Proverbios 13:16 - Qullan Arunaca

¹⁶ Qhititejj ch'iqhïqui ucajja, ch'iqhi cancañampiwa cuns luri; jan amuyt'an jakesti lokhe luratanacapatwa cawqui cawc tucu.

Aymar Bibliia 1986

¹⁶ Qhititejj ch'iqhïqui ucajja, ch'iqhi cancañampiwa cuns luri; jan amuyt'an jakesti lokhe luratanacapatwa cawqui cawc tucu.

Qullan Arunaka DC

¹⁶ Amuyt'asir jaqix, ch'ikhi kankañampiw kuns luri; jan amuyt'asir jaqisti luqhi luratanakapat jach'achasi.

Proverbios 13:16 Jak'a apnaqawi uñst'ayäwi

Salmos 112:5

Asqui jakejj qhuyapayasiñ chuymamp mayt'iriwa, chekap chuymampiw yänacap apnake.

Proverbios 14:33

Yatiñ cancañajj amuyt'asiri jakenacanwa utji; jan amuyt'an jakensti janiw yatiñajj uñt'atäquiti.

Proverbios 15:2

Yatiñan jakenacajj yatiñ cancañampiw parlapjje, ucampis jan amuyt'an jakenacajja lokhe arunacacwa parlapjje.

Proverbios 18:2

Jan amuyt'an jakejj janiw yatekañ munquiti; jan ucasti jupan amuyt'äwipacwa parlañ muni.

Proverbios 21:24

Jach'a amtañani, jach'a jach'a tucuri, jan amuyt'ani, ucaw sutipajja; qhititejj wali jach'a amtañanacampi lurqui ucajja.

Eclesiastés 10:13

jupasti pisi amuyt'a arunaca parlañwa kallti, ucatsti juc'ampi jan wali arunaca parlasaquiw tucuyjjaraqui.

Eclesiastés 10:3

Pisi amuyun jakejj take luratanacapanjja, uñacht'ayiwa juc'a amuyt'aniquïtapa, kawkhasay sascpan “pisi amuyuninacajj jupanacäpjjew” sasa.

Isaías 52:13

Sirvirejjajj take cunan atipjani, wali jach'aru aptatäniwa.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Romanos 16:19

Takeniw yatipjje cunjämtejj jumanacajj Diosarojj jaysapctas ucjja, ucatwa nayajj cusista. Munaraquiristwa jumanacajj janc'aquïpjjañama asqui lurañataquejja, ucampis janiw jacapjjañamäquiti ñankha lurañataquejja.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

Efesios 5:17

Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

1 Samuel 25:17

Ucampis juman chachamajj wali khorupuniwa, jan parljjayañjama, jichhajj jumay amuyt'am cunsa lursna uca toketa, jan ucasti chekpachansa mä jan walt'añawa jutani, jupataqui uqhamaraqui take familianacapataqui” sasa.

1 Samuel 25:25

Jan jumajj Nabal jakerojj ist'amti, uca khoru jakeru. Jupasti cunjämäquitejj sutipajj uqhamarjamaw parlascaraqui, chekpachansa mä jan amuyt'asir jakewa. Uqham lokhe chuymampipuniw cunsa luri. Aca juman sirvirimajj janiw juman qhitanita jakenacaru purinirjja uñjcäyätti.