Proverbios 20:3 - Qullan Arunaca

³ Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Aymar Bibliia 1986

³ Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Qullan Arunaka DC

³ Ch'axwañanakar jan mantañ munir jaqitakix, mä suma jach'añchäwiwa; jan amuyt'asir jaqisti uka ch'axwañanakar mantakiwa.

Proverbios 20:3 Jak'a apnaqawi uñst'ayäwi

Génesis 13:7

Abraman uywap awatirinacasti, Lot sobrinopan awatirinacampiw jan walt'cjjapjjänti. Uqhamarusa uca tiemponjja cananeo jakenacasa, ferezeo jakenacasa ucsa tokenacanjja jacasipcaraquïnwa.

Génesis 13:8

Uqhamasti Abramajj mä urojj Lot sobrinoparojj sänwa: “Jumampi nayampejj familiatanwa, uqhamasti janiw walïquiti jiwasa taypin jan walt'añanaca utjañapajja, uqhamaraqui awatirinacasan ch'ajjwascañanacapasa.

2 Reyes 14:9

Ucampis Joás reyejj aqham yatiyäwracwa apayaraquïna: “Ch'aphejja qhitänwa Libanonquiri cedro kokar saniñapataqui aqhama: ‘Phuchama yokajjaru churjjam warmipäñapataqui’ sasa. Ucampis Libanonquir animalanacaw uca chekanjama pasasina ch'aphir takjjatawayasa pallallji.

Proverbios 14:17

Qhititejj mäqui cunatsa colerasqui ucajja, mäquiraquiwa jan walinacjja lurjjaraqui, ucampis jan mäqui colerasqui ucajja, c'achatacwa luri.

Proverbios 14:29

Wali llamp'u chuymanïñajj wali ch'iqhi cancañ uñacht'ayi; jan paciencianïñasti t'ajjmarätapwa uñacht'ayaraqui.

Proverbios 16:32

Paciencianïñaw asquejja, jan ajjsarir jaket sipansa; marcanacar catuntañat sipansa, juc'amp asquiwa jiwasa pachpa apnakasiñajja.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 18:6

Jan amuyt'an jakejj parlatanacapampejja jan walt'añaruwa manti, jan wali parlatapatwa jawk'jatas uñjasiraqui.

Proverbios 19:11

Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Proverbios 21:24

Jach'a amtañani, jach'a jach'a tucuri, jan amuyt'ani, ucaw sutipajja; qhititejj wali jach'a amtañanacampi lurqui ucajja.

Proverbios 26:17

Qhititejj mayninacan ch'ajjwañanacapar mantasin ch'ajjwasqui ucajja, mä anurusa jinchunacapata catthapcaspa uqhamawa.

Efesios 4:32

Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Santiago 3:14

Ucampis jumanacatejj chuymanacamjja envidiasiñanacampi c'allc'u tucuyapjjtajja, ucatsti mä cuna laycuqui cunsa lurasipctajja, uqhamajja janiw jach'a jach'a tucupjjañamäquiti uca yatiñanacamatjja, uc lurasinjja jumanacpachaw c'arintasisipcta, ucatsti cunatejj chekäqui uc apanucusipcaractajja.

Santiago 4:1

¿Cawquitsa juti jumanac taypin jan walt'añanacajja, uqhamarac guerranacasa? Jan wali amtatanacamajj chuymanacaman nuwasisqui, ucatwa juti.