Lucas 16:16 - Qullan Arunaca

¹⁶ “Juanan urunacapcamaw Moisesan leyipajj utjascäna, uqhamarac profetanacan yatichäwinacapasa. Ucqhatwa Diosan reinopat suma yatiyäwinacajj yatiyasjje ucatsti takeniw ch'amacht'asipjje mantañataquejja.

Aymar Bibliia 1986

¹⁶ “Juanan urunacapcamaw Moisesan leyipajj utjascäna, uqhamarac profetanacan yatichäwinacapasa. Ucqhatwa Diosan reinopat suma yatiyäwinacajj yatiyasjje ucatsti takeniw ch'amacht'asipjje mantañataquejja.

Qullan Arunaka DC

¹⁶ “Bautisir Juanan urunakapkamaw Moisesan kamachipampi, profetanakan yatichäwinakapampix yatiyasiskäna. Ukat aksaruw Diosan qhapaq markapat suma yatiyäwinakax yatiyasxi, ukatsti taqiniw ukar mantañatak ch'amacht'asipxi.

Lucas 16:16 Jak'a apnaqawi uñst'ayäwi

Mateo 10:7

Sarcasinsti yatiyapjjaraquim, Diosan reinopajj jac'ancatapata.

Mateo 15:11

—Ist'apjjam ucatsti amuyt'apjjaraquim: Cunanacatejj jaken puracapar mantqui ucajj janiw jakerojj k'añuchquiti, ucampis jaken lacapat mistquis ucawa jakerojj k'añuchi —sasa.

Mateo 21:32

Bautisiri Juanajj jutänwa cunjämatejj jumanacan jacañamajj waquisqui ucanac yatichasa. Ucampis jumanacajj janiw juparojj iyawsapctati, jan ucasti uca impuesto cobririnacasa, uqhamarac uca walja chachanacampi sarnaker warminacasa iyawsapjjänwa. Jumanacasti ucanac uñjasinsa jan wali lurañanacamatjja janiw arrepientisiñ munapctati.

Mateo 3:2

Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.

Mateo 4:17

Ucqhatpachwa Jesusajj parlañ kalltäna Diosan arunacapa: “Take jan wali luräwinacamatjja arrepientisipjjam, Diosan reinopaw jac'ancjje” sasa.

Mateo 4:23

Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.

Marcos 1:14

Juanaru carcelt'apjjän uca khepatsti, Jesusajj Galilearuw sarjjäna, Diosan reinopat suma yatiyäwi arunac parlasa,

Marcos 1:45

Ucampis uca jakejj sarjjasinjja, takeniruw yatiyañ kalltäna, cunatï jupamp lurascäna uca. Ucatwa Jesusajj jan cawqui marcarus khan mantcänti, jan ucasti marca thiyawjanacana, cawqhantejj jan jakes utjcäna uca chekanacanacwa sarnakäna. Uqhamäquïpansa, take toket jupar uñjirejj jakenacajj jutasipcaquïnwa.

Lucas 10:11

‘Marcaman lak'apajj cayur maqhatapquitu ucjja jumanac toke uñacht'ayañataquiw thalarasipjjta. Ucampis ac yatipjjam, Diosan reinopaw jumanacar jac'achasini’ sasa.

Lucas 10:9

Ucan usutanacarusti c'umaraptayapjjam, ucatsti sapjjam: ‘Diosan reinopaw jumanacar jac'achasini’ sasa.

Lucas 16:29

Ucampis Abrahamajj juparojj sänwa: ‘Jupanacanjja utjiwa Moisesan, uqhamaraqui profetanacan kellkatanacapajja; ucanacar ist'apjjpan’ sasa.

Lucas 16:31

Abrahamasti saraquïnwa: ‘Janitejj Moisesampiru profetanacampirojj ist'añ munapcchejja, janiraquiw iyawsapcaniti, jiwatanacat maynejj jacatatcchini ucasa’ ” sasa.

Lucas 9:2

Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.

Juan 1:45

Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.

Juan 11:48

Uqhamactejj jaytañäni ucajja, takeniw juparu iyawsapjjani; romanonacajj jutasin templosa t'unjani uqhamarac marcasa —sasa.

Juan 12:19

Ucatsti fariseonacajj jupanac puraw sapjjäna: —Jumanacajj uñj-jjapjjtawa, janiw cuns lurañjamäcjjeti. Takeniraquiw jupar arcjjapjje —sasa.

Juan 5:4

Mä angelaw yakhep horasanacajj sarakanirïna uca estancjjaru uca um onjjtayañataqui. Qhititejj nayrakat uca onjjtat umaru mantirïcän ucajja kollataw uñjasirïna cuna casta usutsa.]

Hechos 3:18

Ucampis Diosajj uqhamatwa phokhawayi cuntejj profetanacap toke arscän Criston t'akhesiñapjjata ucjja.