Efesios 4:30 - Qullan Arunaca

³⁰ Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

Aymar Bibliia 1986

³⁰ Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

Qullan Arunaka DC

³⁰ Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

Efesios 4:30 Jak'a apnaqawi uñst'ayäwi

Génesis 6:3

Uqham uñjasinsti Diosajj sänwa: “Janiw jakerojj wiñayataqui jacaycjjäti, jupasti janchiquiwa. Uqhamasti pataca pä tuncani maranacaquiw jacani” sasa.

Génesis 6:6

jupajj jaquir uscutapjja wal amtäna, walirac chuymapjja usuyasïna,

Salmos 78:40

¡Walja cutiw Diosarojj jan jaysapcänti, wasarancasaw chuym usuyapjjäna!

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Isaías 43:24

Janiraquiw suma k'apquir cañsa alctati. Nayatac ofrenda apaniñamataquejja, janiraquiw sacrificiot loktat uywanacan liq'inacapampis cusisiyquistati. Jan ucasti jucha lurañanacamampejj karjayistawa, ñankha luratanacamampisti p'ek usuyaraquista.

Isaías 63:10

Ucampis jupanacajj Tatitutaquiw sayt'asipjje, k'oma cancañaparusti ñankhachapjjaraquiwa; ucatwa jupanacataquejj mä uñisiri, nuwjiriraqui tucuraquejja.

Isaías 7:13

Isaiasajj saraquïnwa: —Ist'apjjam, jumanaca David reyin utapanquirinaca. ¿Jumanacataquejj janit cunäquisa jakenacaru majañajja, Diosajjarusti majañ munapjjaracta ucajja?

Ezequiel 16:43

Jumajj cunapachatejj tawaköcäyät uca jacañamjja armasjjtawa, uca k'añu ajjtascañ luräwinacamampiw nayarojj colerayaraquista; ucatpï jichhajj nayajj jumarojj uca k'añu luräwinacamat mutuyaraquïmajja. Naya Tatituw ucjja arsta.

Oseas 13:14

¿Sepulturatjja jupanacar khespiyaraquïti? ¿Jiwañatsa khespiyaraquïti? ¿Jiwaña, cawquincarac t'unjiri jach'a ch'amamasti? ¿Sepulcro, cawquincaraqui jan wali lurañanacamasti? ¡Janiw aca jakenacatjja juc'ampi qhuyapayascjjäti!”

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Lucas 21:28

Cunapachatï acanacajj pasañ kalltani ucqhajja, ch'amachasipjjam, uqhamarac suyapjjam janc'aquiraquiw khespiyatäjjapjjäta.”

Juan 3:33

Ucampis cawquïritejj iyawsqui ucajja: “Chekaw” siwa Diosan arsutaparojja.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Romanos 8:11

Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.

Romanos 8:23

Janiw aca orake sapaqui t'akhesquiti, jan ucasti jiwasanacas uca quipcaraquiw t'akhestanjja, Ajayojj niyaw jiwasjjancjje, cunatï walja catokañäquis ucan kalltapawa utj-jjestu. Jiwasanacasti aykopjjaractanwa cunürutejj Diosajj wawanacapjama tucuyquistani uca uru suyt'añana cunapachatejj janchinacasajj khespiyat uñjascani uca uru.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Corintios 15:54

Tucusir janchisajja jan tucusirimpi isthapitäjjaniwa, uqhamarac jiwir janchisasa wiñayatac jaquir cuerpompi isthapitäjjaraquiniwa. Ucapachaw ucajj phokhasjjani cunatejj Diosan arupan kellkatäqui: “Jiwajj atipjäwimp mank'antataw uñjasi.

1 Tesalonicenses 5:19

Ajayun ch'amapjja jan jiwt'ayapjjamti.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

Hebreos 3:10

Ucatwa colerasta uca jakenacataquejja, ucat saracta: ‘Chuymanacapanjj jayanpun sarnakapjje, ucatsti janiw thaquejj-jja uñt'añ munapquiti.’

Hebreos 3:17

¿Qhitinacampiraquis Diosajj pusi tunc mara coleratänjja? Juchachasirinacampi, cawquïrinacatejj wasaranjj jiwarapjje ucanacampiwa.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.