Efesios 4:29 - Qullan Arunaca

²⁹ Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Aymar Bibliia 1986

²⁹ Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Qullan Arunaka DC

²⁹ Jan wali arunakax lakamat jan mistpati, jan ukasti mayninakar ch'amañchir suma arunak mistpan, ukhamat ist'irinakatak askïñapataki.

Efesios 4:29 Jak'a apnaqawi uñst'ayäwi

Salmos 45:2

Jakenacat sipan juc'amp sumätawa, lacamat munayasiñ arunacajj mistsusqui, Tatitusti wiñayataquiw asquinac churtam.

Salmos 5:9

Jupanacajj janipuniw khana chuymamp arsupquiti, ¡chuymanacapajj ñankhamp phokhantatawa! Mallk'apajj jist'arat amay imañawa, ¡lajjrapasti c'ari lajjrawa!

Salmos 52:2

Ñankha lurañac sapürus lup'isctajja, lajjramajj ari cuchillor uñtatawa.

Salmos 71:24

Lajjrajjajj urpachaw asquïtamat arsuni, nayan aynacht'añajj munirinacajj mä p'enkaw atipjat uñjasipjjani.

Proverbios 12:13

Ñankha lurir jakejj jupa pachpan c'arisitanacapampiwa q'ituntasisqui, ucampis asqui jakejja t'akhesiñatjja mistuquipuniwa.

Proverbios 15:23

¡Cunj asquisa jisct'aru arunac jicjjatañajja, ucat juc'ampisa horasapar jicjjatañajja!

Proverbios 15:7

Yatiñan jakejj wali suma yatichäwinacwa parli, ucampis jan yatiñan jakejj jan walinacacwa luri.

Proverbios 16:21

Qhititejj yatiñampi amuyt'qui ucajja, ch'iqhi jaketa uñt'atawa; suma arumpi parlañasti sumwa amuyt'ayi.

Eclesiastés 10:12

Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Lucas 4:22

Takeniraquiw Jesusatjja: “Waliquiw” sapjjäna, muspharasipjjaraquïnwa jupan ucqha suma arunac jupanacar parlt'atapata. Ucatsti jisct'asipjjänwa: —¿Janit acajj Josean yokapäqui? —sasa.

Juan 1:37

Uc ist'asinjja Juanan panpach arquirinacapajj Jesusaruw arcapjjäna.

Romanos 14:19

Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.

Romanos 15:2

Sapa mayniw jiwasanacajj jake masisatac take cunansa sumäñasa, jupan iyawsañapajj jiltañapataqui.

1 Corintios 14:19

Ucampis cultonjja, mä pä arunacsa, amuycañwa parlañ muntjja, uqhamat mayninacar yatichañataqui, tunca waranka jan uñt'ata, jan amuycaya arunac parlañat sipana.

Efesios 4:12

Uqhamwa jupan luräwinacap lurapjjañapataqui jupanquirinacarojj waquicht'i, Criston cuerpop jiltayañataqui.

Efesios 4:16

Cristo laycuw takpach cuerpojj suma yäparu uchata, jupanacpura mayaru tucutaraqui. Cunapachatejj takpach cuerpojj sum sarasqui ucajja, takpachaw munasiñanjj jiltaraqui.

Colosenses 4:6

Parlatanacamasti sumäñapapuniwa jan qhitirus coler churirjama, sapa mayniru cunjäm arusjjatañsa yatipjjañamaraquiwa.

1 Tesalonicenses 5:11

Uqhamajj ch'amañchasipjjam maynit maynicama, cunjämtejj jichhas lurapctas uqhama.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

1 Pedro 3:1

Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

2 Pedro 2:18

Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.