Lucas 16:15 - Qullan Arunaca

¹⁵ Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Aymar Bibliia 1986

¹⁵ Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Qullan Arunaka DC

¹⁵ Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Lucas 16:15 Jak'a apnaqawi uñst'ayäwi

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

Salmos 10:3

Ñankha lurir jakejj, munapayañ cancañapat jach'achasi, munapayir jakejj, Tatituruw ñankhachi, jisc'acharaqui.

Salmos 49:13

Uqhamaw ch'amapar alcatirinacajj tucusipjje, uqhamaw jupa pachpa jach'añchasirinacan tucuyapajja.

Salmos 49:18

Jaccasajj cusisitas sarnakascpan: kamirïtapat jach'ar aptatas uñjasiscpan,

Salmos 7:9

Chekapar uñjir Diosay, jumaw chuyma mankha amtäwinac uñanttajja; juchararanacan ñankha lurañanacap tucusiyam, asqui jakerusti thuruñchat sayt'ayam.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Proverbios 20:6

Walja jakenacawa sapjje: “Suma asqui jakëtwa” sasa, ucampis janiw qhitis asqui jakejj utjquiti.

Proverbios 21:2

Jaketaquejj walicjamaquiwa take luratanacapajja, ucampis Tatitojj yatiwa jakenacan amtäwinacapjja.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Malaquías 3:15

Jiwasasti uñjtanwa, jach'a jach'a tucurinacasti cusisitäpjjewa, jan walinac lurcasas take cunas sumaquipuniw misturapi, Diosarusa yant'apjjaraquiwa, ucampis janiraquiwa cuna mutuyäwinacsa Diosatjja catokapquiti’ ”

Mateo 23:5

Take cuns lurapjjewa jaken uñjayasiñataquiqui, munapjjaraquiwa amparanacaparu, paranacaparu apaña mä kawkha Diosan arunacap jach'a papelanacaru kellksuta. Uqhamaraquiw jach'a flecon isinacampi isthapisipjje yakha jakenacat sipansa.

Mateo 6:16

“Cunapachatejj jumanacajj ayunapcäta ucqhajja, jan llaquit ajanuni sarnakapjjamti, cunjamtï uca c'ari chuymaninacajj lurapqui uqhamjja. Ucjja jupanacajj lurapjjewa jakenacan: ‘Ayunascataynaw’ sayasiñataquiqui. Khanacwa sapjjsma, uca luratapatjja catokjjapjjewa.

Mateo 6:2

“Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.

Mateo 6:5

“Cunapachatejj jumanacajj Diosat mayisipjjäta ucqhajja, jan c'ari chuymaninacjam mayisipjjamti. Jupanacajj sayt'asisinwa sinagoganacanjja mayisipjje, uqhamarac calle esquinanacansa jakenacan uñjatäñataqui. Khanacwa sapjjsma, uca luräwipatjja catokjjapjjewa.

Lucas 10:29

Ucampis ley yatichirejj jisct'atapampi asquit uñt'ayasiñ munasinjja Jesusarojj sänwa: —¿Qhitirac jake masejjasti? —sasa.

Lucas 11:39

Tatitusti juparojj sänwa: —Juma fariseonacajj vasonacsa platonacsa ankäjjaqui k'omacht'apjjtajja, ucampis chuyma mankhanacamanjj lunthatasitanacamampi cunayman juchamp phokhantatäsipctawa.

Lucas 18:11

Fariseojj sayt'asisin Diosat mayisïna, aqham sasa: ‘Oh Dios, yuspagaransmawa nayajj janiw yakhanacjamäcti, lunthata, jan wali jake, wachoka juchan sarnakeri, janiraquiw aca impuesto apthapir jakjamäctsa.

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.”

Lucas 18:21

Kamir waynajj sänwa: —Take ucanacjja jisc'atpachwa phokta —sasa.

Lucas 18:9

Jesusajj parlänwa yakha uñtasitata, cunjämatejj yakhepanacajj jupapacha asquit uñt'asipjjäna mayninacar jisc'achasa. Ucanacarusti saraquïnwa:

Lucas 20:20

Ucatsti uñakanac qhitapjjäna, ucanacajj cheka jakenacjam tucusina, cun sasins jupar pantjasiyañataqui ucat marca apnakerinacar catuyañataqui.

Lucas 20:47

Uqhamaraquiw ijmanacatjja utanacapsa aparapjje, ucatsti uca jan wali luratanacap imt'añataquejja jach'a oracionanac lurapjje. Jupanacaw juc'amp jach'a mutuyäwi catokapjjani.”

Juan 2:25

Jaker uñt'añataquejj janiw qhitin yatiyatäñasa waquiscänti, jan ucasti jupa pachpawa yatïna jaken chuymapa.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Hechos 1:18

Jupasti ñankha luratapatjja kollke catokäna. Uca kollkempisti mä orak aläna. Ucatsti jupajj jaychcatasisaw p'eket cayuni jalaktasajja, puracas phallata uñjasïna, jiphillanacas allstata.

Hechos 1:24

Aqham sasaraquiw, oración lurapjjäna: “Tata, juma sapaquiw takenin chuymapa uñt'tajja. Uñacht'ayapjjetay cawquïrirus jumajj aca paninitjja ajlltajja,

Hechos 15:8

Jakenacan chuymap uñt'ir Diosasti jan judiöpquis ucanacar catokatapjja uñacht'ayiwa, jupanacar Kollan Ajayu churasa, cunjämtï jiwasanacarus churquistu uqhama.

Romanos 3:20

Chekpachansa janiw qhitis uca leyirjam sarnakatap laycojj Diosan nayrakatapanjja catokatäcaniti. Uca leyisti jiwasanacan juchanïtas uñt'ayañataquiquiwa.

Romanos 8:27

Ucampis Diosajj chuymanaca uñantasinjja yatiwa cuntejj Ajayojj sañ munqui ucjja, Ajayusti Diosan munañaparjamaw jupanquirinacataquejj mayi.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

1 Pedro 3:4

jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”