Kategorya
103 Mga Bersikulo Bahin sa Pagguba sa mga Diosdios ug mga Altar
Gun-oba gayod ninyo ang tanang mga dapit diin ang mga nasod nga inyong ilogan nag-alagad sa ilang mga dios, sa ibabaw sa habog nga kabukiran, ug sa ibabaw sa kabungtoran, ug sa ilalom sa tanang kahoy nga lunhaw. “Sa diha nga padak-an sa Ginoo nga inyong Dios ang inyong kayutaan sumala sa iyang gisaad kaninyo, ug kamo miingon, ‘Mokaon ako ug unod,’ kay nangandoy kamo ug unod, makakaon kamo ug unod kutob sa inyong gitinguha. Kon layo kanimo ang dapit nga pilion sa Ginoo nga inyong Dios aron butangan sa iyang ngalan, pag-ihaw sa inyong mga baka ug sa inyong mga karnero nga gihatag sa Ginoo kaninyo, sumala sa akong gisugo kaninyo ug makakaon kamo sulod sa inyong mga lungsod kutob sa inyong gitinguha. Ingon nga gikaon ang lagsaw ug ang usa, busa makakaon kamo niini. Ang hugaw ug ang hinlo makakaon usab niini. Siguroa lamang nga dili ninyo kaonon ang dugo kay ang dugo mao ang kinabuhi ug ayaw ninyo kaona ang kinabuhi uban sa iyang unod. Ayaw kamo pagkaon niini, iyabo ninyo kini sa yuta sama sa tubig. Ayaw ninyo kini kaona aron ang tanan mamaayo alang kaninyo, ug sa inyong mga anak sunod kaninyo, sa dihang magbuhat kamo ug matarong sa mga mata sa Ginoo. Apan ang mga butang nga balaan nga anaa kaninyo ug ang inyong mga halad nga gisaad dad-a ninyo ug adto kamo sa dapit nga pilion sa Ginoo ug ihalad ang inyong mga halad nga sunogon, ang unod ug ang dugo, sa ibabaw sa halaran sa Ginoo nga inyong Dios. Ang dugo sa inyong mga halad nga inihaw ibubo sa ibabaw sa halaran sa Ginoo nga inyong Dios apan ang unod kaona. Pagmatngon kamo sa pagtuman niining tanang mga pulong nga akong gisugo kaninyo, aron mamaayo ang inyong kahimtang, ug sa inyong mga anak sunod kaninyo hangtod sa kahangtoran, sa diha nga magbuhat kamo sa maayo ug sa matarong diha sa mga panan-aw sa Ginoo nga inyong Dios. “Sa diha nga laglagon sa Ginoo nga inyong Dios sa atubangan ninyo ang mga nasod nga inyong adtoan aron ilogan, ug mailogan na ninyo sila ug magpuyo sa ilang yuta, Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.
“Kon makadungog kamo nga sa usa sa inyong mga lungsod nga gihatag kaninyo sa Ginoo nga inyong Dios aron inyong puy-an, may daotang mga tawo nga nanggula gikan sa taliwala ninyo, ug nagpahisalaag sa mga nagpuyo sa ilang lungsod, nga nag-ingon, ‘Mangadto kita ug mag-alagad sa lain nga mga dios,’ nga wala ninyo mailhi, kinahanglan nga magpakisayod kamo ug susihon ninyo ug magpangutana kamo nga makugihon. Ug tan-awa, kon kini matuod ug siguro nga ang maong dulumtanang butang nahimo diha kaninyo, pahiagoma gayod ang mga nagpuyo sa lungsod pinaagi sa espada, nga laglagon gayod sa hingpit ang tanan nga anaa niini ug ang kahayopan niini pinaagi sa sulab sa espada. Ug tigoma ang tanang inilog nga butang ngadto sa kinataliwad-an sa iyang dalan ug sunoga sa kalayo ang siyudad ug ang tanang inilog nga butang ingon nga tinibuok nga halad nga sinunog ngadto sa Ginoo nga inyong Dios. Kini magpabilin nga tinapok hangtod sa kahangtoran ug dili na tukoron pag-usab.
Unya ang hari misugo kang Hilkias nga labawng pangulong pari, ug sa mga pari sa ikaduhang laray, ug sa mga tigbantay sa tugkaran, sa pagdala ngadto sa gawas sa balay sa Ginoo sa tanan nga mga sudlanan nga gihimo alang sa Baal, alang sa Asera ug alang sa tanang panon sa kalangitan. Ug iya kining gisunog sa gawas sa Jerusalem diha sa mga kapatagan sa Kidron, ug gidala ang mga abo niini ngadto sa Betel. Ug iyang gipapahawa ang mga pari nga nag-alagad sa mga diosdios nga gisugo sa mga hari sa Juda sa pagsunog ug insenso sa habog nga mga dapit sa mga siyudad sa Juda ug sa mga dapit nga naglibot sa Jerusalem, ingon man usab niadtong nagsunog ug insenso alang sa Baal, sa adlaw ug sa bulan ug sa mga planeta ug sa tanang panon sa kalangitan.
Sila pabalikon ug pakaulawan gayod, kadtong nagsalig sa kinulit nga mga larawan, kadtong nag-ingon sa tinunaw nga mga larawan, “Kamo mao ang among mga dios.”
Ug gikuha usab niya si Maaca nga iyang inahan gikan sa pagkarayna, tungod kay aduna siyay dulumtanan nga larawan nga gihimo alang kang Asera. Ug giputol ni Asa ang iyang larawan ug gisunog kini didto sa sapa sa Kidron.
“Busa tan-awa, ang mga adlaw nagsingabot, nag-ingon ang Ginoo, nga ako magpakanaog ug hukom sa iyang mga larawan, ug sa tibuok niyang yuta ang mga samaran mag-agulo.
Nianang adlawa ang mga tawo moila sa ilang Magbubuhat, ug ang ilang mga mata motan-aw sa Balaan sa Israel; dili sila motahod sa mga halaran, ang buhat sa ilang mga kamot, ug dili sila motan-aw niadtong gihimo sa ilang kaugalingong mga tudlo, ang mga Asera o ang mga halaran sa insenso.
Ug nagtukod siya ug usa ka halaran alang kang Baal diha sa balay ni Baal, nga iyang gitukod sa Samaria.
Ug iyang gikuha ang mga kabayo nga gihalad sa mga hari sa Juda ngadto sa adlaw, sa agianan padulong sa balay sa Ginoo, dapit sa lawak ni Natan-melek nga tinugyanan sa balay nga didto sa mga hawanan ug iyang gisunog sa kalayo ang mga karwahe sa adlaw.
Pagmatngon kamo sa inyong kaugalingon kay tingali unya ug malimot kamo sa kasabotan sa Ginoo nga inyong Dios nga gibuhat niya uban kaninyo ug magbuhat kamo ug kinulit nga larawan sa dagway sa bisan unsa nga gidili kaninyo sa Ginoo nga inyong Dios. Kay ang Ginoo nga inyong Dios mao ang kalayo nga nag-ut-ot, usa ka Dios nga abubhoan.
Miingon siya, “Busa isalikway ninyo ang laing mga dios nga anaa uban kaninyo ug ipaduol ang inyong kasingkasing ngadto sa Ginoo, ang Dios sa Israel.”
Iyang gikuha ang mga halaran sa mga langyaw ug ang mga habog nga dapit ug gigun-ob ang mga haligi ug giputol ang mga Asera.
Kay gihagit nila siya sa pagkasuko pinaagi sa ilang mga habog nga dapit; gipapangabubho nila siya pinaagi sa ilang mga larawan nga kinulit.
Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”
“Tungod kay si Manases nga hari sa Juda naghimo niining mga dulumtanan, ug naghimo ug daotan nga labaw pa kay sa gihimo sa mga Amorihanon nga nauna kaniya, ug naghimo usab sa Juda sa pagpakasala uban sa iyang mga diosdios,
Ang tanan nga nagbuhat ug mga larawan walay hinungdan, ug ang mga butang nga ilang gikalipayan dili magpulos; ang ilang mga saksi dili makakita o makaila, nga tungod niana sila maulawan.
“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’
Kay si Solomon misimba kang Astarot, ang diosa sa mga Sidonhanon, ug kang Milcom, ang dulumtanan diha sa mga Amonihanon. Ug si Solomon nagbuhat ug daotan sa atubangan sa Ginoo, ug wala mosunod sa hingpit sa Ginoo, sama sa gihimo ni David nga iyang amahan. Unya si Solomon nagtukod ug usa ka habog nga dapit alang kang Camos, ang dulumtanan diha sa Moab, ug alang kang Molec, ang dulumtanan diha sa mga Amonihanon, didto sa bungtod sa silangang dapit sa Jerusalem.
Nianang adlawa isalibay sa mga tawo ang ilang mga diosdios nga plata ug ang mga diosdios nga bulawan, nga gibuhat nila aron simbahon, ngadto sa mga ilaga ug sa mga kabog,
Apan sila misupil kanako, ug wala mamati kanako. Ang matag usa kanila wala magsalibay sa mga dulumtanang butang nga gisud-ong sa ilang mga mata o mibiya sa mga diosdios sa Ehipto. “Unya ako naghunahuna nga ibubo nako ang akong kaligutgot diha kanila ug ihurot ang akong kasuko batok kanila taliwala sa yuta sa Ehipto.
Ang matag tawo hungog ug walay kahibalo; ang matag tigsalsal ug bulawan gipakaulawan pinaagi sa iyang mga diosdios; kay ang iyang mga nga larawan kabakakan, ug walay gininhawa diha kanila.
Bisan diin kamo magpuyo, ang mga siyudad gun-obon ug ang habog nga mga dapit mahimong biniyaan aron ang inyong mga halaran lumpagon ug pukanon ug ang inyong mga diosdios dugmokon ug gub-on, ang inyong halaran sa insenso pukanon ug ang inyong mga buhat puohon.
Si Bel nagyukbo, si Nebo nagduko, ang ilang mga diosdios anaa sa ibabaw sa mga mananap ug sa kahayopan ang mga butang nga inyong gidala nangahimong kabug-at sa gikapoyan nga mga mananap.
Sila walay pulos, usa ka buhat nga limbong; sa panahon sa pagsilot kanila mangalaglag sila.
Niadtong gabhiona ang Ginoo miingon kaniya, “Dad-a ang torong baka sa imong amahan, ang ikaduha nga torong baka nga pito ka tuig ang panuigon ug tumpaga ang halaran ni Baal nga anaa sa imong amahan ug putla ang Asera nga anaa tupad niini.
Apan hain na ang imong mga dios nga imong gibuhat alang sa imong kaugalingon? Patindoga sila, kon sila makaluwas kanimo sa panahon sa imong kalisod; kay sama kadaghan sa imong mga siyudad ang imong mga dios, O Juda.
Gidumtan nimo ang mga nagtagad sa mga walay bili nga diosdios, apan ako nagsalig sa Ginoo.
Kini sama sa tawotawo sa uma sa pakwan ug dili kini makasulti; kinahanglan nga kini pas-anon kay dili man kini makalakaw. Ayaw kahadlok kanila, kay kini dili makabuhat ug daotan, o anaa niini ang pagbuhat ug maayo.”
dili ba nako buhaton ngadto sa Jerusalem ug sa iyang mga diosdios ang gibuhat nako sa Samaria ug sa iyang mga larawan?”
Unya kini mahimong sugnod alang sa tawo; siya mokuha gikan niini, ug magpainit sa iyang kaugalingon. Siya maghaling niini ug magluto ug pan. Siya magbuhat usab ug usa ka dios, ug magsimba niini. Siya magbuhat niini ug usa ka kinulit nga larawan, ug magyukbo sa atubangan niini.
Unya si Samuel miingon sa tibuok nga balay sa Israel, “Kon kamo mamalik sa Ginoo sa tibuok ninyong kasingkasing, isalikway ang mga langyawng dios ug ang Astarot gikan kaninyo. Itumong ang inyong kasingkasing ngadto sa Ginoo, ug mag-alagad kaniya lamang, ug siya magluwas kaninyo gikan sa kamot sa mga Filistihanon.”
Busa misulod ako ug nakita nako; didto gihulagway libot sa bungbong ang tanang mga butang nga nagkamang ug mga mananap nga dulumtanan ug ang tanang mga diosdios sa balay sa Israel.
Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.
Mao kini ang gisulti sa Ginoong Dios: Tungod kay ang imong kaulawan nabutyag, ug ang imong pagkahubo nabuksan tungod sa imong mga pagpakighilawas uban sa imong mga hinigugma, ug tungod sa tanan nimong diosdios nga dulumtanan, ug tungod sa dugo sa imong mga anak nga gihatag nimo kanila,
Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.
Dugang pa, gihinginlan ni Josias ang mga tawo nga tigpakisayod ug mga espiritu ug ang mga salamangkiro ug ang mga gagmayng larawan ug ang mga diosdios ug ang tanang mga dulumtanan nga nakita didto sa yuta sa Juda ug sa Jerusalem, aron iyang matuman ang mga pulong sa Balaod nga nasulat sa basahon nga nakaplagan ni Hilkias nga pari sa balay sa Ginoo.
Kadtong magpili sa laing dios, magpadaghan sa ilang pag-antos dili nako ibubo ang ilang mga halad nga dugo, o litokon ang ilang mga ngalan sa akong mga ngabil.
Sila misugod sa pagbuhat ug gipanguha ang mga halaran nga didto sa Jerusalem, ug ang tanang mga halaran alang sa insenso ilang gikuha ug gisalibay ngadto sa sapa sa Kidron.
Kay kamo mangaulaw sa mga dagkong kahoy nga inyong gitinguha, ug manglipaghong kamo tungod sa mga tanaman nga inyong gipili.
Ug ang inyong kalaw-ay paninglon diha kaninyo ug kamo magpas-an sa silot sa inyong makasasalang pagsimba sa mga diosdios; ug kamo makaila nga ako mao ang Ginoong Dios.”
Tungod ug alang sa akong kaugalingon, tungod ug alang sa akong kaugalingon, gibuhat nako kini; kay unsaon man sa pagpasipala sa akong ngalan? Ang akong himaya dili nako ihatag ngadto sa lain.
Ang tanan nga nagsimba ug mga larawan maulawan, sila nga nangandak sa ilang kaugalingon tungod sa mga diosdios; ang tanang mga dios magyukbo kaniya.
Dugang pa, ang halaran nga diha sa Betel, ang habog nga dapit nga gibuhat ni Jeroboam nga anak ni Nebat nga naghimo sa Israel sa pagpakasala, kadtong halaran sa habog nga dapit iyang gilumpag ug gidugmok ang mga bato niini, gipulpog hangtod nga naabo ug gisunog usab niya ang Asera. Ug sa paglingi ni Josias, iyang nakita ang mga lubnganan nga diha sa bukid, ug siya nagpaadto ug gikuha ang mga bukog sa mga lubnganan ug gisunog sila sa ibabaw sa halaran, ug gipasipalahan kini, sumala sa pulong sa Ginoo nga gipadayag sa tawo sa Dios nga nagpahibalo niining mga butanga.
Ug karon nagdugang ang ilang pagpakasala ug naghimo ug mga tinunaw nga larawan alang sa ilang kaugalingon, mga diosdios nga hinimo gikan sa plata, ang tanan niini buhat sa mga batid nga tigpamuhat. Sila miingon, “Paghalad kamo alang niini.” Ang mga tawo mihalok sa mga nating baka!
Kinahanglang gub-on ninyo ang ilang mga halaran ug dugmokon ang ilang mga haligi ug putlon ang ilang mga Ashera.
Sa dihang natapos kining tanan, ang tibuok Israel nga mitambong nanggula ngadto sa mga siyudad sa Juda ug gipangdugmok ang mga haligi ug gipamutol ang mga Asera, ug gigun-ob ang mga habog nga dapit ug ang mga halaran sa tibuok Juda ug Benjamin, ug sa Efraim ug sa Manases, hangtod nga nagun-ob nila kining tanan. Unya ang tanang katawhan sa Israel namalik sa ilang mga siyudad, ang matag tawo ngadto sa iyang kaugalingong kabtangan.
Kinahanglan nga dili kamo magbuhat ug kasabotan uban kanila o uban sa ilang mga diosdios. Kinahanglan nga dili sila mopuyo sa inyong yuta kay tingali unya ug sila mag-angin kaninyo sa pagpakasala batok kanako kay kon mag-alagad kamo sa ilang mga diosdios, kini gayod mahimong usa ka lit-ag alang kaninyo.”
Ang ilang kasingkasing maluibon; karon kinahanglang magpas-an sila sa ilang sala. Ang Ginoo magtumpag sa ilang mga halaran, ug magguba sa ilang mga haliging larawan.
Ug si Elias miingon kanila, “Dakpa ang mga propeta ni Baal ayaw paikyasa ang bisan usa kanila.” Ug gidakop nila sila ug gidala sila ni Elias ngadto sa sapa sa Kison ug gipamatay sila didto.
Tagda ang tanan nakong gisulti kaninyo. Ug ayaw hisgoti ang ngalan sa ubang mga dios o ipadungog kini gikan sa inyong baba.
Pamatia ang pagtuaw sa anak nga babaye sa akong katawhan gikan sa tibuok nga yuta: “Wala ba ang Ginoo diha sa Zion? Wala ba ang iyang Hari diha kaniya?” “Nganong gihagit nila ako sa pagkasuko pinaagi sa ilang mga kinulit nga larawan, ug sa ilang mga langyaw nga diosdios?”
Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.
Pagmatngon kamo kay tingali unya ug magbuhat kamo sa daotan pinaagi sa pagbuhat ug kinulit nga larawan alang sa inyong kaugalingon, diha sa bisan unsang dagway sa panagway sa lalaki o sa babaye, sa panagway sa bisan unsang mananap nga ania sa yuta, sa panagway sa bisan unsang langgam nga adunay pako nga naglupad sa kahanginan, sa panagway sa bisan unsa nga nagkamang sa yuta, panagway sa bisan unsang isda nga anaa sa tubig ilalom sa yuta.
Sunoga sa kalayo ang kinulit nga larawan sa ilang mga diosdios. Ayaw kaibgi ang plata o ang bulawan nga anaa kanila o kuhaon ninyo kini alang sa inyong kaugalingon, aron nga dili kamo malit-ag niini kay kini dulumtanan alang sa Ginoo nga inyong Dios.
Ang inyong mga halaran mahimong biniyaan ug ang inyong mga halaran sa insenso dugmokon ug akong ilabay ang inyong mga minatay sa atubangan sa inyong mga diosdios.
Iyang giguba ang mga habog nga dapit ug gitumpag ang mga haligi nga bato ug giputol ang Asera ug iyang gidugmok ang bitin nga bronsi nga gibuhat ni Moises, kay hangtod niadtong mga adlawa ang katawhan sa Israel nagsunog man ug insenso alang niini, ug kini gitawag ug Nehustan.
Apan ingon niini ang buhata kanila: gub-a ninyo ang ilang mga halaran ug dugmoka ang ilang mga haligi ug pukana ang ilang Aserim ug sunoga sa kalayo ang ilang mga kinulit nga larawan.
Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.
ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.
Niadtong gabhiona ang Ginoo miingon kaniya, “Dad-a ang torong baka sa imong amahan, ang ikaduha nga torong baka nga pito ka tuig ang panuigon ug tumpaga ang halaran ni Baal nga anaa sa imong amahan ug putla ang Asera nga anaa tupad niini. Ug paghimo ug usa ka halaran alang sa Ginoo nga imong Dios ibabaw sa kuta pinaagi sa mga bato nga maayong pagkapahimutang. Unya kuhaa ang ikaduha nga torong baka, ug ihalad kini ingon nga halad nga sunogon, uban sa kahoy sa Asera nga imong giputol.”
Ang mga halaran nga diha sa atop sa kinatas-an nga lawak ni Ahas, nga gibuhat sa mga hari sa Juda ug ang mga halaran nga gibuhat ni Manases didto sa duha ka hawanan sa balay sa Ginoo, iyang gilumpag ug gipulpog ug ilang gisaliyab ang abog didto sa sapa sa Kidron.
Ug iyang gipanugmok ang mga haligi ug gipamutol ang mga Asera ug gipuno ang ilang nga dapit sa mga bukog sa mga tawo.
“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta. Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.
Gun-oba gayod ninyo ang tanang mga dapit diin ang mga nasod nga inyong ilogan nag-alagad sa ilang mga dios, sa ibabaw sa habog nga kabukiran, ug sa ibabaw sa kabungtoran, ug sa ilalom sa tanang kahoy nga lunhaw.
“Ayaw kamo pagbuhat alang kaninyo ug mga diosdios ug ayaw kamo pagpatindog ug kinulit nga larawan o haligi nga bato, ug ayaw kamo pagbutang ug bato nga kinulitan diha sa inyong yuta aron magyukbo kamo niini, kay ako mao ang Ginoo nga inyong Dios.
Ug iyang gipamatay ang tanan nga mga pari sa habog nga dapit nga didto sa mga halaran ug gisunog ang mga bukog sa mga tawo sa ibabaw nila. Unya mibalik siya ngadto sa Jerusalem.
Unya imong bulingan ang imong kinulit nga mga larawan nga sinapawan ug plata, ug ang imong mga larawan nga tinunaw nga gisapawan ug bulawan. Isalibay nimo kini ingon nga hugaw nga mga butang; ikaw moingon niini, “Pahawa kamo!”
Ilang gitumpag ang mga halaran sa mga Baal diha sa iyang atubangan ug gibuak ang mga halaran sa insenso nga diha sa ibabaw niini ug gidugmok ang mga Asera ug ang mga kinulit ug mga tinunaw nga larawan ug gihimo kining abog ug gisabwag kini sa ibabaw sa mga lubnganan niadtong mga naghalad kanila.
pagbantay nga dili kamo mabitik sa pagsunod kanila human sila malaglag gikan sa inyong atubangan ug nga dili kamo mangutana mahitungod sa ilang mga dios, nga mag-ingon, ‘Giunsa man niining mga nasod pag-alagad sa ilang mga dios? Buot usab nakong magbuhat sa ingon.’ Ayaw kamo pagbuhat sa ingon niini ngadto sa Ginoo nga inyong Dios kay ang tanang dulumtanang butang nga gidumtan sa Ginoo ilang gibuhat sa ilang mga dios. Kay bisan gani ang ilang mga anak nga lalaki ug ang ilang mga anak nga babaye ilang gisunog sa kalayo alang sa ilang mga dios.
“Kon ang usa ka tawo modangop ngadto sa mga tigpakisayod sa espiritu o sa mga tigsalamangka aron sa paghugawhugaw sunod kanila, ako makigbatok nianang tawhana ug ipahimulag siya gikan sa taliwala sa iyang katawhan.
papahawaon ninyo ang tanang mga nagpuyo sa yuta gikan sa atubangan ninyo ug dugmokon ang tanan nilang mga larawan ug ang tanan nilang mga tinunaw nga larawan ug gub-on ang tanan nilang habog nga mga dapit
Ug laglagon ninyo ang tanang mga katawhan nga itugyan kaninyo sa Ginoo nga inyong Dios. Ang inyong mata dili maluoy kanila ug ayaw kamo pag-alagad sa ilang mga diosdios kay kana mahimong lit-ag alang kaninyo.
Ug ilang gigun-ob ang haligi ni Baal ug gigun-ob ang templo ni Baal ug gihimo kining kalibangan hangtod niining adlawa.
“Busa, tan-awa, ang mga adlaw miabot na nga silotan nako ang mga larawan sa Babilonia; ang tibuok niyang yuta maulawan, ug ang tanang gipamatay diha kaniya manghay-ad sa taliwala niya.
Kay kinahanglan nga dili kamo magsimba ug lain nga mga dios kay ang Ginoo, nga ang kinsang ngalan Abubhoan, abubhoan nga Dios,
Ug sa diha nga ang Ginoo nga inyong Dios magtugyan kanila nganha kaninyo ug inyong nalupig, kinahanglang laglagon ninyo sila sa hingpit. Ayaw kamo paghimo ug kasabotan uban kanila ug ayaw pagpakita ug kaluoy kanila.
Unya ang tibuok katawhan nangadto sa balay ni Baal ug gigun-ob kini, ang iyang mga halaran ug ang iyang mga larawan ilang gidugmok, ug gipatay nila si Matan nga pari ni Baal sa atubangan sa mga halaran.
Ug gikuha nako ang inyong sala, ang nating baka nga inyong gibuhat, ug gisunog kini sa kalayo, ug gidugmok ug gipinopino hangtod nga kini sama ka pino sa abog ug gisalibay nako ang abog niini ngadto sa sapa nga nagdagayday gikan sa bukid.
Iyang gipagawas ang Asera gikan sa balay sa Ginoo ngadto sa gawas sa Jerusalem, ngadto sa sapa sa Kidron ug gisunog kini didto sa sapa sa Kidron ug gidugmok hangtod nga naabog ug gisaliyab ang abog niini sa ibabaw sa mga lubnganan sa mga anak sa mga tawo nga yano.
Ug gikuha niya ang nating baka nga ilang gibuhat ug gisunog niya kini sa kalayo. Ug gigaling kini niya hangtod nga napulbos ug gisabwag kini ngadto sa tubig ug gipainom niya kini sa katawhan sa Israel.
Iyang gihinginlan ang mga lalaki nga nagbaligya sa ilang dungog gikan sa yuta ug gipanguha ang mga diosdios nga gibuhat sa iyang katigulangan. Ug gikuha usab niya si Maaca nga iyang inahan gikan sa pagkarayna, tungod kay aduna siyay dulumtanan nga larawan nga gihimo alang kang Asera. Ug giputol ni Asa ang iyang larawan ug gisunog kini didto sa sapa sa Kidron.
Unya ang tibuok katawhan sa yuta nangadto sa balay ni Baal ug gigun-ob kini. Ang iyang mga halaran ug iyang mga larawan ilang gidugmok, ug gipatay si Matan nga pari ni Baal, sa atubangan sa mga halaran. Ug ang pari nagbutang ug mga bantay sa balay sa Ginoo.
ug ayaw kamo paghimo ug kasabotan uban sa mga nagpuyo niining yutaa. Gub-a ang ilang mga halaran.’ Apan wala ninyo tumana ang akong sugo. Unsa man kining inyong gibuhat?
Ang tanan niyang mga kinulit nga larawan dugmokon, ang tanan niya nga suhol sunogon sa kalayo, ug ang tanan niyang mga diosdios akong wagtangon; kay siya nagtigom kanila gikan sa suhol sa usa ka babayeng nagbaligya ug dungog, ug sila mobalik ngadto sa suhol sa usa ka babayeng nagbaligya ug dungog.
dili sila motahod sa mga halaran, ang buhat sa ilang mga kamot, ug dili sila motan-aw niadtong gihimo sa ilang kaugalingong mga tudlo, ang mga Asera o ang mga halaran sa insenso.
Bisan si Maaca nga iyang inahan gipapahawa ni Hari Asa gikan sa pagkarayna tungod kay siya naghimo ug usa ka dulumtanan nga larawan alang kang Asera. Giputol ni Asa ang iyang larawan ug gidugmok kini ug gisunog kini didto sa Sapa sa Kidron.
Apan sa ilang pagbangon sayo sa pagkasunod buntag, si Dagon natumba na usab sa atubangan sa sudlanan sa kasabotan sa Ginoo, ug ang ulo ni Dagon ug ang duha niini ka kamot nangaputol nga didto na nahimutang sa tugkaran ug ang lawas ni Dagon mao ray nahibilin kaniya.
Mao kini ang isulti ninyo kanila, “Ang mga diosdios nga wala magbuhat sa kalangitan ug sa yuta mangahanaw gikan sa yuta ug gikan sa ubos sa kalangitan.”
Gipahayag nako kini kanimo sukad pa kaniadto, sa wala pa kini mahitabo gipahibalo nako kini kanimo, kay tingali unya ug ikaw moingon, ‘Ang akong diosdios maoy naghimo niini, ang akong kinulit nga larawan ug ang akong tinunaw nga larawan maoy nagsugo niini.’
Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.
Hulaw ngadto sa iyang katubigan, aron sila maughan! Kay kini yuta sa mga larawan, ug sila nangabuang sa ilang mga diosdios.
ug wagtangon nako ang imong mga kinulit nga larawan ug ang imong mga haliging bato gikan kanimo, ug ikaw dili na magsimba sa buhat sa imong mga kamot;
Ang ilang mga diosdios plata ug bulawan, binuhat sa mga kamot sa mga tawo. Sila adunay baba apan dili makasulti; sila adunay mga mata apan dili makakita; sila adunay mga igdulungog apan dili makadungog; adunay mga ilong apan dili makapanimaho. sila adunay mga kamot apan dili makahikap; adunay mga tiil apan dili makalakaw; dili sila makatingog pinaagi sa ilang tutunlan. Ang mga nagbuhat kanila sama usab kanila; mao usab ang tanan nga mosalig kanila.
“Busa ingna ang balay sa Israel, Mao kini ang giingon sa Ginoong Dios: Paghinulsol kamo, ug biyai ang inyong mga diosdios, ug ilingiw ang inyong mga nawong gikan sa tanan ninyong nga mga dulumtanan.
“Ug nianang adlawa, nag-ingon ang Ginoo sa mga panon, puohon nako ang mga ngalan sa mga diosdios gikan sa yuta aron dili na sila mahinumdoman, ug papahawaon usab nako gikan sa yuta ang mga propeta ug ang hugaw nga espiritu.
Kay sa ikawalo nga tuig sa iyang paghari, samtang batan-on pa siya, siya nag-alagad sa Dios ni David nga iyang amahan ug sa ikanapulo ug duha nga tuig siya nagsugod sa paghinlo sa Juda ug sa Jerusalem sa mga habog nga dapit, sa mga Asera, ug sa mga kinulit ug sa mga tinunaw nga larawan. Ug ang hari miadto sa balay sa Ginoo uban ang tanang mga tawo sa Juda ug ang mga nagpuyo sa Jerusalem, ug ang mga pari ug ang mga Levihanon, ang tanang katawhan, dagko ug gagmay, ug iyang gibasa sa ilang pangdungog ang tanang mga pulong sa basahon sa kasabotan nga nakit-an didto sa balay sa Ginoo. Ug ang hari mitindog sa iyang dapit ug naghimo ug sa usa ka kasabotan sa atubangan sa Ginoo, sa paglakaw sunod sa Ginoo ug sa pagtuman sa iyang mga sugo, ug sa iyang mga pagpamatuod ug sa iyang mga lagda, uban sa tibuok niyang kasingkasing, ug sa tibuok niyang kalag, sa pagbuhat sa mga pulong sa kasabotan nga nasulat niining basahona. Unya iyang gipasaad ang tanan nga didto sa Jerusalem ug sa Benjamin; ug ang mga nagpuyo sa Jerusalem nagbuhat sumala sa kasabotan sa Dios, ang Dios sa ilang mga katigulangan. Gikuha ni Josias ang tanan nga mga dulumtanan gikan sa tanang mga kayutaan nga ila sa katawhan sa Israel, ug ang tanan nga didto sa Israel gipaalagad sa Ginoo nga ilang Dios. Sa tanan niyang mga adlaw sila wala mobulag gikan sa pagsunod sa Ginoo, ang Dios sa ilang mga katigulangan. Ilang gitumpag ang mga halaran sa mga Baal diha sa iyang atubangan ug gibuak ang mga halaran sa insenso nga diha sa ibabaw niini ug gidugmok ang mga Asera ug ang mga kinulit ug mga tinunaw nga larawan ug gihimo kining abog ug gisabwag kini sa ibabaw sa mga lubnganan niadtong mga naghalad kanila. Gisunog usab niya ang bukog sa mga pari ibabaw sa ilang mga halaran, ug gihinloan ang Juda ug ang Jerusalem. Sa mga siyudad sa Manases sa Efraim ug sa Simeon, hangtod sa Neftali, diha sa ilang mga nangaguba nga naglibot, iyang gitumpag ang mga halaran ug gidugmok ang mga Asera ug ang mga larawan hangtod naabog, ug gipamutol ang mga halaran sa insenso sa tibuok yuta sa Israel, unya mibalik siya ngadto sa Jerusalem.
Ug daghan sa mga naghimo ug mga salamangka nagdala sa ilang mga basahon ug ila kining gisunog sa atubangan sa tanan, ug ilang giisip ang bili niining tanan ug ilang nakita nga miabot kini ug 50,000 ka plata nga salapi.
Nagpakaaron-ingon sila nga maalamon apan nahimo hinuon nga mga buangbuang, ug ang himaya sa dili mamatay nga Dios ilang gipulihan ug mga larawan nga sama sa tawo nga may kamatayon ug sa mga langgam ug sa mga mananap nga upat ang tiil ug sa mga binuhat nga nagkamang.
Tan-awa, kamo mga walay kapuslanan, ug ang inyong buhat walay hinungdan; siya nga nagpili kaninyo dulumtanan.