2 Reyes 2:24 - Qullan Arunaca

²⁴ Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.

Aymar Bibliia 1986

²⁴ Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.

Qullan Arunaka DC

²⁴ Eliseosti kutikipstasin jupanakar uñkatäna, ukatsti Tatitun sutipxaruw jupanakar ñanqhachäna. Ukspachaw pä jukumarix ch'umit mistunïna, ukatsti jupanakat pusi tunka payaniruw jisk'a jisk'a tukjäna.

2 Reyes 2:24 Jak'a apnaqawi uñst'ayäwi

Génesis 9:25

aqham sänwa: “Canaanajj maldicitäpan, pani jilanacapan sinti esclavopaw tucuraquini.”

2 Samuel 17:8

Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati.

1 Reyes 13:24

ucatsti Judá ucanquir profetajj sarawayjjänwa. Thaquinsti mä leonampiwa jiquintasïna, ucasti juparojj jiwayänwa, janchipasti thaquin jaktatäjjänwa. Asnompi, uqhamarac leonampisti uca jiwata thiyancasipcänwa.

1 Reyes 19:17

Uqhamatwa qhititejj Hazaelan espadapata jaltcani ucarojja, Jehú chachawa jiwayani, uqhamarac qhititejj Jehú chachan espadapata jaltcani ucarojja, Eliseo chachaw jiwayaraquini.

1 Reyes 20:36

Ucatsti profetajj sänwa: —Jan Tatitun aruparu ist'atam laycusti, mä leonaw jumarojj jaljjatätam cunapachatï nayat sarakawayquitäta ucqhajja —sasa. Uqhamapuniwa, maynejj profetata sarakawaycäna ucspachawa, mä leonajj jupar jaljjatasina jiwayäna.

2 Reyes 2:25

Ucatsti Eliseojj Carmelo sat kolluruwa sarjjäna uqhamaraqui Samaria chekaruraquiw cutjjaraquïna.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Proverbios 17:12

Jan amuyt'an ñankha amtäwin jakempi jiquisiñat sipansa, walïcaspaw wawanacap aparat khoru osampi jiquintasiñajja.

Proverbios 19:29

Ñankha jan yäkasir jakenacataquejja jawk'jañ lawajj waquichatawa; jan amuyt'an jakenacataquisti asot'ejj jiqhanipataquejj waquichatawa.

Proverbios 28:15

Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.

Jeremías 28:16

Ucatwa Tatitojj jichhajj aqham sejja: ‘Jïsa, qhitämawa, ucampisa aca oraket chhaktañamataquiw qhitäma. Jichha maraw jumajj jiwäta, aca marcaru arunacamampejj nayataqui sartayatam laycu” sasa.

Lamentaciones 3:65

Amuyunacapsa kalarayaraquim, jupanacjjarusti maldicionam apayaniraquim.

Oseas 13:8

Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.

Levítico 26:22

Jumanacjjarusti montenquiri khoru animalanac antutanëjja, ucanacasti jumanacarojj jan wawani antutapjjätam, uywanacamsa jisc'a jisc'a tucjapjjaraquini, jumanacarus juc'aruw tucjapjjaraquïtam, janiraquiw qhitis jumanacan thaquinacamanjja sarnakcjjapjjaniti.

Amós 7:17

Ucatwa, Tatitojj aqham sejja: ‘Warmimasti yakha chachanacampiw sarnakani marcan uñjcata, yokanacamas phuchanacamas espadampi jiwarayatäpjjaraquiniwa; orakenacamas suerteta jalanokataraquïniwa, jumasti jiwaraquïtawa jan Dios uñt'ir jakenacan orakepana, israelitanacasti preso catuntata, orakepata jayaru apatäpjjaraquiniwa’ sasa.

Marcos 11:14

Jesusasti uca higo kokarojj sänwa: —Jichhat ucsarojj janipun qhitis achumatjj mank'pati —sasa. Discipulonacapasti uc arsurjja ist'apjjänwa.

Marcos 11:21

Pedrosti amtasinjja Jesusarojj sänwa: —Yatichiri, uñtam. ¡Maldeciwayctas uca kokajj wañsutäjjaraquitaynasä! —sasa.

Hechos 5:5

Ananiasajj uc ist'asinjja, jiwataw liwitatti. Take qhitinacatejj uc yatipcäna ucanacajj wal ajjsarapjjäna.

Hechos 5:9

Pedrosti sascaquïnwa: —¿Cunats jumanacajj uqham yatichasipjjta Tatitun Ajayuparu c'arintañataqui? Acajjaya punc mantasinipqui chachaman jiwat amayapa imantanjjerinacajja, jichhasti jumaruraquiw apapjjätam —sasa.

Hechos 8:20

Pedrosti juparojj sänwa: —Kollkemajj jumamp chic tucuspan. Diosajj churqui ucajj, janiw kollkemp alasiñäquiti.

2 Corintios 10:6

Ucatsti nanacajj take qhitinacatejj jan wal sarnakqui ucanacar mutuyañataquejj janc'aquïsipctwa, jumanacatejj sum sarnakapjjät ucqhajja.

Jueces 9:20

Jan uqhamäcän ucajja, ¡Abimelec sat chachata ninajj mistusina naqhantpana take Siquem, Bet-milo sat marcanquirinacaru, jan ucajj Siquem, Bet-milo uca marcanacat ninajj mistusina Abimelec sataru naqhantaracpana!” sasa.

Jueces 9:57

Uqhamarac Diosajj mutuyaraquïnwa Siquem marcanquir jakenacarojj jan wali luratanacapatjja. Uqhamaw Jotam sata Jerobaal chachan yokapan maldicitapajj phokhasïna.