Kasta
110 Biblian jiskʼa tʼaqanakapajja, The Curse sat librotwa parli
Diosan wali amuyt’apampi, Qullan Qillqatanakampi uñacht’ayistu, juchan munañapampi ukat Diosan munayapat jitheqtañampi maldisiñax purini. Nayrïr jaqenakapatpachwa, Adanampi Evampi Edenan huertompi Diosar jan ist’apxäna ukhatpachaw akapach malldisiñax purini.
Malldisiñax Diosan cheqapar uñacht’ayiwa, Diosat jitheqtañani ukat kikpach ñanqanakan sarnaqañani ukhaxa, ukaxa chiqpachansa ukhakiwa. Génesis qillqatanxa, jaqax juchar mantxasaxa, Diosax akham säna: “Juman munañamatakiw aka oraqax malldisiski; taqi jakhamanakamaw usuchjas layku manq’amtati” (Génesis 3:17). Aka malldisiñax janiw Adanampi Evampiki t’aqiskänti, jan ukasti taqpach jaqenakaruw t’aqisi, ukatpachawa aka jakäwinxa usuchasiña, llakisiña ukat ch’amaka ch’amaka jakasiñax utjani.
Malldisiña akapach purinxañakipanxa, Diosax wali munasiñapampi ukat khuyapayasiñapampi mä askip chitästu, Jesucristo toqewa, juchan malldisiñap cruzampi jupïri apanukuwayi, ukhamatwa aka ch’amakat qhisphiyasiñjamäktanxa, Gálatas qillqatan akham siwa: “Cristox leyin malldisiñapat qhisphiyistu, jiwas layku malldisitäski” (Gálatas 3:13). Jesusax jiwas layku malldisitäski, jiwasar t’aqhiskañapäki uka castigop jupïri apanukuwayi.
Ukhamaw Jesucristo uñjasaxa ukat Qhispiyirijaruw katoqtasaxa, malldisiñat qhisphiyasiñxa ukat Diosampi jakasiñxa katoqañjamäktanxa. Biblia qillqatanxa Cristompi machaq jaqëkaswa sasaw yaticharakistu: “Khititï Cristompin utjki ukaxa, machaq jaqëkaskiwa; nayra pachanakanxa tukusïnawa; kunatix jichhax taqpach machaqäxiwa” (2 Corintios 5:17).
Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.
Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.
“Ucampis jumatejj Diosaru jan ist'cäta ni camachi arunacaparjamasa, leyinacaparjamasa sarnakcäta, cawquïri ewjjanactejj jichhüruna churcsma ucanacarus jan phokcaraquïta ucqhajj, jumanac patjjaruwa take aca maldicionanacajj jutani.
Ucampis jichhajj apanucjjapjjam take acanaca: colerasiñanaca, janchin munañanaca, uqhamarac jan wali arunaca.
Jumasti maldicitäyätaw marcana, uqhamaraqui pampansa.
Maldicitäniwa canastamasa, uqhamaraqui t'ant'a chapusiñ bateamasa.
Maldicitaraquïniwa wawanacamasa, cosechanacamasa, vacaman kallunacapasa, ovejamana kallupasa, take uywanacamana kallunacapasa.
Ucatsti jumajj take luräwinacamanwa maldicitäyäta.
“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.
Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.
Aca marcasti wachoka jucha lurir jakenacan phokhantatawa, ñankha lurañaru jalir jakenacana phokhantatawa, ch'amanacapsti jan walinac lurañataquiquiw apnakapjje. Ucatwa Tatitojj aca orakjja maldecïnjja, aca orakesti wañsuwayjjaraquiwa, wasara tokenquir pastonacasa k'alaw pharsuwayjjaraqui.
“Jichha urunwa nayajj bendicionampita maldicionampita ajllisiñanacamatac churapjjsma.
Bendicionsti catokapjjätawa, jumanacatejj Tatitu Diosaman camachi arunacapa phokhapjjäta, cawquïrtejj jichha urun churapcsma ucanaca, ucapacha;
maldicionsti catokapjjaraquïtawa, jumanacatejj yakha jan uñt'at diosanacaru arcasina, Tatitu Diosan camachi arunacaparu jan phokhapcaraquïta, ucatsti thaquipatsa sarakapjjaraquïta, cawquïri ewjjanactejj jichhüruna churapcsma ucanacata, ucapacha.
Pachpa lacatwa mistu Diosar yupaychañasa, jaker ñankhachañasa. Jilatanaca, janiw uqhamäñapajj waquisquiti.
Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.
(¡Maldecitäpan cawquïri jaketejj jan suma chuymampi Tatitun ejjwata irnakañanac phokcani ucajja. Maldecitaraquïpan cawquïri jaketejj jan jiwayañ munqui ucajja!)
Bendecipjjaraquim qhitinacatejj jumanacarojj t'akhesiyapctam ucanacarojja. Jupanacataquisti bendicionanaca mayipjjam, jan maldecipjjamti.
“Ucampisa jumanacatejj jan nayaru ist'apquitäta, janiraqui camachi arunacajjsa phokhapcätati,
jan ucasti nayan leyinacajjsa, uqhamarac arsutanacajjsa jisc'achapjjaraquïta, janiraqui cawquïri camachi arunacajjsa phokhapcätati, uqhamat nayan jumanacampi arust'asitajjsa jan phokhapcaraquïtati,
ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.
‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.
‘Maldicitäpan cawquïritejj awquiparus taycaparus jan munasiñampi uñjcan ucajja.’ Ucatsti takpach marcaraquiw saraquini: ‘Uqhamäpan’ sasa.
‘Maldicitäpan jake masipan korpanaca lunthatañataqui jithinakayirejja.’ Ucatsti takpach marcaraquiw sani: ‘Uqhamäpan’ sasa.
‘Maldicitäpan cawquïritejj juyqhuru thaquipat maysaru irpanucqui ucajja.’ Ucatsti takpach marcaraquiw sani: ‘Uqhamäpan’ sasa.
‘Maldicitäpan cawquïritejj mä yakha marcat jutir jakeru, mä ijmarusa, uqhamaraqui mä wajcharus jan cheka cancañampi uñjirejja.’ Ucatsti takpach marcaw saraquini: ‘Uqhamäpan’ sasa.
Cunapachatejj Jordán jawira maqhatapjjäta Tatitu Diosamas orake churapcätam ucar mantañataqui ucqhajj jach'a kalanacwa sayt'ayapjjäta, ucatsti k'atawimpiw pintsuwayapjjäta,
‘Maldicitäpan awquipan warmipampi iquintirejja, uqham luratapampejj awquiparu p'enkachayatap laycu.’ Ucatsti takpach marcaw sani: ‘Uqhamäpan’ sasa.
‘Maldicitäpan uywanacampi k'añusirïqui ucajja.’ Ucatsti takpach marcaw sani: ‘Uqhamäpan’ sasa.
‘Maldicitäpan cawquïritejj cullacapampi iquintascani ucajja, awquipan wawapäpansa jan ucajj taycapan wawapäpansa.’ Ucatsti takpach marcaw sani ‘Uqhamäpan’ sasa.
‘Maldicitäpan cawquïritejj taycch'ipampi iquintasini ucajja.’ Ucatsti takpach marcaw sani: ‘Uqhamäpan’ sasa.
‘Maldicitäpan cawquïritejj jake masiparu ch'ojjña lurasina jiwaycani ucajja.’ Ucatsti takpach marcaw sani: ‘Uqhamäpan’ sasa.
‘Maldicitäpan cawquïritejj kollke apakasisin mä jan juchani jakeru jiwaycani ucajja.’ Ucatsti takpach marcaw sani: ‘Uqhamäpan’ sasa.
‘Maldicitäpan cawquïritejj jan aca yatichäwinacar ajjsarcani, uqhamarjamasa sarnakcaraquiniti ucajja.’ Ucatsti takpach marcaw sani: ‘Uqhamäpan’ sasa.
Ñankhachañ munirïtap laycojj ñankhachatäpan; asquinac jan munirïtap laycojj asquejj jupat jayancpan.
Jïsa, take marcpachaw jumanacajj nayat lunthatapjjesta, ucatwa jichhajj nayajj ñankhachapjjsma. Naya take ch'amani Diosaw arsta.
Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.
Ucatsti Tatitu Diosajj catarirojj saraquïnwa: —Aca luratamatjja, take animalanac taypinjja maldicitäyätawa. Jichhat ucsarojj orakenjam katatnaktäta, lak'a mank'araquïta.
Ucampisa ¿cunjämsa nayajj ñankhachäjja cawquïrirutejj Diosajj jan ñankhachiqui ucarojja? ¿Cunjämsa jan walinac mayiraquëjja, Tatitutejj jan muncchi ucarojja?
Jichhüruw nayajj uchta alajjpachampiru acapachampiru jumanacat testigöñapataqui; jumanacaru jacañampita jiwañampita ajllisiñamatac churapjjsma; uqhamaraqui bendicionampita, maldicionampita ajllisipjjañamataqui. Ucampis jacaña ajllisipjjam, jumanacampi, wawanacamampi jacapjjañamataqui.
Job chachajj janiw amuquïrjamäcjjänti ucat arsusjje; uqhamïpansti, cuna urutejj nascänjja uca urwa ñankhachi aqham sasa:
Ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i.
Ucatsti saraquituwa: —Ucan kellkatawa take marcanacan maldicionapajja. Cunatejj purap thiyan kellkatäqui ucarjamajja, janiw qhiti lunthatirisa, c'ari juramento luririsa jan castigatajj kheparcaniti.
Take ch'amani Tatitojja arsupuniwa: ‘Nayaw apayantjja aca maldicionjja lunthatasquis ucan utaparu, c'ari juramento sutejj laycu lurquis ucan utapampiru mantañapataqui. Uca maldicionasti ucancaraquiniwa qhayanjja jan lawasa ni kalasa kheparañapcama’ —sasa.
Wali mankha phuch'ur uñtatawa jan wali sarnaker warmin arunacapajja; qhitirutejj Tatitojj mutuyañ munqui ucarojja uca warmin ucaruraquiw puriyi.
Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.
“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.
Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.
ucatsti saraquim, naya Tatitu, Israelan Diosapaw sista: Cawquïri jaketejj jan aca arust'äwiru phokcani ucajj maldecitäniwa.
Ucatwa jichhajj maldicionajj aca orakjja tucji, jakenacapasti jichhajj mutuyäwi catokapjjaraqui. Ucatwa jichhajj jakejj tucusjjaraqui, juc'aniquiraquiw kheparjje.
Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”
Juparaquiw awquinacampi wawanacampsa sumancthapiyjjani. Janitejj uqhamäcani ucapachasti nayaw jutä, ucatsti take marcpacharuraquiw mutuyaraquï k'ala t'unjasina.”
“Tatitu Diosasti maldicionanaca, pitusiñanaca, llaquisiñanaca take luräwiman apayanipjjätam, ucatsti juc'a urunacwa takpachaniru t'unjapjjätam, jumanacan jan wali luräwinacampi jupar apanucupjjatam laycu.
Diosaw mä azot'inac apayanïtam jumaru tucjañataqui cawquïri oraktejj catcäta ucana.
Uqhamaraquiw apayanïtam jiwaña usunaca, ñankha fiebrenaca, p'usuntir usunaca, calor usunaca, trigo yapunacamarojj awtipacha lak'onacaraquiw puriraquini, take casta usunacaw arcanakätam jumar t'unjañataqui.
Ucampis ch'aphinacaqui, uqhamarac jan wali koranacampiqui achuscchi ucajja, janiw cunataquis walïquiti; ucasti Diosan maldicitäniwa, tucuyarusti ninar phichhantatäniwa.
Ñankhachañ munirïtap laycojj ñankhachatäpan; asquinac jan munirïtap laycojj asquejj jupat jayancpan.
Ñankhachäwejj isimpjam imjjatpan; puracaparojj umjam ch'ach'antpan, ch'aqhaparus aceiter uñtat mantpan;
“Cawquïri jaketejj mä kokar warccatata jiwayatäni mä jach'a jucha luratap laycu,
ucatsti janchipajj janiw uca arumajj ucan warcusiñapäquiti, jan ucasti uca quipca urpachaw imantjjapjjañama; Diosansti maldicitaw cawquïri jaketejj kokar warccatata jiwqui ucajja, jumanacasti janiw ñankhachapjjañamäquiti cawquïri oraktejj Tatitu Diosamajj jumanacaru churapctam ucjja.
Pobreru yanapt'irinsti, janiw cunapas pist'caniti, ucampis qhititejj pobreru jan yanapt'añ muncani ucajja, wali maldecitäniwa.
Ucatsti jan jumanacajj utanacamaru apasipjjamti cunatï maldicitäqui ucanacjja, jan uqhamata jumanacas t'unjatäpjjañamataqui. Take ucanacwa t'unjapjjäta ucatsti maldicitätwa uñt'apjjaraquïta.
Ucanjja wawanacas janiraquiw jisc'pacha jiwarapcaniti, janiraquiw chuymani jakenacas janïra maranacap phokcasajj jiwapcaniti. Patac marani jiwañasti waynpacha jiwañäniwa, uca patac marar jan purjjañasti mä maldicionaraquïniwa.
apnakerinacamasti nayan templojj-jja taquisipjjaraquiwa, ucatpï Israelarojja, Jacobon marcaparojja t'unjatäñapataqui jisc'achjatäñapataquiraqui apanuctjja.
Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.
Orakesti ch'aphinaca, uqhamarac jan walinacwa achurapïtam, ucatsti pampanquir kokanacan achunacapwa mank'apjjäta.
Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.
Ucat jichhajj jumajj maldicitäyätawa, jilaman wilapas wartasqui uca oraketsa jakonucutaraquïyätawa, jumaw jilamarojj jiwaytajja.
Orakjja wal lurascäta ucasa, janiw achunacajj achurapcätamti. Aca orake muyusaraquiw sarnakäta, janipuni samart'añ jicjjatasa —sasa.
Qhititejj juchan jakeru sani: “Janiw juchanïctati” sasa ucarojja, jakenacajj ñankhachaniwa, marcanacasa juparojj uñisiraquiniwa.
“Uqhamasti aca juramento arunac ist'awayasina, cawquïrisa jumanacat jupa pachpa suma jakëtap amuyasi, ucatsti aqham sani: ‘Take cunaw nayataquejj walt'ascani, munañajjar lurcä ucqhasa’ sasa. Uca jakew jumanacan jan cunanïñanacataqui juchaninejja.
Moisesajj takpach Israel marcar tantacht'asinjja sänwa: “Jumanacasti uñjapjjtawa take cuntejj Tatitojj Egipto marcan lurcän take ucanacjja, faraón reyiru, jilïrinacaparu, uqhamarac take marcaparusa.
Ucapachajj Tatitu Diosajj janiw janc'aqui perdoncaniti jan ucasti takpach colerasiñapa, uqhamaraqui mayjt'asitapa, uca jakerojj apayani, ucatsti jupa patjjarojj take aca libron kellkat maldicionanacaw jutaraquini, Diosasti wawanacapjja aca oraken k'alwa chhaktayaraquini.
Tatitun kollanaptayat jakenacajj orak catokasipjjani, jupan ñankhachatanacasti jakonucutäpjjaniwa.
Jïsa, Tatitun espadapajj alajjpachan uñsti, Edom marcjjaruraquiw purini, uca marcasti jiwañar catuyatawa.
Qhititejj jucha lurqui ucaw jiwascanejja. Wawajj janiw awquin juchapatjja phokcaniti, awquis janiw wawan juchanacapatjja phokcaraquiniti. Asqui jakejj asqui lurataparjamaw suma wajjt'asïwi catokani, ñankha jakesti ñankha lurataparjamaraquiw mutuyäwi catokaraquini.
Ucampis jumanacan Tatitu Diosamajj janiw Balaam chacharojj ist'cänti, jan ucasti uca ñankhachawjja jumanacataquejj mä bendicionaruw tucuyänjja, jumanacaru munatap laycu.
Ucampis cuntejj nanacajj parlapcsma ucat yakha casta khespiyasiñ arunac parlapjjätam uca jakejj maldicitäpan, qhitïscpasa, naya pachpäyäsa jan ucajj alajjpachat jutir angeläscpasa.
Acjja niya nayratpachaw sapjjsma, jichhas wasitamp sasipcacsmawa: Cawquïrtejj catokapctas ucat yakha casta khespiyasiñ arunac parlapjjätam ucajja maldicitäpan.
Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.
Ucatsti Tatitu Diosamaw uñisirinacamjjaru aca maldicionanac puriyani, uqhamaraqui cawquïrinacatï uñisisa arcanakapctam ucanacarusa.
Jumaw jach'a jach'a tucurinacarojj tokenoktajja, arsutanacamat sarakerinacajj ñankhachatawa.
Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.
Ucat jichhajj yatipjjañam munta: Janiw qhitis “Jesusajj maldecitäpan” sasajj Kollan Ajayun ch'amapampejj siscaspati. Janiraquiw qhitis jan Kollan Ajayun ch'amapampejj “Jesusajj Tatituwa” sasajj siscaspati.
“Take aca maldicionanacaw jumjjaru jutani, arcanipjjätamwa jicjjatañcama jumaru tucjañataqui, Tatitu Diosamaru jan ist'atamata, ni camachi arunacaparu, leyinacaparu phokhañsa jan munatam laycu, cawquïrinactejj jupajj ewjjapctam ucanaca.
Mä warmirus janiraquiw alekaqui uñtapquiti, janiraquiw jucha lurañatsa karjasipcaraquiti. Pisi amuyt'aninacarusti jupanac chicaraquiw juchjj lurayapjje, wali mich'äpjjaraquiwa; ñankha jakenacäpjjapuniwa.
Cuna juchanactejj nayra awquinacapajj lurcäna uca pachpa jucha lurañanacaruw cuttapjjaraqui, uca awquinacapasti janiw nayarojj ist'añ munapquitänti, ucatsti yakha diosanacaruw arcjjapjjäna uqhamaraqui yupaychapjjaraquïna. Israelasa uqhamaraqui Judá marcasa cuntejj nayajj nayra awquinacapampi mä arust'äwi lurcäyätjja ucanacjja t'unjapjjewa.
Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.
Nayan ajllitanacajjasti sutinacamwa aytasipjjaraquini, mayninacaru ñankhachañataqui, uqhamaraqui jiwañap munañataquisa, ucampis sirvirinacajjarojj yakha sutinacampiw suticht'äjja.
“Jumatejj jan ist'cäta ni aca libron kellkat yatichäwinacarjamasa sarnakcaraquïta, ni ajjsartcaraquïtasa aca jach'a cancañan, ajjsarcaya Diosaman sutiparusa,
ucqhasti jach'a ajjsarcañ lak'onacwa jumjjarusa wawanacamjjarusa apayanïtam, uqhamaraqui jan kollcaña ñankha usunaca.
Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.
“Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.
Jalir umani jawir thiyaru ayruntata kokjamäniwa, saphinacapasti uca uma tokeru saphintataraquiwa, cunapachatejj lupejj purinqui ucqhasti janiw ajjsarcaraquiti, laphinacapasa take horasansa ch'ojjñaquïscaniwa. Waña horasa purinipansti janiw mayjt'ascaniti, take horasansa achuniquïscaniwa.
‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.
Jupanacajj ñankhachapjjetpasa, jumajj asquimay churita. Timanacajjajj aynacht'apjjpan, uywatamasti ucchañcamajj cusispan.
Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.
Qhititejj jan Tatit Jesucristor muncchejja, maldecitäpan. ¡Nanacan Tatitojja, jutam!
Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.
“Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.
Cunapachatejj uca urojj purincani ucapachajja, waljaniraquiw sapjjaraquitani: ‘Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta’ sasa.
Ucapachasti nayajj jupanacarojj saraquïwa: ‘Janipuniw jumanacarojj uñt'apcsmati, nayat jithektapjjet jan wali luririnaca’ sasa.
“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.
Tatitusti saraquiwa: “¡Ay, cunaquïcan khoru wawjama sarnakapqui ucanacataquejja, jan nayar jisct'asisa cuns amtapjje, jan nayan amuyt'ayat amtäwinac waquichapjjaraqui, uqhamat juchat juchjjaru montonapjje!
Unañchäwi uñjirinacarusti sapjjaraquiwa: “Jan uca unañchäwinac uñjapjjamti”, profetanacarusti: “Cheka yatiyäwinac catokapctas ucanacjja jan yatiyapjjestati, jan ucasti suma koña arunac parlt'apjjeta, janirac cusisiñanacajjsa apakapjjestati.
Thaquitjja sarakapjjam, cheka thaquitsti maysaru saranucupjjaraquim, janirac Israelan kollan Diosaparus nanacan nayrakatajjar uchapjjamti” sasa.
Ucatpï Israelan kollan Diosapajj sejja: “Jumanacajj aca arunacjja janiw catokañ munapctati, ñankha lurañanacaru nuwasiñanacaruquiw alcatapjjtajja, ucanacaruraquiw yanap mayipjjtajja;
ucatpï jumanacajj juchanïpjjtajja. Mä jach'a alto c'ac'at perkar uñtatäpjjtawa, uca perkasti jan amtat horasaruraquiw liwisi;
ñek'et lurat chatjama t'unjatäpjjätawa, uca chatusti k'alaw p'acthaptaraqui, uca jiq'illitanac taypinsti janiw mayas utjquiti kherit nina sanc'a apsuñataquisa, jan ucajj mä phuch'ut uma kechst'añataquisa” sasa.
Tatitusti, Israelan kollan Diosapajj siwa: “Cuttanjjapjjam, samaratäquïpjjaraquim, khespitäsipcätawa. Samarañampin, iyawsañampina ch'amajj utji.” Ucampis jumanacajj janiw munapctati,
jan ucasti sapjjtawa: “Janicuch sarcañäniti jan ucasti caballjjat jaltjjañäni” sasa. Waliquiwa, uqham jaltjjapjjañamay waquischi. Sapjjaractawa: “Wali jaltir carronacat sarjjapjjañäni” sasa. Waliquiwa, jumanacar arcnakerejj juc'ampi jaltirïniwa.
Warankanacaw mä sapa jaken ajjsarayata jaltjjapjjani, take jumanacasti pheskanin ajjsarayataquiw jaltjjapjjäta, juc'aniqui kheparapjjañamcama, cunjämatejj mä lawajj mä kollu patan sayt'jjejj uqhama, jan ucajj cunjämatejj mä chimpojj sayt'ayatajj mä kollu patan uñstejj uqhama.
Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!
Jerusalenan jaquir Sión marca, jan juc'ampi jachcjjapjjamti. Tatituw jumatjja qhuyapt'ayasïtam yanap mayisisa arnakasitamata, ist'asinsti jaysaraquïtamwa.
Mäquiw Egiptor jalawayapjje jan nayar jisct'asisa, faraonampi arjjatatäñ munapjjaraqui, Egipton ch'iwiparuw samart'añjja thakapjjaraqui.
Tatitojj t'akhesiña t'ant'a uqhamaraqui llaquisiña uma churcchïtamsa, jupapï yatichirimajja janiw juc'ampi imantascjjaniti, pachpa nayranacamampiraquiw uñjäta.
Cupi tokeru, jan ucajj ch'eka tokerus saranucütajja, khepäjjamatsti mä aru ist'äta, saraquïtamwa: “Aca chekaw thaquejja, sarasipcaquim” sasa.
Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.
Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.
Vacanacamataquisa, asnonacamataquisa, mank'ajj jilarquiriw utjani, suma pastonaca mank'apjjaraquini.
Cunürutejj jach'a jiwarayañ urojj purincani, uqhamaraqui jach'a perkanacas liwirtcani uca urojj walja jawiranacaw, umampi phokhantata kollunacanjja jalani.
Tatituw kollani ch'okantaraquini marcapan chhojjrinacapjja. Ucapachaw phajjsejj intjama khanani, intisti khanapat sipanjja pakallko uqhampwa khant'ani, pakallko intin khanapäcaspas uqhama.
Uñtapjjam, Tatituw jupa quipca jutasqui jayatpacha, colerasiñapasti walpun naqhascaraqui mä jach'a ninäcaspas uqhama, lacanacapasti colerasiñampi phokhantatawa, lajjrapasti tucjir ninjamawa,
samanapasti mä jach'a jawirat jilarquir umanacjamawa, uca umanacasti cuncacama puririraquiwa; jupasti mä jach'a ch'amani t'akhesiñwa marcanacatac apani, uqhamat aynacht'ayañataqui, marcanacan lacanacaparusti frenompjamaw uchanti uqhamat maysar saranucuyañataqui.
Ucampis jumanacataquejj k'ochunacaw utjani kollana fiesta arumanacanjama; chuymapansti wali cusisitaraquïniwa, qhititejj pinquillun phust'asitaparjam sarnakquis Tatitun kollupar sarasajja, Israelan imantasiñ marcapar sarcaspasa uqhama.
Ucampis faraonan arjjatañapajj jumanacarojj sallkjapjjätamwa, Egipton ch'iwiparu samart'apjjatanacamas jumanacataquejj mä p'enkäniwa.
Uca jakempisti nayajj jiquintasïwa, takeninsa uñjcañwa mutuyaraquëjja takenis ucat parlapjjañapataqui, uca jakerusti marcajjatjja chhaktayaraquïwa. Ucapachaw jumanacajj yatipjjäta nayan Tatitütajja.
maldicionsti catokapjjaraquïtawa, jumanacatejj yakha jan uñt'at diosanacaru arcasina, Tatitu Diosan camachi arunacaparu jan phokhapcaraquïta, ucatsti thaquipatsa sarakapjjaraquïta, cawquïri ewjjanactejj jichhüruna churapcsma ucanacata, ucapacha.
Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.
Cunjämatejj Diosajj juman suma asquim munäna, uqhamarac waljaru jiltayayätam; jichhasti cusisiraquiniw ch'usaru tucutamata uqhamaraqui t'unjatätamatsa, jan qhuyapt'ayasiñampiw jiq'inucutäyäta cawquïri oraktejj catuntcäta ucatjja.
Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.
“¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!
Jichhajj sartasipjjam, ucatsti sarapjjaraquim, aca chekasti janiw samarañ chekäquiti; jucha lurañasti aca chekanjja sintipuniwa, ñankha lurañampisti k'ala ñusjataraquiwa.
Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.
“Jacob marcarusti takpachaniruw tantacht'ä Israel marcat mä kawkha jilt'irinacarusti apthapjjaraquïwa. Ovejanacjamwa mayaru anthapjjä, suma pasto chekanacaruw ananokaraquï; ucatsti waljanïpcaspas uqhamwa ojjopjjaraquini.
Diosaw jupanacataquejj thac jist'arani, jupanacasti arctapjjaraquiniwa, ucatsti marca puncu chica mistuwayapjjaraquini. Tatitu reyipasti, jupanacan nayrapwa sararaquini.”
Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.
Ucatwa Tatitojj saraqui: “Nayanjja jumanac contra amtatanacajjajj utjaraquituwa. Jumanacarojj mä chiji apayanipjjäma, ucatsti janiw khespipcätati, janiraquiw jach'a jach'a tucusa sarnakcjjapjjätati, uca urunacajj sinti aynacht'aña urunacätap laycu.
“Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.
Alajjpachatsti janiraquiw jallojj purincaniti, aca orakesti janiraquiw cunsa achurapcätamti.
Diosasti juma patjjarojj lak'ampi ch'allampi jallu lantjja puriyanini, juman t'unjatäñamcama,
Ucampisa naya Tatituw jacañajj laycu juramentompi arsta, jumarojj pachpa colerasiñampi envidiasiñampi, uñisiñampiraquiw, mutuyaraquïma, cunjämtejj jumajj Israelarojj t'akhesiycäyäta ucampiraqui. Cunapachatejj nayajj jumar mutuycäma ucapachaw jupanacajj nayar uñt'apjjetani.
Ucapachaw jumajj uñjäta, cuna jan wali arunactejj jumajj Israelan kollunacap toke arscäyäta uca arunaca ist'atajja. Jumasti saractawa: ‘Uca kollunacajj ch'usa wasaraquiwa, jichhajj tucj-jjaracsnawa,’ sasa.
Lacamsa jach'aruw ansatattajja, ucatsti naya tokew parlaractajja. Nayasti uca parlatamjja ist'aractwa.
‘Jichhasti naya Tatitojj acwa sistjja: Take aca orakpachaw cusisini, cunapachatejj nayajj jumar t'unjcäm ucapachajja.
Jumasti, cunapachatejj Israelan catokata orakepa t'unjatäcän ucapachajj cusisiyätwa, jichhasti jumajj uqham t'unjataw uñjasiraquïta. Seir kollu, mä wasararu tucuyataw uñjasiraquïta, Edom tokenquir marca. Ucapachaw yatipjjani nayan Tatitütajja.’
Moab, ¿janit jumajj Israel marcat laruscaraquïyätajja? ¿Uqhamaraqui uca marcatjja jisc'achañampi parlcäyätajja, lunthatäcaspas uqhama?
Utjätamwa yokall wawanacamasa, imill wawanacamasa ucampis janiw jumampi chicäcaniti jan ucasti yakha marcanacaru preso apatäniwa.
Orakeman take kokanacapasa, achunacapasa t'ijut'ijunacan tucjatäniwa.
Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].
Nayajj colerasïwa, jan jakeni jaytaraquëjja, wasararu tucuyata jaytaraquëjja. Qhitinacatejj uca cheka pasapcani ucanacasti walwa sustjasipjjani uca mutuyäwipa catokatapa uñjasajja.
Chekpachansa ñankha lurir jakejj janiw jan mutuyata kheparcaniti, ucampis asqui jakenacajj suma khespiyatäpjjaniwa.
¡Ay, cunaquïcan jumanacatjja, jan cheka leyinac apsurinaca, jan phokhañjam leyinac apsupjjaractajja,
Walja diosanacani marcanacwa jicjjataractjja, Jerusalenanquirinacatsa, uqhamaraqui Samarianquirinacat sipansa walja diosanacani jicjjataractjja.
Waliquiw jichhajj cuntejj Samariampi, yakha diosanacapampi lurcta ucjja, ¿janit uqham lurcaraquiriststi Jerusalenaru diosanacapampirusti?’ ” sasa.
Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.
Asirianquir reyisti saraquiwa: “Nayaw take ucanacjja ch'amajjampi lurjta, nayajj wali ch'iqhïtwa sumrac amtaractjja, nayaw marcanacan korpanacapsa mayjt'aytjja, kamir cancañanacapsa catuntasiractjja, ucatsti wali ch'amani chachjamaw reyinacarojj tincjaytjja.
Marcanacan kamir cancañanacapsti catuntastwa, oraksa k'al catuntasiractjja, cunjämatejj maynejj mä tapan apanucut c'awnanac catuntasejj uqhama, janiraquiw qhitits chhekhanacapjja onjjtayquiti, janiraquiw qhitis wararquiti.”
Ucampisa, ¿hachasti, qhititejj apnakqui ucat sipan juc'ampïspati? ¿Serruchosa qhititejj apnakqui ucat sipansa juc'ampïspati? ¡Cunjämaquitejj thujrojj alek mä lawaqui, jupas jakerojj ucsaru acsaru apcaspa uqhama!
Ucatpï jichhajj take ch'amani Tatitojj, jan ch'amani jaytanejja uca liq'i jakenacarojja, ucatsti janchinacapjja calentura usumpiraquiw naqhantayani.
Kollan Diosasti, qhititejj Israelan khanapäqui ucajj akquiri ninaruw tucuni, mä uruquiraquiw naqhantani, tucjaraquini take koranacsa, uqhamaraqui ch'aphinaca marcan utjquejj ucanacsa.
K'al tucjani cuna sumanacatejj montenacapan, uqhamarac fruta yapunacapan utjqui ucjja. Mä usut jakejj jan ch'amanejja uqhamwa lurjaraquini.
Mä juc'a kokanacaquiraquiw montenjja kheparjjani, mä jisc'a wawasa ucanacjja jact'aquispawa.
uca leyinacasti pisi ch'ama jakenacarojj janiw asqui lurquiti, marcajjan utjiri pobre jakenacan arsutanacapsa janiw yäkapcaractati, ijma warminacarojj inaquiw ch'amapa apsupjjtajja, wajchanacatsti lunthatapjjaractawa!
Uca urunacanjja mä juc'ani Israelat jilt'irinacajja, qhitinacatejj Jacobon marcapat khespipcatayna ucanacajj janiw juc'ampi qhitinacatejj jupanacaru t'unjcatayna ucanacarojj jakcattapcaniti. Jan ucasti take ch'amampiw Israelan Kollan Diosaparojj jakcattapjjani.
Mä kawkhanisti Jacobon marcapatjja, jan atipcaya Diosaruw cuttjjapjjani.
Israel, marcamajj waljanïscpasa, kota iramanquir ch'allar uñtata, ucampis mä kawkhaniquiw cuttanjjapjjani. T'unjañajj amtatawa Diosan asqui luräwipasti phokhasipuniniwa.
Take ch'amani Tatitusti t'unjañjja amtapuniwa, take marcpachanwa phokharaquini.
Take ch'amani Tatitusti siwa: “Sionan jaquir marcajjay jan ajjsaramti asirio jakenacarojja, varapampi jumaru jawk'jchïtamsa, thujrupsa juma toke aptcchini, cunjämtejj egipcio jakenacajj lurapjjänjja uqhama.
Mä kawkha pachatjja mutuyäwejj utjapuniniwa, colerasiñajjaw jupanacarojj tucjaraquini.
Take ch'amani Tatituw jupanacarojj mutuyaraquini, cunjämtejj Madianarojj Oreb karka jac'an atipjcänjja uqhama, Asiriataquisti ch'amapwa uñacht'ayaraquini, cunjämtejj Egiptotaquejj uñacht'aycän uqhama.
Uca urunsti cuna k'eptejj jumjjaru uscupqui ucasti apakatäjjätawa, cuna yugtejj cuncamjjar uscupctam ucas apakatäjjätawa.” Uñisiristi Rimón toketwa juti,
Ajat sisqui uca chekaruw purini, Migrón chekwa pasani. Cargapsti Micmas sisqui uca chekaruw jaytanipjje,
c'ullc'u thaqui chekwa pasaniwayapjje, Geba sisqui uca chekaruw utjantasipjjaraqui, Ramá marcasti sustjasiwa, Saulon Gabaa sat marcapasti jaltjjewa.
¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?
¡Ay ñankha jaketaqui, take cunas jupataquejj janiw walt'caniti! Tatitu Diosasti luratanacapatjamwa churaraquini.
Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.
Acanacajj wiñay t'unjañampi mutuyatäpjjaniwa, Tatitun nayrakatapatsa jakokanitäpjjaniwa, uqhamarac jach'a cancañapatsa ch'amapatsa,
Nayasti israelit jakenaca, sapakat mayniruw uñjapjjsma, luräwinacamarjama. Naya Tatituw ucjja arsta. Ñankha lurañanacamjja mäpita apanucupjjam, uqhamat jan jumanacpacha uca ñankha luräwinacam laycu jiwarascañataqui.
¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.
Yapunacamarojj walja jathampiw yapuchascäta, ucampis juc'a achunacac apthapïta, t'ijut'ijunacan mank'supjjatap laycu.
Uva yapunacsa yapuchascätawa sum uñjasina, ucampis janiraquiw vinopsa umcätati ni uvanacsa apthapiscätati, jan ucasti lak'onacaw take ucanacjja tucjani.
Take ch'amani Tatitojj siwa: “Jupanacampiw jichhajj nuwasï, Babilonia sutsti chhaktayäwa, uqhamaraqui ucan utjirinacsa, wawanacapamppacha allchhinacapamppacha.
Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.
¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!
Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.
Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.
Nínive marcanquir rey, Tatitojj jumatjja aqham siwa: “Janiw jichhajj juman wawanacamajj utjcjjaniti sutim sarayañatakejja; diosaman templopsti k'alrac t'unjä, c'ari diosanacsa, uqhamarac yakha diosanacsa, uca pachparuraquiw jumarojj imantäma, jisc'achcañätam laycu.”
diosanacaparuw yupaychapjjäna, sipitanacaparuw jalt'apjjäna;
ñankhanacaruw yokanacapamp phuchanacapamp jiwayasajj loktapjjäna.
Jan juchan jaken wilap wartapjjäna, wawanacapan wilap wartapjjäna, Canaán orak diosanacaruw wila loktapjjäna. Orakejj wilamp k'añuchataw uñjasïna,
luräwinacapampiw k'añuchasipjjäna, ñankha luratanacapampiw wachokapjjäna.
Takeniraquiw sintcaña naqhantatäpjjäna, ucampis janiw arrepientisipcänti ni Diosarus yupaychapcaraquïnti, jan ucasti qhititï aca mutuñanacjjaru munañanïqui ucataquiquiw contra jan wali arunacampi arusisipcäna.
Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.
Ucatpï jichhajj amparajj aytäjja jumanacar mutuyañataquejja, yakha marcanacaruw catuyapjjämajja, uqhamat jupanacajj jumanacaru take yänacam aparañapataqui. Take marcanac taypitsti jiq'inucupjjämawa, take nacionanac taypitsa chhaktayaraquïmawa, k'alwa tucjapjjaraquïma. Ucapachaw jumanacajj yatipjjäta nayan Tatitütajja.’
Ucatwa Diosajj colerasïna aca orak contra take aca libron kellkatäqui uca maldicionanac apayani.
Jupasti sänwa: “Nayajj taycajjan puracapatjja k'alalaquiw nasta, k'alalaquiraquiw cuttjjaraquëjja. Tatitu Diosaw take cunsa churitu, ucatsti jupaw apakasjjaraquitu. Ucampis ¡Tatitun sutipajj jach'añchatäpan!” sasa.
Take uqhamanaca uñjcasasa Job chachajja janiw cuna juchsa lurcänti, janiraquiw cuna jan walinacsa Dios tokejj arscaraquïnsa.
Qhititejj ñankha lurir jakenacan amtayataparjam jan sarnakqui ucajj cusisiñan jakewa. Jupajj janiw jucharar jakenacan thaquipan sarnakquiti, janiraquiw Diosamp sawcasirinacampis chicachasquiti,
jan ucasti, jupan cusisiñapajj Tatitun arupawa, uca arupatsti arumay uruw lup'i.