Lucas 16:15 - Qullan Arunaka DC

¹⁵ Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Aymar Bibliia 1986

¹⁵ Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Qullan Arunaca

¹⁵ Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Lucas 16:15 Jak'a apnaqawi uñst'ayäwi

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Salmos 10:3

Ñanqha lurir jaqix munapayatapat jach'achasi; Tatiturusti ñanqhachji, jisk'achjarakiwa.

Salmos 49:13

13 (14) Ukhamaw ch'amapar alkatirinakax tukusipxi; ukhamaw jupa pachpa jach'añchasirinakan tukuyapaxa.

Salmos 49:18

18 (19) Jakkasax kusisitas sarnaqaskpan, qamirïtapat jach'ar aptatas uñjasiskpan,

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Proverbios 16:5

Tatitux jach'a jach'a tukur jaqinakarux janiw uñjañ munkiti; jichhasa, akat qhiparusa mutuñap katuqapxapuniniwa.

Proverbios 20:6

Waljaniw suma aski jaqit uñt'ayasiñ munapxi, ukampis janiw khitis aski jaqix utjkiti.

Proverbios 21:2

Jaqitakix taqi luratanakapax walikjamakiwa, ukampis Tatituw chuymanakan amtäwinakap yati.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Malaquías 3:15

Jiwasax uñjtanwa, jach'a jach'a tukurinakax kusisitäpxiwa, qhuru jaqinakatakisti jan walinak lurkasas taqi kunas jupanakatakix sumakipuniwa, Tatiturus yant'apxarakiwa, ukampis janiw kuna mutuñsa Tatitut katuqapkiti’ ” sasa.

Mateo 23:5

Jaqin uñjayasiñatakikiw taqi kunsa lurapxi. Paranakaparu, amparanakapar Diosan arunakap qillqsut apañak munapxi, jach'a chhaxchhan isinakampi isthapisiñak munapxi.

Mateo 6:16

“Kunapachatix jumanakax ayunapkäta ukkhasti, janiy k'ari chuyman jaqinakjam llakit ajan uñacht'ayapxamti, jupanakax ayunatapa jaqimp uñjayasiñatakikiw llakit ajan uñacht'ayapxi. Qhanak sapxsma, ukham luratapampix churäwip niy katuqxapxiwa.

Mateo 6:2

“Jumatix pist'ayasitanakar yanapt'äta ukaxa, jaqinakarux jan yatiyamti, kunjämtix k'ari chuymaninakax sinagoganakana, thakhinakan lurapki ukhama. Jupanakax jaqinak nayraqatan wali sumat uñt'atäñ munapxi. Nayasti qhanpun sapxsma, ukham luratapat niy katuqxapxiwa.

Mateo 6:5

“Kunapachatix jumanakax Diosat mayisipkäta ukkhasti, jan k'ari chuymaninakjam mayisipxamti, jupanakax sinagoganakansa, thakhi thiyanakansa jaqinakamp uñjayasiñatakikiw sayt'at mayisipxi. Qhanak sapxsma, jupanakax churäwip niy katuqxapxiwa.

Lucas 10:29

Ukampis kamachi yatichirix askit uñt'ayasiñ laykux Jesusarux jiskt'askakïnwa: —¿Khitirak jaqi masixasti? —sasa.

Lucas 11:39

Tatitusti juparux sänwa: —Juma, fariseonakax laqäxak jariqasipxtaxa, ukampis chuyma manqhamax lunthatasiñampi, kunayman juchanakamp phuqhantatäskiwa.

Lucas 18:11

Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Lucas 18:14

Nayax sapxsmawa, aka qullqi apthapiriw utaparux juchapat Diosan pampachat kuttawayxäna; fariseosti janiwa. Jupa pachpa jach'achasirixa, jan yäqataw uñjasini, jan yäqat sarnaqiristi, jach'ar aptatäniwa.”

Lucas 18:21

Qamir jaqisti sänwa: —Taqi ukanak jisk'atpach phuqta —sasa.

Lucas 18:9

Jesusax yaqha uñtasïwit parläna, kunjämatix yaqhipanakax jupapach askit uñt'asisin mayninakar jisk'achapkän ukanakaruw sarakïna:

Lucas 20:20

Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Lucas 20:47

ukatsti ijma warminakat utanakap aparapxi, uka jan wali luratanakap imt'añatakix jach'a mayisïwinak lurapxi. Jupanakaw juk'amp jach'a mutuyäwi katuqapxani.”

Juan 2:25

Janiw jupax uka jaqinakat khitin arsuñapas wakiskänti, jan ukasti jupa pachpaw jaqin chuymap uñt'äna.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Hechos 1:18

Jupax ñanqha luratapat qullqi katuqäna, uka qullqimpisti mä uraq aläna; ukatsti jupax p'iqit kayuni jalaqtasaw, purakas phallata, jiphillanakas allstat uñjasïna.

Hechos 1:24

Ukatsti taqiniw Tatitut mayisipxäna akham sasa: “Tatay, jumaw taqinin chuymap uñt'taxa, jupa paninit khitirus jumax ajllista, ukay uñacht'ayapxita

Hechos 15:8

Jaqinakan chuymap uñt'ir Diosasti jan judiöpkis uka jaqinakar katuqatap uñacht'ayiwa, jupanakar Qullan Ajayu churasa, kamisatix jiwasanakar churkistu ukhamarak jupanakar churi.

Romanos 3:20

ukampix janiw khitis siskaspati kamachirjamaw phuqhi, ukat Diosax jan juchanjam katuqañapa sasaxa, uka kamachisti jiwasan juchanïtas uñt'asiñasatakikiwa.

Romanos 8:27

Chuymanakas uñantir Diosasti, kuntix Ajayux sañ munki uk yati, Ajayux Diosan munañaparjamaw qullan markapatak mayi.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

1 Pedro 3:4

jan ukasti suma chuymanïpxam, ukaw jan tukuskiri, suma munkañaxa. Dios nayraqatansti ukax wali askiwa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.