Apocalipsis 22:3 - Qullan Arunaca

³ Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.

Aymar Bibliia 1986

³ Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.

Qullan Arunaka DC

³ Janiw ukanxa khitis ñanqhachatäkxaniti. Diosampina, Corderompin qhapaq qunuñapaw uka markankani, Diosan luqtirinakapasti juparuw yupaychapxani.

Apocalipsis 22:3 Jak'a apnaqawi uñst'ayäwi

Salmos 16:11

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

Salmos 17:15

Nayasti cusisitaw jicjjatasï; ajanuy ajanu jumar uñcatasina, uñatatcä ucapach nayrakataman jicjjatasisina.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 51:11

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.

Ezequiel 37:27

Nayasti jupanac taypinwa jacaraquëjja, Diosaparaquïyäwa, jupanacasti nayan marcajjaraquïniwa.

Ezequiel 48:35

Uca perkasti takpachajja llätunca waranka metroniraquïniwa largorojja, uca marcan sutipasti acat ucsarojja: ‘Tatituw acanqui’ sataraquïniwa.”

Zacarías 14:11

Jïsa, Jerusalenajj jaken utjatäniwa, janiw wasitat t'unjatäcjjaniti. Jakenacapajj jan cunan camachcañaw jacasipjjani.

Mateo 25:21

Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.

Mateo 25:41

“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Juan 13:32

Jaken Yokapajj Diosan jach'a cancañap uñacht'aychi, ucatsti Diosajj Yokan jach'a cancañapwa uñacht'ayaraquini, ucsti janc'aquiw luraraquini.

Juan 14:3

Sarasinsti ucat mä utjäw waquichasinjja, wasitampiw jutä jumanacaru irpasjjañataqui, cawqhanccätï nayajj jumanacajj ucqhancapjjañamataquiraqui.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Deuteronomio 27:26

‘Maldicitäpan cawquïritejj jan aca yatichäwinacar ajjsarcani, uqhamarjamasa sarnakcaraquiniti ucajja.’ Ucatsti takpach marcaw sani: ‘Uqhamäpan’ sasa.

Apocalipsis 7:10

Takeniraquiw wali jach'at art'asipcäna aqham sasa: “¡Khespiyasiñajj Diosasanquiwa, qhititejj tronon kont'atäqui, uqhamarac Corderona!”

Apocalipsis 7:9

Ucatsti uñjaractwa walja jakenaca take marcanacata, cunayman janchini, uqhamarac take casta parlani. Jupanacasti trono nayräjjan uqhamarac Cordero nayräjjapan sayt'atäsipcänwa. Waljanïpjjapunïnwa, janiraquiw qhitis jact'caspati, jank'o isincamaquïpjjänwa, amparanacaparojj palmanacas ayt'atcamaquiraquïnwa.