Proverbios 20:3 - Qullan Arunaka DC

³ Ch'axwañanakar jan mantañ munir jaqitakix, mä suma jach'añchäwiwa; jan amuyt'asir jaqisti uka ch'axwañanakar mantakiwa.

Aymar Bibliia 1986

³ Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Qullan Arunaca

³ Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Proverbios 20:3 Jak'a apnaqawi uñst'ayäwi

Génesis 13:7

Abram chachan uywap awatirinakasti, Lot sobrinopan awatirinakapampiw jan walt'ayasipkänti. Ukhamarus uka urunakan cananeo, ferezeo jaqinakaw uksa tuqinakan jakasipkäna.

Génesis 13:8

Ukhamasti Abram chachax mä urux Lot sobrinoparuw säna: “Jumampi nayampix wila masïtanwa, ukhamasti janiw walïkiti jiwas taypin jan walt'añanakan utjañapaxa, janirakiw awatirinakasas ch'axwapxañapäkiti.

2 Reyes 14:9

Joás reyisti Amasiasar akham iwxarakïna: “Mä kutixa, mä ch'aphi aliw Líbano markankir cedro quqar saniñapatak khithatayna akham sasa: ‘Yuqaxar phuchham churxam warmipäñapataki’ sasa. Ukampis mä animalaw uka chiqanjam sarkasin ch'aphi alir taksuwayäna.

Proverbios 14:17

Mäki kunatsa mayjt'asir jaqix, jan amuyt'asisaw luri, amuyt'asir jaqisti, llamp'u chuyma uñacht'ayi.

Proverbios 14:29

Llamp'u chuymanïñax, wali ch'ikhi kankañ uñacht'ayi; luqhi chuymanïñasti jan amuyt'asirïñ uñacht'ayaraki.

Proverbios 16:32

Llamp'u chuymanïñaw juk'amp askixa, jan axsarir ch'amani jaqïñat sipana; jiwas pachpa apnaqasiñaw juk'amp askixa, markanaka apnaqañat sipana.

Proverbios 17:14

Ch'axwañ qalltañax, jawir umas jilarkaspa ukhamawa; uka ch'axwañar janïr mantkasin jithiqtxañax juk'amp askiwa.

Proverbios 18:6

Jan amuyt'an jaqin parlatanakapax ch'axwañanak utjayi, jan wali arupasti tuqisiñanak utjayaraki.

Proverbios 19:11

Yatiñ kankañan jaqix janiw mäk mayjt'askiti, chuyma usuchjatas janis kunäkaspa ukhamak uñji, uka luratapasti jach'a kankañawa.

Proverbios 21:24

Jach'achasiñampi lurir jaqix, jan watxtasiri, jach'a jach'a tukuri, jan amuyt'asiri sutiniwa.

Proverbios 26:17

Mayninakan ch'axwañanakapar mantañaxa, qhuru anur jinchupat katthapksna ukhamawa.

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Santiago 3:14

Ukampis jumanakan chuymamantix uñisisiñanaka, k'allk'usiñanaka, pixtusiñanak utjchixa, jach'a jach'a jan tukupxamti, chiqa kankañarus janirak k'arintapxamti.

Santiago 4:1

¿Kawkitarak juti, jumanak taypin utjki uka nuwasiñanaka, ch'axwañanakasti? Chuymaman nuwaski uka jan wali amtäwinakat juti.