Gálatas 6:7 - Qullan Arunaca

⁷ Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Aymar Bibliia 1986

⁷ Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Qullan Arunaka DC

⁷ Jan sallqjasipxamti; janiw khitis Diosat sawkaskaspati. Kuntix jaqix yapuchki ukarak apthapini.

Gálatas 6:7 Jak'a apnaqawi uñst'ayäwi

Job 15:31

Jan juc'ampi sallkjayasiñanacaru alcataspati, sallkjataw uñjasiraquini uca laycu.

Job 4:8

Nayarojj sarnakäwiwa yatichitu, qhitinacatejj ñankha lurañanacan sarnakapqui ucanacajj cuntejj yapuchapcäna ucacracwa apthapipjje.

Proverbios 1:31

¡Ucatsti jumanacajj jan wali sarnakapjjatanacamatjja t'akhesiñwa catokapjjäta! Ñankha amtatanacamampisti amjayasipjjätamwa.

Proverbios 11:18

Jucharar jakejj luratapatjamwa catoke; cheka cancañampi luriristi luratapatjamwa catokaraqui.

Proverbios 6:14

amuyupasti ñankha lurañampi chhaktayatawa, chuymapansti jan walinac lup'isaquiw sarnake, ch'ajjwañanac aptañanac lup'isaw sarnakaraqui.

Proverbios 6:19

c'ari ircatirit sarnakañanacaru, jila pura ch'ajjwañanacaru.

Jeremías 37:9

Jichhasti naya Tatituw sapjjsma: Jan chuymanacamanjja cusisipjjamti, janiraqui sapjjamsa: ‘Caldeonacajj sarjjaniwa’ sasa, ucasti janiw uqhamäcaniti.

Ezequiel 14:5

“Cawquïri israelitanacatejj nayat jithektjjapjje yakha diosanacaru yupaychañataqui, ucanacarusti nayaw chuymapa llamct'araquëjja.

Oseas 10:12

Jupanacarusti saractwa: ‘Cunatejj chekäqui uc yapuchapjjam, ucatsti munasiñrac apthapipjjam. Oraksti waquichapjjaraquim wasitat yapuchañataqui, Tatitur thakañajj horasäjjatap laycu, jupajj jutasin khespiyasiña jallu jumanacjjar apaniñapcama.’

Oseas 10:13

Ucampis jumanacajj ñankhac yapuchapjjtajja, cunatejj jan chekäqui ucacrac apthapipjjtajja, c'ari achunacacracwa mank'apjjtajja. “Jumanacajj guerrar sarir carronacamaru, uqhamarac walja soldadonacamaru iyawsapjjatam laycojja,

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Abdías 1:3

Jach'a jach'a tucutamaw sallkjtamjja. Karka p'iyanacanwa jactajja, alto kollunacanwa utjaractajja, ucatwa amuyasiractajja: ‘Janiw qhitis liwekquitaspati’ sasa.

Lucas 16:25

Abrahamasti juparojj sänwa: ‘Wawa, amtasim cunjäms jacañamanjj wali sum jacäyätajj uca. Lazaron jacäwipasti jan walipunïnwa. Jichhasti acanjja jupajj cusisiñ catoke, jumasti t'akhestawa.

Lucas 21:8

Jesusasti sänwa: —Amuyasipjjam, jan sallkjayasipjjamti. Waljaniw sutejjana jutapjjani: ‘Nayätwa Cristojja’ uqhamarac ‘Jichhaw tiempojj’ sasa. Ucampis jan ucanacarojj arcapjjamti.

1 Corintios 15:33

Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

1 Corintios 3:18

Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.

1 Corintios 6:9

¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

2 Corintios 9:6

Jumanacasti acat amtasipjjaraquim: Juc'a yapuchasirejj, juc'aquiracwa achunacjja apthapini, walja yapuchasiristi, waljaraqui apthapini.

Gálatas 6:3

Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.

Efesios 5:6

Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui.

2 Tesalonicenses 2:3

Jan cunäquipansa sallkjayasipjjamti. Janïra uca urojj purinquipanjja Dios contra sayt'añaw jutañapa, cunapachatejj ñankha jakejj uñstancani cawquïritejj t'unjañataqui juchañchatäqui uca.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.

Santiago 1:26

Maynitejj Diosar arcatap amuyaschejja ucatsti cuns parlascacchi ucajja, jupa pachpaw c'arintasisqui, Diosar arcatapasti inamayaquiraquiwa.

1 Juan 1:8

Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

1 Juan 3:7

Wawanacajja, jan qhitimpis c'arintayasipjjamti; asqui lurirejja asquiraquiwa, cunjämatejj Tatitojj asquïqui uqhama.

Judas 1:18

Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.