Lucas 16:16 - Qullan Arunaka DC

¹⁶ “Bautisir Juanan urunakapkamaw Moisesan kamachipampi, profetanakan yatichäwinakapampix yatiyasiskäna. Ukat aksaruw Diosan qhapaq markapat suma yatiyäwinakax yatiyasxi, ukatsti taqiniw ukar mantañatak ch'amacht'asipxi.

Aymar Bibliia 1986

¹⁶ “Juanan urunacapcamaw Moisesan leyipajj utjascäna, uqhamarac profetanacan yatichäwinacapasa. Ucqhatwa Diosan reinopat suma yatiyäwinacajj yatiyasjje ucatsti takeniw ch'amacht'asipjje mantañataquejja.

Qullan Arunaca

¹⁶ “Juanan urunacapcamaw Moisesan leyipajj utjascäna, uqhamarac profetanacan yatichäwinacapasa. Ucqhatwa Diosan reinopat suma yatiyäwinacajj yatiyasjje ucatsti takeniw ch'amacht'asipjje mantañataquejja.

Lucas 16:16 Jak'a apnaqawi uñst'ayäwi

Mateo 10:7

Sarasinsti, Diosan qhapaq markapan jak'ankatap yatiyapxam.

Mateo 15:11

Kunatix jaqin purakapar mantki ukax janiw jaqirux q'añuchkiti. Jan ukasti, kuna arunakatix jaqin lakapat mistki ukaw jaqirux q'añuchi —sasa.

Mateo 21:32

Bautisiri Juanax aski jakañ thakhi yatichiriw juti, jumanakasti janiw juparux iyawsapktati; ukampis, Romatak qullqi apthapirinakampi, walja chachanakampi sarnaqir warminakampix iyawsapxiwa. Jumanakasti ukanak uñjkasinsa, janiw jupar iyawsañatak kutikipstapktati.

Mateo 3:2

Sarakïnwa: “¡Taqi jan wali luratanakamat kutikipstapxam, Diosan qhapaq markapaw jak'ankxi!” sasa.

Mateo 4:17

Jesusax ukapachat Diosan arunakap parlañ qalltäna: “Diosan ukar kuttanxapxam, qhapaq markapax jak'ankxiwa” sasa.

Mateo 4:23

Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa.

Marcos 1:14

Juanar carcelt'apkän uka qhipatsti, Jesusax Galilearuw saräna, Diosan suma yatiyäwi arunakap yatiyasa.

Marcos 1:45

Ukampis uka jaqix sarxasinxa, kunatix jupamp luraskäna uk taqinir yatiyañ qalltäna. Ukat Jesusax jan kawki markarus qhan mantkänti, jan ukasti marka thiyawjanakana, kawkhantix jaqis jan utjkäna uka chiqanakanak qhiparäna. Ukhamäkipansa, jaqinakax taqi tuqit jupar uñjirix jutasipkakïnwa.

Lucas 10:11

‘¡Markaman laq'apax kayur makhatapkitu uksa, jumanakar ñanqhachañatakiw thalarasipxta! Ukampis ak yatipxam, Diosan qhapaq markapaw jumanakar jak'achasini’ sasa.

Lucas 10:9

usutanakarusti k'umaraptayapxam, ukatsti sapxarakim: ‘Diosan qhapaq markapaw jumanakar jak'achasini’ sasa.

Lucas 16:29

Abrahamasti juparux sarakïnwa: ‘Moisesana, profetanakan qillqatanakapaw jupanakan utji; ukanakar jaysapxpan’ sasa.

Lucas 16:31

Abrahamasti saskakïnwa: ‘Janitix Moisesampiru profetanakampir ist'añ munapkanixa, janirakiw jiwatanakat mayni jaktirirus ist'apkaniti’ ” sasa.

Lucas 9:2

Jupanakarux Diosan qhapaq markapat parlapxañapataki, usutanak qullapxañapatakiw khithäna.

Juan 1:45

Felipesti Natanaelar thaqhiriw saräna, ukat sarakïna: —Moisesax khitittix kamachin qillqkäna, profetanakas qillqkarakïna juparuw jikxatapxta. Ukasti Nazaret markankir Josean yuqap Jesusawa, —sasa.

Juan 11:48

Ukhamaktix jaytañänixa, taqiniw jupar iyawsapxani; ukatsti romankir jilïrinakax jutasin Tatitun utapampi, markasampi t'unjani —sasa.

Juan 12:19

Ukatsti fariseonakax jupanakkamaw sasipxäna: —Jumanakax uñjxapxtawa, janiw kunas lurañjamäkiti. Taqiniw jupar arkapxi —sasa.

Juan 5:4

Tatitun angelapaw sapa kuti uka chiqar saraqanirïna, ukat uma unxtayirïna; khititix um unxtipan nayraqat mantirïkän ukakiw usupat waliptirïna.

Hechos 3:18

Ukampis Diosax ukhamat phuqhawayi kuntix profetanakap tuqi arskatayna, Criston t'aqhisiñap wakisitapa.