Efesios 4:31 - Qullan Arunaca

³¹ Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa.

Aymar Bibliia 1986

³¹ Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa.

Qullan Arunaka DC

³¹ Jumanak taypitsti apanukupxam: k'allk'usiñanaka, jan wali munañanaka, thithiñanaka, arnaqjasiñanaka, tuqisiñanaka, kunayman ñanqha lurañanaka.

Efesios 4:31 Jak'a apnaqawi uñst'ayäwi

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

Génesis 37:21

Cunapachatejj Rubenajj ucanac ist'än ucqhasti Josearojj khespiyañ munäna, jilanacaparusti: —Janicucha jiwaycañäniti —sasaw saraquïna.

Génesis 37:4

Jilanacapasti awquipan Josearu sinti munatapatsti uñisipjjänwa, janiraquiw Josearojj aruntapjjerïcänsa.

Génesis 4:8

Mä uruw Cainajj Abel jilaparojj saraquïna: “Pampar sarascañäni” sasa. Cunapachatejj panpachani pampancasipcän ucqhajj, Cainajj Abel jilaparuw nuwjäna, jiwayañcama.

2 Samuel 13:22

Absalón jilapasa Amnonarojj janiraquiw cunsa siscänti aca toketjja, Tamar cullacaparu uqham jan wali luratapata wali colercchïna ucasa.

2 Samuel 19:27

Ucampisa jupajj jach'a rey nayrakatanwa c'ari arunaca yatiyitu. Ucampisa jach'a reyejj mä Diosan angelapäcaspasa uqhamawa, jupasti cunatejj chekapäqui uqhamaruw take cunsa luraraquinejja.

2 Samuel 19:43

Israelitanacasti ucjjarojj sapjjaraquïnwa: —Nanacajj jumanacat sipansa reyjjarojj tunca cuti derechonïpjjtwa. Uqhamarusa, nanacajj tribunacjamajja, jumanacan jilïri jilamjamäpjjtwa. Uqhamasti, ¿cunatsa nanacarojj jisc'achapjjesta? ¿Janit nanacasti nayrakata mayipctsti reyin cuttanjjañapataquisti? Ucampis Judá orakenquirinacajj juc'ampi jach'atwa arsusisipcaquïna, israelitanacat sipansa.

Salmos 101:5

Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.

Salmos 140:11

Lacarar jakejj oraken jan acht'pati, khoru jakerusti chijejj arctpan.

Salmos 15:3

qhititejj jake masipar jan c'arintqui uca, jilaparus ñankha jan lurqui uca, uta jac'a masiparus jan jisc'achqui uca,

Salmos 37:8

K'apisiñ apanucum, chuym ch'amact'ayasiñ jaytanucum, ñankha jan lurascañamataquejj jan k'apisimti,

Salmos 50:20

Jilamaruw ina ch'usat c'arinttajja, pachpa jilamaruw jisc'achtajja:

Salmos 64:3

Jupanacajj espadar uñtat lajjranacap ariptayapjje, mich'inacar uñtat ñankha arunac parlarpayapjje.

Proverbios 10:12

Uñisiñajj ch'ajjwanacwa utjayi, ucampis munasiñajj take juchanacwa pampachi.

Proverbios 10:18

Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.

Proverbios 14:17

Qhititejj mäqui cunatsa colerasqui ucajja, mäquiraquiwa jan walinacjja lurjjaraqui, ucampis jan mäqui colerasqui ucajja, c'achatacwa luri.

Proverbios 18:8

Arunac apnaker jaken parlatanacapajja suma mojjsjamawa, ucampis chuyma mankheru mantasinwa jan walt'ayi.

Proverbios 19:12

Reyin colerasitapajj leonan wararitapjamawa; qhuyapayasiñapasti alinacaru sullajj sulljjatquisa uqhamawa.

Proverbios 25:23

Cunjämatejj amsta toketa thayajj jallu jutayquejja, uqhamaraquiw jan wali arunacajj colerañanacjja apani.

Proverbios 26:20

Jan lawampejj ninajj jiwarjjaquiwa; arunaca apnakeritejj jan utjqui ucqhajja ch'ajjwanacajja tucusjjewa.

Proverbios 29:22

Qhititejj mäqui cunatsa colerasqui ucajja, nuwasiñanacwa utjayi, waljanacan pantjasiraqui.

Proverbios 29:9

Janiw walïquiti mä yatiñan jakena jan amuyt'an jakempi ch'ajjwañapajja; jan amuyt'ani jakejj colerasiwa, sawcasiraquiwa, ucatsti janiw cuna ascsa jupampejj apscaniti.

Proverbios 6:19

c'ari ircatirit sarnakañanacaru, jila pura ch'ajjwañanacaru.

Eclesiastés 7:9

Jan colerasiñampi atipayasimti, colerasiñajj pisi amuyt'an jakenquiwa.

Jeremías 6:28

Tata, take jupanacajj wali khorunacäpjjewa; jakjjata parlasiri ñankha jakenacäpjjewa; hierrot sipansa, broncet sipansa sinti ch'ullkhëpjjewa.

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Hechos 21:30

Jakenacasti marcpacharaquiw ch'ajjwtapjje. Jalanipjjasinsti, Pablorojj catuntasinjja templo ankäjjaruw katatsunipjje. Ucspacharaquiw puncunacjj jist'antapjje.

Romanos 3:14

Arsutanacapasti maldeciña jan wali arunacaquiwa.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

1 Corintios 5:8

Uqhamajj jilatanaca, Pascua fiestasjja k'oma chuymampi chekpachanrac fiestachañäni, jan levaduran t'ant'äcaspas uqhama. Janiw jucha lurañanacampi fiestachañasäquiti, ucajj nayra merk'e levaduräcaspas uqhamawa.

2 Corintios 12:20

Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Efesios 4:22

Nayra jacäwinacamarjam sarnakañjja apanucupjjam, uca sarnakäwisti cunayman jucha lurañanacampi sallkjatänwa.

Efesios 4:25

Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa.

Efesios 4:26

Colerasisinjja jan juch lurapjjamti, uca colerasiñanacamajj jan jornalpachäpati.

Colosenses 3:19

Chachanacasti warminacamarojj munapjjaraquim, janiraqui jupanacataquejj khorüpjjamti.

Colosenses 3:8

Ucampis jichhajj apanucjjapjjam take acanaca: colerasiñanaca, janchin munañanaca, uqhamarac jan wali arunaca.

1 Timoteo 3:11

Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

1 Timoteo 3:3

Janiraquiw machirïñapäquisa, qhitimpis ch'ajjwirïñapäquiti, janiraquiw lunthatatampi jicjjatat kollks munañapäquiti. Antisas qhuyapayasirïñapawa, takenimpis suman jacañapa, janiraquiw kollke chuymäñapäquiti.

1 Timoteo 5:13

Ucat juc'ampisa, utat uta sarnakasajja jayraw tucupjje, ucatsti janiw jayraquit tucupqui, jan ucasti arunacwa apnakapjje, take cun yatjjatañ munasa, jan waquisqui ucanac parlasaraqui.

2 Timoteo 2:23

Jan yäkamti lokhe ch'ajjwanacaru, ucanacajj jan cunatac asquiwa, jumajj yattawa ucanacajj nuwasiñacwa apani.

2 Timoteo 3:3

Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

Tito 2:3

Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

Santiago 1:19

Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.

Santiago 3:14

Ucampis jumanacatejj chuymanacamjja envidiasiñanacampi c'allc'u tucuyapjjtajja, ucatsti mä cuna laycuqui cunsa lurasipctajja, uqhamajja janiw jach'a jach'a tucupjjañamäquiti uca yatiñanacamatjja, uc lurasinjja jumanacpachaw c'arintasisipcta, ucatsti cunatejj chekäqui uc apanucusipcaractajja.

Santiago 4:11

Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa.

1 Pedro 2:1

Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

1 Juan 3:12

Janiw Cainjamäñasäquiti, jupajj Supayanquirïnwa ucatwa jilaparu jiwayi. ¿Cunats jiwayänjja? Cainan luratapajj janiw walïcänti, jilapan luratapasti asquiraquïnwa.

1 Juan 3:15

Take qhititejj jake masipar uñisqui ucajj jake jiwayiriwa. Jumanacajj yatipjjaractawa janiw qhiti jake jiwayirinsa wiñay jacañapajj utjcaspati.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.