Kasta
120 Biblian jiskʼachasiñat parlir jiskʼa tʼaqanaka
Jakäwinakasansa kusisiñampi, llakinakampi, llakisiñampi phuqt’ataw jikjjatasiñäni. Jesusax akapach jikjjataski ukax wali suma jaqënwa, ukampirus jach’a llakinaksa jikjjataskänwa: q’epiyatäpxänwa, arisiyatäpxänwa, jan iyawsatäpxänwa ukhamarak sawkasiyatäpxänwa. Ukampirus uka llakinakax janiw jaqinakar munasiñapxa apt’asxänti. Janiw ñanqhachir arsuñasäkiti, jan ukasti wiñay munasiñampiw munaskistu, ukhamarak Awkipatux juchanakas apt’asiñapatak mayiskistu.
Amuyt’añäni, walja jaqinakaw chuym ust’ayañ, chuym llakiyañ, ukhamarak chuym sawkasiñ munapxani. Awisax chuymas llakita, chhaqtañ munarakïtawa. Ukampirus jichhüruw qillqsuyki, ch’amañcht’añatakixa. Inas sawkasiñapxächisman ukampirus Diosax kams munaski uk amuyt’añamawa. Jupax wali suma luratäkiw sasaw amuyistu, ukhamaraki arupxa siwa: “Ch’axwa sawkasiri jaqinakarux sawkasipani, llamp’u chuymaninakarus khuyapayapxani” (Proverbios 3:34).
Jan llakisiñ jaqinakan arsuñapatxa ni luratañapatxa. Diosax janiw jucha luririnakarux jan juchaniti sasaw amuyistu. Arupat confiyañamawa, jupat chuymacht’asïñamawa, ukhamarak wali ch’ama amparapampi llakinakamatsa arxatañapatak jaqsuñapatakisa. Supayan ch’ama usuchasiñ amtapatsa jan aynacht’añamawa, taqi kuns lurañjamäkiw Cristompi ch’amachasipxitu, ukhamarak sutipan wali atipt’ataw tukusiñama.
‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti? Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.
Tata, jumaw nayarojj pantjasiyistajja, nayasti pantjasiractwa; jumajj nayat sipansa juc'ampi ch'amanïyätawa, ucat nayarojj atipjaraquista. Nayatjja cunapachas larusisipcaquituwa; takeniw nayatjja larusipjjaraquitu.
Tatitojj jisc'achiri jakenacarojj jisc'achiwa, ucampis llamp'u chuyman jakenacatsti qhuyapayasiwa.
Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.
‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti?
Pablor uqham jiwatanacan jacatatañapat parlir ist'asinjja, yakhepanacajj larusipjjänwa. Mayninacasti sapjjaraquïnwa: “Acanacjjatjja khepüruw juc'amp parlapjjetäta” sasa.
Nayrakatajj ac amuyt'asipjjam: Khepa urunacanjja Tatitun yänacapat phiscasiri jakenacaw sartapjjani, jan wali amtatanacaparjamaraquiw sarnakapjjani,
Jan ist'asiri ñankha jakeru chekachañansti, tucjata, uqhamarac ñankha arunacac jicjjatäta. Jan ist'asiri ñankha jakeru chekacham, jupasti jumarojj uñisïtamwa, ucampis amuyt'asiri jakeru chekacham, jupasti jumarojj munasïtamwa.
Pablon uqham arsusitapatjja Festojj jach'atwa art'i: —Lokhëtaw, Pablo. Sinti yatjjatatamaw lokheptaytam —sasa.
Yatiñanïqui ucajj yatichäwi arunacjja catokasiwa; jan wali parlir jakesti tucusiñaruwa puri.
Jerusalenar sarcasinsti discipulonacaparojj thaquinjja, tunca payanpachar jawsasinjja jupanacarojj sänwa: “Jumanacajj uñjapjjtawa, jichhajj Jerusalenaruw maqhatasctan, cawquintejj Jaken Yokapajj catuntayatäcani sacerdotenacan jilïriparu uqhamarac ley yatichirinacampiru, jupanacasti jiwayañataquiw juchañchapjjani. Yakha toke jakenacaruraquiw catuyapjjani ucat jupanacan larusiñapataqui, nuwjapjjañapataqui ucat ch'accatapjjañapataqui, ucampis quimsüru jiwatatjja jactanjjaniwa.”
Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.
“Ucampis jichhajj nayat sullca waynanacas, larusipjjetuwa nayasti uca waynanacan awquinacaparojj janiw ovejanacajja uñjiri anunacampi chicas uñjquirïscäyätti.
Jesusajj discipulonacaparojj yakhawjaru jawsasinwa saraqui: —Jichhajj Jerusalenar sarañäni, ucanwa phokhasini cuntejj profetanacajj kellkapjjäna Jaken Yokap toketa ucanacajja.
Jan amuyt'an jakejj jake masiparojj jisc'achiwa, ucampis amuyt'ani jakejja amuquïsquiwa.
Naya jac'ansti sawcasiri jakenacaquiw ucancasqui, jupanacasti jan qhuyapt'ayasisaw t'akhesiyapjjaraquitu.
Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti.
Qhitinacatejj Jesusar uñjasipcäna ucanacajj jupatjja larusipjjänwa, jawk'japjjaraquïnwa. Nayranacap imantasin ajanupat nuwjapjjäna: —¿Qhitis nuwtam? ¿Yattati? —sasa. Uqhamaraqui walja jan walinacampwa sapjjäna.
Ñankha lurir jakejj yatiñ thakasinjja janiw jicjjatquiti, ucampis ch'iqhi jakejja janc'aquiwa yatiñ cancaña jicjjati.
Ucapachasti Herodesampi, soldadonacapampejj wal jisc'achapjjäna, ucatsti p'enkachañat juparojj suma isinacampiw ist'ayapjje mä reyirjama. Ucat Herodesajj wasitat Pilaton ucar qhiti.
Uca quipcaraquiw jilïr sacerdotenacampi, ley yatichirinacampejj Jesusatjj larusipjjäna. Jupanaccamasti sapjjaraquïnwa: —Mayninacarusti khespiyiwa, jupapachasti janiw khespiyasiñataquejj ch'amanïquiti. Jichhatejj Israelan Reyip Cristorojj crusat sarakanquiri uñjsnajja, ucqhapï juparojj iyawssnajja —sasa. Jupamp chic ch'accatatäquis ucanacas uqhamaraquiw tokepjjäna.
Qhititejj jake masipar jisc'achqui ucajja, juchwa luri, ucampis, ¡cusisiñaniwa qhititejj pobre jaketa qhuyapayasqui ucajja!
Ucanjja jakejj uñch'uquisipcänwa, uqhamaraquiw autoridadanacas jupatjja larusipjjäna: —Yakhanacarojj khespiyiwa; jichhajj jupa pachpa khespiyaspan, chekpachatï Diosan ajllit Cristöchi ucajja —sasa.
Amuyt'asiri jakejj sumwa catokasi jupan asquipataqui toketäqui ucjja; jan amuyt'an jakesti janiw catokascaspati pataca cuti jawk'jatäcaspa ucasa.
Ñankha jakeru jakonucum, ucatsti tucusjjaniwa jachjayasiñanaca, uqhamarac ch'ajjwañanacasa, tokesiñanacasa.
Jan yäkasir jakesti janiw munquiti jupar chekachqui ucarojja, janiraquiw yatiñan jakenacampis sarnakañ munquiti.
Jan amuyt'an jakejj janiw yatekañ munquiti; jan ucasti jupan amuyt'äwipacwa parlañ muni.
Jan qhitiru yäker jakejj mutuyatäqui ucqhasti, jan amuyt'asir jakejj uqham uñjasinjja amuyt'asjjewa; yatiñan jakesti mä sapa chekachataquiwa yateke.
Jach'a amtañani, jach'a jach'a tucuri, jan amuyt'ani, ucaw sutipajja; qhititejj wali jach'a amtañanacampi lurqui ucajja.
Jan amuyt'an jakesti jucha lurañacwa munasqui; ¡jan yäkasir jakesti, uñisitawa jakenacanjja!
Qhititejj pobre jaketa sawcasqui ucajja, jupan luririp Tatituruw jan wal lurasqui; qhititejj jake masipan aynacht'atapata larusqui ucajja, mutuyataw uñjasini.
C'ari testigojj cheka cancañatjja sawcasiwa; jucharar jakesti jan walinacwa parli. Ñankha jan yäkasir jakenacataquejja jawk'jañ lawajj waquichatawa; jan amuyt'an jakenacataquisti asot'ejj jiqhanipataquejj waquichatawa.
Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.
Pisi amuyt'anin larusitapajj cunjämatejj ch'aphinacajj ninan naqhantasajj t'akarquejja uqhamawa, ucasti inamayaquiraquiwa.
Ñankha jakenacasti tucusjjapjjaraquiniwa, jach'a jach'a tucur jakenacas jiwarapjjaraquiniwa, ñankha lurañac amtir jakenacas tucusipjjaraquiniwa,
Uqhamapï jichhajja, ¡jan juc'ampi ñankha tucupjjamti! ucatraqui cadenanacamasti juc'ampi jiyintasipquiristam; ist'aractwa take ch'amani Tatitojj take marcpachan t'unjatäñapataquiw arunacap mistuyaraqui.
Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.
Qhititejj ñankha lurir jakenacan amtayataparjam jan sarnakqui ucajj cusisiñan jakewa. Jupajj janiw jucharar jakenacan thaquipan sarnakquiti, janiraquiw Diosamp sawcasirinacampis chicachasquiti,
Jumatejj yatiñanïsta ucajja, juma pachpataquiwa yatiñanïyäta; jumatejj jan ist'asirïcäta ucasti, juma pachparaquiwa t'akhesiscaraquïta.
nayar uñjirinacajj larusipjjetuwa, cunayman nayataquejj uñanakapjje, p'ekep qhiwisipjje,
‘Yatipjjam, larusirinaca, muspharapjjam, ina ch'usar tucupjjaraquim. Naya Diosaw jumanacan urunacamanjja jach'a luräwinac lurta. Ucanacarusti janiw jumanacajj: ‘Chekaw’ sapcätati, ni qhiti jumanacar ucanac yatiyquïpansa.’ ”
Ñankha lurir jakejj, ñankha lurañ asqui jakerojj amti, jupataquejj uñisiñat laca ch'aqhap t'urusi; Tatitusti jupat larusiwa, tucusiñ urup purinitap yati.
Llaquisiñat jan mank'cta ucapachajja, nayat larusipjjetu; llaqui isimp uchascta ucapachasti, nayat sawcasipjjetu; take jaken parlasitaw sarnakta, umatanacasti nayjjat warurupjje.
¿Cunatarac ñankha lurir jakenacast jisqhisipquitani: “Cawquincarac Diosamasti” sasasti?
Kamirinacajj larch'uquipjjetuwa, jach'a jach'a tucurinacajj jisc'achapjjetuwa, ajayojjajj aynacht'atäjjewa.
Cunjämatejj yapu apthapi horasan qhunusa, jallusa jan munascjjetejja, uqhamaw jan amuyt'an jaken jach'ar aptatäñapajj jan waquisquiti.
Caballorojj ajjaptayañawa, asnorojj jaquimampiwa irpnakaña, jan amuyt'an jakesti jawk'jasaraquiw chekachañajja.
Jan amuyt'an jakerojj jan arjjayamti, jupjama jan tucuñamataqui. Jan amuyt'an jakerojja jupatacjam arunacampi cutt'ayam, jan jupan amuyaparjama yatir tucuñapataqui.
Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.
P'ekeparusti mä ch'aphi corona uscupjjaraquïna, cupi amparaparusti mä vara churapjjaraquïna. Ucatsti jupan nayrakatapar quillt'asisinjja wal larusipjjäna, sapjjaraquïnwa: —¡Jach'achatätaw judionacan Reyipa! —sasa.
Jesusasti take tok uñatatasinjja, discipulonacaparuw saraqui: —¡Cunj ch'amas kamirinacataquejj Diosan reinopar mantañajja!
“Cusisiñanïpjjtaw cunapachatï jakenacajj uñisipcätam ucapachajja, uqhamarac jupanacat jakonucupcätam, cunayman jan wali sapjjaraquïtam, uqhamarac sutinacamsa ñankha sutjam amuyapjjaraquini, Jaken Yokap laycu ucapachajja.
Kollker wali chuyma churat fariseonacasti take acanacjja ist'asipcaraquïnwa, ucat jupanacajj Jesusatjja larusipjjäna.
Bendecipjjaraquim qhitinacatejj jumanacarojj t'akhesiyapctam ucanacarojja. Jupanacataquisti bendicionanaca mayipjjam, jan maldecipjjamti.
Ucampis jumajj ¿cunatsa jilamarojj juchañchta? Jan ucajj ¿cunats jisc'achta? Chekpachansa takeniw Criston nayrakataparojj taripatäñataqui uñstañäni.
Chhakañar sarir jakenacataquejj Criston crusan jiwatapat parlañajja, mä lokhe cancañäcaspas uqhamawa. Ucampis jiwas khespiyat jakenacataquisti, Diosan ch'amapawa Criston crusan jiwatapat parlañajja.
Jumanacasti nanacarojj mä pisi chuyma jakenacarjamaw amuyapjjesta Cristoncatanacajj laycu, uqhamaraquiw jumanacajj take cunsa wali yatir yatiriw tucupjjtajja, Cristotjja wals yatipcasma uqhama. Nanacajj pisi ch'amaquïpjjtwa, jumanacasti wali ch'aman ch'amaniw tuct'apjjtajja. Nanacarojj jakejj jisc'achapjjetuwa, jumanacarusti wali jach'a uñjañampiw uñjapjjaractamjja.
“Cristojj jiwatanac taypit jactawayjje” sasaw yatiyapjjsma, uqhamasti, ¿cunjämataraqui jumanac taypinsti yakhepanacasti: “Janiw jiwatanacan jactañapajj utjquiti” sasa parlapjjesti? Janitejj jiwatanacat jactañ utjcchi ucasti, janiraquipï Cristos jactcpachäntejja. Cristotejj jan jactcchejja, yatichapcsmas uca arunacajj janipï cunataquis asquïquitejja, jumanacan iyawsañanacamasa inamayaraquipï.
Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini. Maynitejj janchin munañaparjam yapuchchejja, uca janchin munañaparaquiw jiwañ achjja churani, ucampis Ajayun munañapar yapuchchejja, Ajayojj wiñay jacañ achwa churaraquini.
Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.
Parlatanacamasti sumäñapapuniwa jan qhitirus coler churirjama, sapa mayniru cunjäm arusjjatañsa yatipjjañamaraquiwa.
Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa. Jilatanacajja, jumanacajj wali c'uchiquïpjjañamawa cunapachatejj cunaymani yant'anac pasapcta ucapachajja. Colerat jakesti janiw cunatejj Diosataquejj sumäqui ucjja lurquiti.
Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa. Ucampis mayniquiw ley churirejj utji, jupa sapaquiraquiwa Taripirejja, jupaquiraquiw khespiyaspasa jan ucajj t'unjaspasa. Ucampis jumasti ¿qhitiraquïta mayniru taripiristi?
Jan amuyt'an jaker ewjja arunaca apayañajj, cayu apakasisina, jan walt'añanacsa thakascsna uqhamawa.
Arunac apnaker jakejj jan arsuñäqui uca arunacjja arsuscaquiwa, uqhamajj arunac apnaker jakenacampejj jan mayachasimti.
Jake masejjan tokeñataquiw uchapjjesta, nanacar uñt'irinacan sawcasiñapataquiw utjayapjjesta. Diosar jan uñt'irinacampiw larusiyapjjesta, marcanacasti nanac uñjasajj p'ekep qhiwisipjje.
Take arsutanacapampiw juch lurapjje, jach'a jach'a tucuñapar chincatatäpjjpan, c'ari juramentonacamp chinuntayasipjjpan.
llaqui isimp uchascta ucapachasti, nayat sawcasipjjetu; take jaken parlasitaw sarnakta, umatanacasti nayjjat warurupjje.
Jach'a jach'a tucurinacajj jan inact'asaw tokepjjetu, nayasti janiw yatichäwimat sarakascti.
Jumar alcatas jac'aman jacasquirirojja, jan ñankha lurañ amtamti. Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim, Jan qhitis jumar ñankha lurquipanjja, jan qhitimpisa ch'ajjwañaru mantamti.
Utjapuniwa parlatanacapampi mayniru usuchjirejja, ucampis yatiñan jakenacan arunacapasti mä kolljamawa.
Jan amuyt'asiri jaketjja jithektam; jupan arunacapanjja janiw yatiñ cancaña jicjjatcätati.
Jan amuyt'an jakejj parlatanacapampejja jan walt'añaruwa manti, jan wali parlatapatwa jawk'jatas uñjasiraqui. Jan amuyt'an jakejj parlatapampejja jupa pachpa tucjatäñaruwa purisqui; parlatapampejja mä lazompjamawa cuncaparu uchantasisqui.
Cunapachatejj uñisirimajj jan walt'cani, uqhamarac aynacht'cani ucqhajja, jan cusisimti, janirac fiestsa luramti. Tatitutaquejj uqham luratamajja janiw sumäcaniti, ucatsti jupan colerapajj jupjjatjja saraktaniwa.
Qhititejj amigopar willjtata jach'at aruntqui ucajja, amigopataquejja tokenokcaspasa ucamp sasiwa.
Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa: jupasti pisi amuyt'a arunaca parlañwa kallti, ucatsti juc'ampi jan wali arunaca parlasaquiw tucuyjjaraqui.
¡Ay Samaria, Efrainan jach'a jach'a tucuñapa, uqhamaraqui machiri marca; ancuntat pankaranacampi lurat pankar arco, uca suma valle patan utjasiri jakenacapas vinompi atipjata jakenaca! ¡Jichhas leeñ kellkañ yatekascsna uqhama!” Waliquiw jichhajja, janitejj ist'asipjjätajja, yakha arunacat yatichatäpjjätawa, jan uñt'at arunacata, Diosas uca marcarojj parlcaspa uqhama. Jupasti nayraw jumanacarojj sapjjtam: “Acajj t'acuräwejja, acajj samarañasa; karit jakejj samart'aspan” sasa. Ucampis janiw ist'añjja munapctati. Ucatpï Tatitojj jisc'a wawanacarjam parljjayapjjätamjja, jichhas leeñ kellkañ yatekasipcasma uqhama. Uqhamat, sarnakcasajj khepäjjat liwisipjjäta, chhojjriñchjasipjjäraquïtawa, sipitaruw jalt'apjjaraquïta, uca sipitaraquiw catuntapjjäraquïtam. Ist'apjjamay Tatitun arunacapa, ñankha jakenaca, Jerusalén marca apnakerinaca. Jumanacasti sapjjtawa: “Jiwañampejj arust'astanwa, mä arust'äwi luraractanjja jiwatanacan utjäwipampisa, cunapachatejj uca jach'a jan walt'añajj jutcani ucqhajj jiwañajj jan jiwasar catuntañapataqui; c'arisiñanacaruw imantasiractanjja, sallkjasiñanacaru imantastanjja” sasa. Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini. Uca utachäwinsti plomadajj chekapapuniwa, nivel lantisti cunatejj chekapäqui ucaw apnakaraqui.” Jumanacajj c'arisiñanacaman imantasipctas ucsti, chhijchhiw k'al tucj-jjani, uca imantasiñ cheksti umaw k'al apasjjani. Jiwañampi arust'asitapasti ina ch'usaru tucuyatäniwa, jiwirinacan utjañ chekampi arust'asitapasti ina ch'usaruw tucuni. Uca ajjsarcañ jach'a jan walt'añaw jutani, ucasti jumanacarojj k'al tucjapjjätam. Sapa cuti jutcan ucqhasti k'al apapjjaraquïtam. Sapa alwaw jutani, sapüruraqui, sapa jayp'uraqui, jutañap yatisaquiw jumanacajj qhathatipjjätajja. Tatitojj jumanacataquejj mä ch'amani jake suyayasipctam, wali ch'amaniwa chhijchhi asot'ir uñtata, take cun tucjir thayjamawa, wali umani purir jalljamaraquiwa, umajj pampanacar chhaktayquis uqhamawa. Amparapampiw oraker willitatani,
Uqham jupat wal larusisinjja wila color isip aparapjjäna, ucatsti ch'accatatäñapataquiw apapjjäna.
Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,
Ucampis jumanacatejj achjasipjjäta mank'antasipjjaraquïta maynit maynicama ucajja, acatjja amuyasipjjam, jan jumanaccama tucjasipjjañamataqui.
Uqhamaraquiw lajjrasampejj lurasi. Lajjrasajj jisc'aquiwa janchisanjja, ucampis walja jach'anacwa luraspajja. Mä jisc'a ninajj mä jach'a monte naqhantaspajja. Lajjrajj mä ninampi sasiwa. Mä jan walinac luririwa janchisanqui, ucatsti cuerppachwa k'añuchejja. Pachpa infiernon aktayatawa, ucatsti take jacañasanwa naqharaqui.
Ñankha lurir jaker uñtapjjam: wawachasir warmjamaw t'akhesisqui, ñankhamp wallk'eptatawa, c'ariruw wawacharaquini.
Diosajj t'akhesirinacat amtasipuniwa, janiw jachatanacapat armasquiti, jupanacar t'akhesiyirinacarojj mutuyiwa.
Ñankha luririnacajj espadanacap apsusipjje, arconacap waquichrantasipjje, jan cunan jakenacar aynacht'ayañataqui, llamp'u chuymaninacar tincuyañataqui, chekap sarnaker jakenacar jiwayañataqui;
Qhä jach'a jach'a tucur jakenacajj sipitanac waquicharapipjjetu; ñankha luririnacajj känanac jant'actatarapipjjetu, sarañajjarusti sipitanac uchantarapipjjetu.
¡Nayajja larusiraquïwa cunapachatï jan walt'añajj jumanacaru catuntapcätam ucqhajja! ¡Nayajj sawcasiraquïwa cunapachatï ajjsarañajj jumanacar catuntapcätam ucqhajja,
Arunac apnaker jaken parlatanacapajja suma mojjsjamawa, ucampis chuyma mankheru mantasinwa jan walt'ayi.
Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.
Yakhep jakejj wali yatiñanïcaspasa uqhamaw tucu, ucampis jan amuyt'an jakewa jupat sipana chekachasispa.
Ojjoñanacan sarnaker jakenacasti marcarojj ch'ajjwanacwa apti, ucampis yatiñan jakenacajj marcarojj sumancañwa utjayi.
Jan ist'amti take cuntejj parlapqui ucanacjja, uqhamatwa jan ist'cätati sirviriman jumjjat jan wali parlatapjja. Walja cutiwa jumajj mayninacjjata jan wali parltajja, ucsti juma pachpawa sum yatistajja.
Nayasti sapjjsmawa, taripäwi urunjja take jakenacaw uñstapjjani jan cuna asquitac arunac parlatanacapatsa. Jumasti arsutamarjamaw uñjatäyäta juchanïtamsa, jan juchanïtamsa.”
Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.
Ucatpï Diosajj jupanacarojj uca cunayman p'enkascaña jan wali amtatanacapar apanucujja, ucatsti jupanacajj sinti jan walinac jupanac purajj lurapjje. Diosan cheka cancañapar jan iyawsasina, cunatejj c'arïqui ucar jaysapjjatap laycu. Ucatsti cuntejj Diosajj lurcatayna ucanacaruquiw yupaychapjje Diosar yupaychañat sipansa. Chekpachansa Diosaquiw wiñayataqui yupaychatäñapajja. Uqhamäpan.
Uqhamajja, qhititejj ch'amanïtapa amuyasejja, wal amuyt'aspan ucatarac tincuscaspan.
Janiw jach'a jach'a tucuñasäquiti, uqhamat maynimp maynimp jan walt'ayasiñataqui, jiwascamas janiraquiw envidiäsiñasäquiti.
Jumanacajj Diosanquirïpjjstajjaya, janiw utjañapäcjjeti wachoka jucha lurañanacajj, cuna casta jan wali luräwinacasa ni mich'asiñanacasa. cuerpopätap laycu, jiwasajj uca cuerponquiriraquïtanwa. “Ucatpï chachajj awquip taycap jaytanejja warmipampi mayachasiñataquejja, ucatsti paninitjja mä sapaquïpcaspas uqhamaw tucupjjani.” Acajj wali jach'a jan amuyt'cañawa. Nayajj sistwa, acajj Cristompita uqhamarac iglesiapampitwa parli. Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa. Jan mä p'enka arunacjja parlapjjamti, ni lokhe arunacsa, ni ina ch'usa sawcasiñ arunacsa. Aca casta arunacajj janiw waquisquit arsuñajja, jan ucasti, Diosaruw yuspagarañasajja.
Ucampis jichhajj apanucjjapjjam take acanaca: colerasiñanaca, janchin munañanaca, uqhamarac jan wali arunaca.
uquïrejj janiw cuns yatquiti, jan ucasti jach'a jach'a tucuriquiwa. Arunacjjata tokesiñ amtäwimpi usutawa. Acatwa utji envidiasiñanacajja, ch'ajjwañanacasa, usuchjasiñanacasa, uqhamarac pächasiñanacasa,
Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.
Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.
¿Cunapachcamarac nuwañatac arcnakapjjetätasti? ¿Cunapachcamarac tincuyañ munapjjetätasti? ¿Cunapachcamarac llojjesir perkarjam uñjapjjetätasti? ¿Cunapachcamarac tincuñampïsquir uyurjam uñjapjjetätasti?
¡Ay cunaquïcta nayajja, Mesec chekan jaya jakjam apanucutätwa, Cedar chekan ch'ujllan jacaracta! Sumancañar uñisirinac taypin jacta, sinti jayapuniw utjasta. Nayajj sumancañat parlcta ucapachajja, ch'ajjwañat jupanacajj parlapjje.
Jan lawampejj ninajj jiwarjjaquiwa; arunaca apnakeritejj jan utjqui ucqhajja ch'ajjwanacajja tucusjjewa. Nina sanc'ayañataquejj q'illimiwa munasi; nina naqhayañataquisti lawaraquiw munasi; ch'ajjwanaca utjañapataquisti arunac apnakeri jakew munasi. Arunaca apnakañajj jaketaquejj mojjsjamawa, ucampis chuyma mankhekamawa purt'i.
Qhititejj ch'iqhïqui ucajja, ch'iqhi cancañampiwa cuns luri; jan amuyt'an jakesti lokhe luratanacapatwa cawqui cawc tucu.
C'arisir lajjranacajj amutur tucupjjpan, asqui jakenacar chuym usuyapjjatapata, jach'achasiñampi, jisc'achasiñamp uñjapjjatapata.
“Ist'apjjeta jumanaca, qhitinacatejj yatipcta cunatejj chekäqui uca, nayan yatichäwinacajj sum catoker marca. Jan ajjsarapjjamti jaken jan wali parlatanacapjja, janiraqui jaken jisc'achäwi arunacapampis sustjasipjjamti,
Ucampis nayajj sapjjsmawa: Jan jumanacajj jan wali jakerojj cutcatapjjamti, jan ucasti maynitejj maysa ajanut t'ajjllintätamjja, maysa ajanumppacha uñacht'ayaraquim.
Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.
Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa.
Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui. Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”
Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui. Ucatpï, sapa cuti asqui lurañajj utjchi ucqhajja, takeniruw asqui lurañäni, juc'ampis iglesianquir jilatanacasaru. Uñjapjjam cunja jach'a letranacampis jumanacar kellkanipjjsma pachpa amparajjampi. Cawquïrinacatejj: “Circuncidasipjjapunim” sapctam ucanacajja, jakenacampi asquit uñt'ayasiñ laycuquiw sapjje, uqhamarac Criston crusap laycu jan arcnakayasiñataqui. Circuncisión wali phokhañ munirinacasti cuntejj leyejj sisqui ucarjamajj janiw phokhapquiti. Ucampis jupanacajj munapjjewa jumanacan circuncidasipjjañama, uqhamata ch'amampi jach'ar uñt'ayasiñataqui, janchin uca luräwi jumanacar lurayasina. Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa. Circuncidatäñasa, jan circuncidatäñasa, janiw cunataquis asquïquiti, ucampis machak jakenac tucuñasaw waquisejja. Take aca arunacarjam sarnakerinacajj catokapjjam samaraña qhuyapayasiña, uqhamarac Diosan chekpach wawanacapasa. Acat kheparojj janiw qhitis nayar jan walt'ayañapjja muncti, walja chhojjrinacaraquiw janchejjan utji, ucanacaw Tatit Jesusar sirvirïtajj uñacht'ayi. Jilatanaca, Tatit Jesucristosajj take jumanacar bendispan. Uqhamäpan. Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.
Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama. niyaquitejj jiwirjamäjjchïnjja Cristor sirviñ laycu. Jacañapsa niyapuniw nayar yanapt'asin apt'asi, niyaquejjay jumanacajj jani yanapt'iri jutirjamäpcstatejja uca laycu. Janiraqui qhitis thakpati jupataquiqui asquïquis ucjja, jan ucasti cunatejj mayninacataqui asquïqui uca thakaracpan.
Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.
Acapachan korinacata sipana, uqhamarac suma yänacat sipansa, juc'amp asquiwa qhititejj yatiñampi parlqui ucajja.