hinungdan, ug ang mga butang nga ilang gikalipayan dili magpulos; ang ilang mga saksi dili makakita o makaila, nga tungod niana sila maulawan.
Ako si Yahweh, mao kana ang akong ngalan; ang akong himaya dili nako ihatag sa uban o ang akong pagdayeg ngadto sa mga kinulit nga mga larawan.
“ ‘Tinunglo ang tawo nga magbuhat ug larawan nga kinulit o tinunaw, butang nga dulumtanan sa Ginoo, butang nga binuhat sa kamot sa hanas nga tigpamuhat ug magbutang niini sa tago!’ Ug ang tanang katawhan mag-ingon, ‘Amen!’
Sunoga sa kalayo ang kinulit nga larawan sa ilang mga diosdios. Ayaw kaibgi ang plata o ang bulawan nga anaa kanila o kuhaon ninyo kini alang sa inyong kaugalingon, aron nga dili kamo malit-ag niini kay kini dulumtanan alang sa Ginoo nga inyong Dios.
“Busa bantayi ninyo pag-ayo ang inyong kaugalingon kay wala kamo makakita ug dagway niadtong adlawa nga ang Ginoo nakigsulti kaninyo didto sa Horeb gikan sa taliwala sa kalayo.
Pagmatngon kamo kay tingali unya ug magbuhat kamo sa daotan pinaagi sa pagbuhat ug kinulit nga larawan alang sa inyong kaugalingon, diha sa bisan unsang dagway sa panagway sa lalaki o sa babaye,
Ayaw kamo pagdangop ngadto sa mga larawan ug ayaw usab kamo pagbuhat alang kaninyo ug mga dios nga tinunaw. Ako mao ang Ginoo nga inyong Dios.
Kinahanglang gub-on ninyo ang ilang mga halaran ug dugmokon ang ilang mga haligi ug putlon ang ilang mga Ashera.
Kay kinahanglan nga dili kamo magsimba ug lain nga mga dios kay ang Ginoo, nga ang kinsang ngalan Abubhoan, abubhoan nga Dios,
“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta.
Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.
“ ‘Ayaw kamo pagbuhat alang kaninyo ug kinulit nga larawan, o bisan unsang dagway sa bisan unsang butang nga atua sa langit sa itaas o sa yuta sa ubos o sa tubig sa ilalom sa yuta.
Ayaw kamo pagyukbo kanila o pag-alagad kanila kay ako ang Ginoo nga inyong Dios abubhoan nga Dios, nga nagsilot sa mga anak tungod sa pagkadaotan sa mga ginikanan ngadto sa ikatulo ug sa ikaupat nga kaliwatan sa mga nagdumot kanako.
Ilang gitumpag ang mga halaran sa mga Baal diha sa iyang atubangan ug gibuak ang mga halaran sa insenso nga diha sa ibabaw niini ug gidugmok ang mga Asera ug ang mga kinulit ug mga tinunaw nga larawan ug gihimo kining abog ug gisabwag kini sa ibabaw sa mga lubnganan niadtong mga naghalad kanila.
Ang tanan nga nagsimba ug mga larawan maulawan, sila nga nangandak sa ilang kaugalingon tungod sa mga diosdios; ang tanang mga dios magyukbo kaniya.
Ang tanang tawo hungog ug walay kahibalo; ang tanang tigsalsal ug bulawan gipakaulawan pinaagi sa iyang larawan; kay ang iyang mga larawan dili tinuod ug walay gininhawa diha kanila.
Unsa ang kapuslanan sa diosdios kon ang tighimo nagkulit niini, sa tinunaw nga larawan, magtutudlo sa kabakakan? Kay ang tighimo nagsalig sa iyang kaugalingong binuhat sa dihang naghimo siya ug mga amang nga diosdios!
Sa diha nga ikaw magtuaw, paluwasa kanimo ang mga butang nga imong pinundok! Ang hangin mopadpad kanila, usa ka gininhawa modala kanilang tanan. Apan siya nga modangop kanako makapanag-iya sa yuta, ug makapanunod sa akong bukid nga balaan.
ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.
Ug ang inyong kalaw-ay paninglon diha kaninyo ug kamo magpas-an sa silot sa inyong makasasalang pagsimba sa mga diosdios; ug kamo makaila nga ako mao ang Ginoong Dios.”
Ang ilang mga diosdios plata ug bulawan, binuhat sa mga kamot sa mga tawo.
Sila adunay baba apan dili makasulti; sila adunay mga mata apan dili makakita;
sila adunay mga igdulungog apan dili makadungog; adunay mga ilong apan dili makapanimaho.
sila adunay mga kamot apan dili makahikap; adunay mga tiil apan dili makalakaw; dili sila makatingog pinaagi sa ilang tutunlan.
Ang mga nagbuhat kanila sama usab kanila; mao usab ang tanan nga mosalig kanila.
Ang Ginoo miingon kanako sa mga adlaw ni Hari Josias, “Nakita ba nimo ang iyang nabuhat, niadtong maluibon nga Israel, giunsa niya pag-adto sa matag habog nga bukid ug sa ilalom sa matag lunhaw nga kahoy, ug didto nakighilawas siya?
Busa misulod ako ug nakita nako; didto gihulagway libot sa bungbong ang tanang mga butang nga nagkamang ug mga mananap nga dulumtanan ug ang tanang mga diosdios sa balay sa Israel.
Ngano nga gihagit ninyo ako sa pagkasuko pinaagi sa mga buhat sa inyong mga kamot, sa pagsunog ug insenso ngadto sa laing mga dios didto sa yuta sa Ehipto diin miadto kamo aron sa pagpuyo aron ba kamo mahimulag ug mahimong usa ka tunglo ug usa ka pagtamay sa taliwala sa tanang mga nasod sa yuta?
apan ikaw naghimo ug daotan labaw pa sa tanan nga una kanimo ug miadto ug naghimo ug laing mga dios ug mga hinulma nga mga larawan nga naghagit kanako sa pagkasuko ug nagsalikway kanako ngadto sa imong luyo.
Ug iyang gipapahawa ang mga pari nga nag-alagad sa mga diosdios nga gisugo sa mga hari sa Juda sa pagsunog ug insenso sa habog nga mga dapit sa mga siyudad sa Juda ug sa mga dapit nga naglibot sa Jerusalem, ingon man usab niadtong nagsunog ug insenso alang sa Baal, sa adlaw ug sa bulan ug sa mga planeta ug sa tanang panon sa kalangitan.
Ug mahitungod sa pagkaon sa mga hinalad ngadto sa mga diosdios, kita nasayod nga “wala gayoy diosdios dinhi sa kalibotan,” ug nga “walay laing Dios gawas sa usa lamang.”
Kang kinsa man diay ninyo ipakasama ang Dios, o unsang dagwaya ang inyong itandi kaniya?
Ang larawan! Usa ka tigbuhat nagtunaw niini, ug ang tigsalsal sa bulawan nagsapaw niini sa bulawan, ug nagtunaw alang niini sa kadena nga plata.
Sulti nga malumo sa Jerusalem ug hilak ngadto kaniya, nga ang iyang panahon sa gubat natapos na, nga ang iyang kasal-anan gipasaylo na, nga siya nakadawat ug duha ka pilo gikan sa kamot sa Ginoo tungod sa tanan niyang mga sala.
Kadtong kabos kaayo magpili ug kahoy nga dili madunot ingon nga iyang halad; siya nangita ug usa ka batid nga tigbuhat aron sa paghimo ug usa ka larawan nga dili molihok.
Dali ra silang misimang gikan sa dalan nga akong gisugo kanila, ug nagbuhat sila alang kanila ug usa ka nating baka nga tinunaw ug misimba sila niini. Naghalad sila niini ug miingon, ‘Kini mao ang imong mga dios, O Israel, nga nagkuha kanimo gikan sa yuta sa Ehipto!’ ”
Niadtong gabhiona ang Ginoo miingon kaniya, “Dad-a ang torong baka sa imong amahan, ang ikaduha nga torong baka nga pito ka tuig ang panuigon ug tumpaga ang halaran ni Baal nga anaa sa imong amahan ug putla ang Asera nga anaa tupad niini.
Nagbuhat siya ug hilabihan ka dulumtanan pinaagi sa pagsunod sa mga diosdios sumala sa gihimo sa mga Amorihanon nga gisalikway sa Ginoo atubangan sa katawhan sa Israel.
Ug ilang gisalikway ang tanang mga sugo sa Ginoo nga ilang Dios ug naghimo sila alang sa ilang kaugalingon ug duha ka tinunaw nga mga larawan sa nating baka ug naghimo sila ug usa ka Asera ug nagsimba sa tanang panon sa langit ug nag-alagad kang Baal.
Unya ang mga siyudad sa Juda ug ang mga nagpuyo sa Jerusalem mangadto ug magpakitabang sa mga dios nga ilang gihalaran ug insenso apan kini dili makaluwas kanila sa panahon sa ilang kalisod.
Nagbutang sila ug mga hari apan dili pinaagi kanako; nagpahimutang sila ug mga pangulo, apan wala nako mahibaloi. Pinaagi sa ilang plata ug bulawan naghimo sila ug mga diosdios alang sa ilang kaugalingong kalaglagan.
Gipahayag nako kini kanimo sukad pa kaniadto, sa wala pa kini mahitabo gipahibalo nako kini kanimo, kay tingali unya ug ikaw moingon, ‘Ang akong diosdios maoy naghimo niini, ang akong kinulit nga larawan ug ang akong tinunaw nga larawan maoy nagsugo niini.’
Nagbuhat sila ug nating baka didto sa Horeb, ug nagsimba sa usa ka larawan nga tinunaw.
Kinsa ba ang makasaysay sa gamhanang mga buhat sa Ginoo, o makasugilon sa tanang pagdayeg kaniya?
Ang himaya sa Dios gipulihan nila ug larawan sa usa ka baka nga nagkaon ug balili.
Tagda ang tanan nakong gisulti kaninyo. Ug ayaw hisgoti ang ngalan sa ubang mga dios o ipadungog kini gikan sa inyong baba.
Ug karon nagdugang ang ilang pagpakasala ug naghimo ug mga tinunaw nga larawan alang sa ilang kaugalingon, mga diosdios nga hinimo gikan sa plata, ang tanan niini buhat sa mga batid nga tigpamuhat. Sila miingon, “Paghalad kamo alang niini.” Ang mga tawo mihalok sa mga nating baka!
“Busa ingna ang balay sa Israel, Mao kini ang giingon sa Ginoong Dios: Paghinulsol kamo, ug biyai ang inyong mga diosdios, ug ilingiw ang inyong mga nawong gikan sa tanan ninyong nga mga dulumtanan.
Bisan diin kamo magpuyo, ang mga siyudad gun-obon ug ang habog nga mga dapit mahimong biniyaan aron ang inyong mga halaran lumpagon ug pukanon ug ang inyong mga diosdios dugmokon ug gub-on, ang inyong halaran sa insenso pukanon ug ang inyong mga buhat puohon.
Sila naghagit kanako sa pagpangabuho sa dili dios; ila akong gihagit pinaagi sa ilang mga diosdios. Busa hagiton nako sila sa pagpangabubho sa mga dili katawhan, pasuk-on nako sila sa mga nasod nga buangbuang.
Unya si Samuel miingon sa tibuok nga balay sa Israel, “Kon kamo mamalik sa Ginoo sa tibuok ninyong kasingkasing, isalikway ang mga langyawng dios ug ang Astarot gikan kaninyo. Itumong ang inyong kasingkasing ngadto sa Ginoo, ug mag-alagad kaniya lamang, ug siya magluwas kaninyo gikan sa kamot sa mga Filistihanon.”
Ug dayag kaayo ang mga buhat sa unod nga mao kini: salawayong pakighilawas, kahugaw, kaulag,
Karon, ako, si Pablo, magsulti kaninyo nga kon magpatuli gani kamo, si Cristo dili magpulos kaninyo.
pagsimba ug mga diosdios, pagsalamangka, pagdinumtanay, panagbingkil, pangabubho, kapungot, kahakog, pagkabahinbahin, pagpundokpundok,
kasina, paghuboghubog, mapatuyangong hudyaka ug mga butang nga sama niini. Pasidan-an ko kamo sama sa akong pagpasidaan kaninyo kaniadto, nga ang mga nagbuhat sa maong mga butang dili makapanunod sa gingharian sa Dios.
Pagbantay kamo kay tingali unya ug ang inyong kasingkasing malingla ug motipas kamo ug mag-alagad ug lain nga mga dios ug magsimba kanila.
Ila kining gipas-an, ila kining gidala, gipahimutang nila kini sa iyang dapit, ug kini nagtindog didto; gikan sa iyang dapit kini dili makabalhin. Kon ang tawo mosangpit niini, dili kini motubag, o moluwas kaniya gikan sa iyang kalisdanan.
“Pagtigom kamo ug panganhi, panuol kamo, kamo nga nasalin sa kanasoran! Sila walay kahibalo, sila nga nagdala sa ilang kahoy nga larawan, ug nagpadayon sa pag-ampo sa usa ka dios nga dili makaluwas.
Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.
Nianang adlawa isalibay sa mga tawo ang ilang mga diosdios nga plata ug ang mga diosdios nga bulawan, nga gibuhat nila aron simbahon, ngadto sa mga ilaga ug sa mga kabog,
Tungod niini, akong mga hinigugma, likayi ninyo ang pagsimba ug mga diosdios.
Ang uban niini iyang himoon ug usa ka dios, iyang diosdios; ug siya mohapa sa atubangan niini ug magsimba, ug mag-ampo niini ug mag-ingon, “Luwasa ako, kay ikaw mao ang akong dios!”
Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.
Dugang pa, gihinginlan ni Josias ang mga tawo nga tigpakisayod ug mga espiritu ug ang mga salamangkiro ug ang mga gagmayng larawan ug ang mga diosdios ug ang tanang mga dulumtanan nga nakita didto sa yuta sa Juda ug sa Jerusalem, aron iyang matuman ang mga pulong sa Balaod nga nasulat sa basahon nga nakaplagan ni Hilkias nga pari sa balay sa Ginoo.
tungod sa pagkadaotan nga ilang nahimo sa paghagit kanako sa pagkasuko, nga sila miadto sa pagsunog ug insenso, ug sa pag-alagad sa laing mga dios nga wala nila mailhi, bisan gani nila o ninyo, o sa inyong mga katigulangan.
“Unya kamo, O balay sa Israel, mao kini ang giingon sa Ginoong Dios: Lakaw, pag-alagad kamo, ang matag usa kaninyo sa iyang mga diosdios, gikan karon hangtod sa umaabot, kon kamo dili man mamati kanako. Apan ang akong balaan nga ngalan dili na ninyo pasipalahan pinaagi sa inyong mga gasa ug sa inyong mga diosdios.
Kay si bisan kinsa sa balay sa Israel o sa mga langyaw nga nagpuyo sa Israel nga mibulag gikan kanako ug nagbutang sa iyang mga diosdios sulod sa iyang kasingkasing ug nagbutang sa kapandolanan sa iyang kasal-anan diha sa iyang atubangan, apan moadto gihapon sa propeta sa pagpakisayod mahitungod kanako, ako, ang Ginoo, mao gayod ang motubag kaniya.
kay ang mga batasan sa mga katawhan kakawangan. Ang kahoy gikan sa lasang giputol ug gibuhat pinaagi sa mga kamot sa magkukulit ginamit ang wasay.
Ang mga tawo nagdayandayan niini ug plata ug bulawan; ila kining gilig-on sa mga lansang ug pakang aron kini dili matarog.
Kini sama sa tawotawo sa uma sa pakwan ug dili kini makasulti; kinahanglan nga kini pas-anon kay dili man kini makalakaw. Ayaw kahadlok kanila, kay kini dili makabuhat ug daotan, o anaa niini ang pagbuhat ug maayo.”
Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”
Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.
“Sa diha nga laglagon sa Ginoo nga inyong Dios sa atubangan ninyo ang mga nasod nga inyong adtoan aron ilogan, ug mailogan na ninyo sila ug magpuyo sa ilang yuta,
Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.
pagbantay nga dili kamo mabitik sa pagsunod kanila human sila malaglag gikan sa inyong atubangan ug nga dili kamo mangutana mahitungod sa ilang mga dios, nga mag-ingon, ‘Giunsa man niining mga nasod pag-alagad sa ilang mga dios? Buot usab nakong magbuhat sa ingon.’
Ayaw kamo pagbuhat sa ingon niini ngadto sa Ginoo nga inyong Dios kay ang tanang dulumtanang butang nga gidumtan sa Ginoo ilang gibuhat sa ilang mga dios. Kay bisan gani ang ilang mga anak nga lalaki ug ang ilang mga anak nga babaye ilang gisunog sa kalayo alang sa ilang mga dios.
Si Bel nagyukbo, si Nebo nagduko, ang ilang mga diosdios anaa sa ibabaw sa mga mananap ug sa kahayopan ang mga butang nga inyong gidala nangahimong kabug-at sa gikapoyan nga mga mananap.
nagpahayag sa kataposan gikan sa sinugdan, ug gikan sa karaang mga panahon mga butang nga wala pa mahimo, nga nag-ingon, ‘Ang akong tambag magpadayon, ug himoon nako ang tanan nakong katuyoan,’
nagtawag sa usa ka langgam nga manunukob gikan sa silangan, sa tawo nga motuman sa akong katuyoan gikan sa usa ka layo nga yuta. Ako nagsulti ug ako magtuman niini; ako nagtinguha, ug ako magbuhat niini.
“Pamati kanako, kamong gahi ug kasingkasing, kamo nga mga layo sa kaluwasan:
Gidala nako sa duol ang akong pagluwas, kini dili malayo, ug ang akong pagluwas dili maglangan; ako magpahiluna ug kaluwasan diha sa Zion alang sa Israel nga akong himaya.”
Sila nangduko, sila nangyukbo sa tingob; sila dili makaluwas sa palas-anon, apan ang ilang kaugalingon nangahimong mga binihag.
ug wagtangon nako ang imong mga kinulit nga larawan ug ang imong mga haliging bato gikan kanimo, ug ikaw dili na magsimba sa buhat sa imong mga kamot;
Busa kay mga anak man kita sa Dios, dili nato hunahunaon nga ang pagka-Dios sama sa bulawan o plata, o bato nga kinulit pinaagi sa kabatid ug sa hunahuna sa tawo.
Nagpakaaron-ingon sila nga maalamon apan nahimo hinuon nga mga buangbuang,
ug ang himaya sa dili mamatay nga Dios ilang gipulihan ug mga larawan nga sama sa tawo nga may kamatayon ug sa mga langgam ug sa mga mananap nga upat ang tiil ug sa mga binuhat nga nagkamang.
Unya si Jesus miingon kaniya, “Pahawa, Satanas! Kay nasulat kini, ‘Maoy simbaha ang Ginoo nga imong Dios, ug siya lamang ang alagara.’ ”
Kadtong magpili sa laing dios, magpadaghan sa ilang pag-antos dili nako ibubo ang ilang mga halad nga dugo, o litokon ang ilang mga ngalan sa akong mga ngabil.
Busa patya ninyo ang unsay yutan-on diha sa sulod ninyo: salawayong pakighilawas, kahugaw, unodnong kaibog, daotang tinguha, ug ang kahakog nga maoy pagsimba ug mga diosdios.
Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.
Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.
Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.
Salig sa Ginoo sa tibuok nimong kasingkasing ug ayaw pagsalig sa imong kaugalingong salabotan.
Sa tanan nimong mga dalan ilha siya, ug siya magtul-id sa imong mga agianan.
Ang ilang dangatan mao ang kalaglagan, ang ilang dios mao ang tiyan, ug ang ilang himaya diha sa ilang kaulawan, ang ilang mga hunahuna anaa sa mga yutan-ong butang.
Gidumtan nimo ang mga nagtagad sa mga walay bili nga diosdios, apan ako nagsalig sa Ginoo.
Kay sila gayod ang nagbalita kaninyo mahitungod kanamo, kon giunsa ninyo kami pag-abi-abi ug giunsa ninyo pagdangop sa Dios gikan sa mga diosdios, aron sa pag-alagad sa buhi ug matuod nga Dios,
Kay kamo mangaulaw sa mga dagkong kahoy nga inyong gitinguha, ug manglipaghong kamo tungod sa mga tanaman nga inyong gipili.
Ang baka nakaila sa iyang tag-iya, ug ang asno sa pasungan sa iyang agalon; apan ang Israel wala makaila, ang akong katawhan wala makasabot.”
Kay kamo mahisama sa usa ka dakong kahoy nga ang dahon malaya, ug sama sa usa ka tanaman nga walay tubig.
Ang kusgan mahisama sa lanot, ug ang iyang buhat mahisama sa aligato, ug silang duha mangasunog, nga walay makapalong kanila.
“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.
Mialagad sila sa ilang mga diosdios, nga nahimong lit-ag alang kanila.
Gihalad nila ang ilang mga anak nga lalaki ug ang ilang mga anak nga babaye ngadto sa mga demonyo;
giula nila ang dugo sa walay sala, ang dugo sa ilang mga anak nga lalaki ug sa ilang mga anak nga babaye, nga gihalad nila ngadto sa mga diosdios sa Canaan; ug ang yuta nahugawan tungod sa dugo.
Aduna ba diha sa mga diosdios sa mga nasod nga makapadala ug ulan? O makahatag ba ang langit ug ulan? Dili ba ikaw man, O Ginoo nga among Dios? Among gibutang ang among paglaom kanimo, kay ikaw man maoy nagbuhat niining tanang mga butang.
Ug iyang gidawat ang bulawan sa ilang mga kamot, ug gikulit niya kini pinaagi sa usa ka kahimanan sa pagkulit ug naghimo ug usa ka nating baka nga tinunaw. Ug sila miingon, “Kini mao ang imong mga dios, O Israel, nga nagkuha kanimo gikan sa yuta sa Ehipto!”
Sa pagkakita ni Aaron niini, nagtukod siya ug usa ka halaran sa atubangan niini ug si Aaron mipahibalo, ug miingon, “Ugma mao ang kasaulogan ngadto sa Ginoo.”
“Busa bantayi ninyo pag-ayo ang inyong kaugalingon kay wala kamo makakita ug dagway niadtong adlawa nga ang Ginoo nakigsulti kaninyo didto sa Horeb gikan sa taliwala sa kalayo.
Pagmatngon kamo kay tingali unya ug magbuhat kamo sa daotan pinaagi sa pagbuhat ug kinulit nga larawan alang sa inyong kaugalingon, diha sa bisan unsang dagway sa panagway sa lalaki o sa babaye,
sa panagway sa bisan unsang mananap nga ania sa yuta, sa panagway sa bisan unsang langgam nga adunay pako nga naglupad sa kahanginan,
sa panagway sa bisan unsa nga nagkamang sa yuta, panagway sa bisan unsang isda nga anaa sa tubig ilalom sa yuta.
Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.
“Mga tawo, nganong nagbuhat kamo niini? Kami mga tawo usab nga sama ra kaninyo ug kinaiya. Ug kami nagdala kaninyo ug maayong balita aron kamo mobiya gikan niining mga butang nga walay kapuslanan ngadto sa buhing Dios nga maoy nagbuhat sa langit ug sa yuta ug sa dagat ug sa tanan nga anaa niini.
Ikaw nga nag-ingon nga ang tawo kinahanglang dili manapaw, manapaw ba ikaw? Ikaw nga nagdumot sa mga larawan, mangawat ba ikaw sa mga templo?
Kaniadto, sa wala pa kamo makaila sa Dios, kamo naulipon ngadto sa mga binuhat nga sa kinaiya dili mga dios,
apan karon nga nakaila na kamo sa Dios, o nailhan na kamo sa Dios, naunsa ba nga namalik man hinuon kamo pag-usab ngadto sa mga huyang ug walay bili nga mga gahom sa kalibotan ug buot magpaulipon kanila pag-usab?