Kasta
VERSIÓN SAPA UTJAWIPA
Diosan arupax wali askipuniwa, sapa kuti, sapa pacha. Taqipach Diosampi, jakʼan jakirinakasampi chikachasiñatak wakichtʼatäñasawa. Diosax chiqapawa, sapa kutiska mä arupa churataniwa. Tatitux “kawkirus sarxtaxa, nayax jumanakampïsktawa” sasaw sistu, uka arupax chiqapuniwa, kunattix sapa kuti Diosan arupax jakäwisan utji.
“Wawajjay, ist'am awquimana yatichäwinacapa, janiquiy taycaman yatichäwinacapjja jisc'achamti. Uca yatichäwinacasti jumataquejj mä suma c'achachäwïniwa, mä suma collarar uñtataraqui.
Wawanaca, awquimaru taycamaru ist'apjjam, Tatitur munasina. Acawa chekapajja. Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa. Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui. Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja. Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui. Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama. Sumancañ arunac parlañatac waquichasipjjam, cunjämtejj mä soldadojj waquichasi zapato uscusisinjja uqhama. Ucatsipansa, iyawsañanacamajj mä escudjamäpan, Supayan akquir flechanacapat jarc'akasiñataqui. Khespiyasiñampisti mä cascompjam p'eker uscusipjjam, Diosan arupsti catjjarupjjaraquim mä espadar uñtata cuntejj Kollan Ajayojj churapctam uca. Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim. Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa. Bendicitäñatac arsuta nayrïri jach'a camachejja acawa: “Awquimar taycamar jach'añcham, Diosajj nayarojj aca arunacatjja mä uñt'ayiritjamwa qhititu, ucataracwa jichhas preso catuntatäsctjja. Diosat mayipjjam, nayajj cunjämtejj take ch'amampi aca arunac parlañajjäqui uqham parlañajjataqui. Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa. Ucataquiw qhitanta, cunjämäsipctejj uc jumanacaru yatiyañapataqui, uqhamat juc'amp jumanacaru ch'amañchañataqui. Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan. Diosajj bendispan qhitinacatejj Tatit Jesucristosaru jan pächasisa munapqui ucanacarusa. cusisitäñamataqui, uqhamarac jaya maranac aca oraken jacañamataqui.”
Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.
Wawanaca, awquimar taycamarojj take cunansa ist'apjjapunim, uca lurañasti asquiw Dios nayrakatanjja. Awquinaca, jan wawanacamampejj sinti khorüpjjamti jan jupanacan mayjt'asipjjañapataqui.
Yurirapquistu uca wawanacajj, Tatitun asqui churäwinacapawa. Waynäpctan ucapach yurirapquistu uca wawanacajj nuwasirin amparapanquir flechanacar uñtatawa. Ucanacan jakejj cusisiñaniwa. Janiw timanacapamp p'enkachat uñjascaniti, janiraquiw ch'ajjwan atipayascaniti.
“Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.
Chuyman awquinacan coronapasti allchhinacapawa; wawanacajj awquip taycapatwa alawt'asi.
Yatiñan wawajj awquiparu, taycaparojj cusisiyiwa; jan yatiñan wawasti awquiparu, taycaparojj jisc'achiwa.
Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.
Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.
Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa.
Jan amuyasisa utapa apanucurejja, jan cunaniw kheparani; jan amuyt'an jakejja, yatiñan jaken sirviripäniwa.
Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.
Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.
Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti. Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti. Janiw cunatejj jan walïqui ucatjj cusisiñ yatquiti, jan ucasti cunatejj chekapäqui ucat cusisiñ yati. Take cun t'akhesi, take cun iyawsi, take cun llamp'u chuymampi suyt'araqui.
“Munat wawajjay, chuymamarojj imapunim, awquiman, taycaman ewjja arunacapa, uqhamarac yatichäwinacapsa. Chuymamanjja catjjäsipunim aca ewjjanacjja, cuncaru warcuntasiraquim. Uca arunacasti saräwimanjja irpätamwa, iccäta ucqhasti imätamwa, iquit sartjjäta ucqhasti jumarojj parlaraquïtamwa.
Ist'am jumar jathasir awquimaru; taycamajj chuymanëjjani ucqhajja jan jisc'achamti. Alasim cheka cancaña, uqhamarac yatiñ cancañsa, ucatsti yatichäwimpi, amuyt'añampjja jan aljamti. Awquejj waliw cusisi wawapan yatiñ cancañanïtapata cheka lurirïtapata, ucatwa jach'ar aptasi. ¡Jumasti awquimarusa, taycamarusa cusisiyam, jach'ar aptayaraquim!
“Juman chuymamaruy catokam cawquïri camachi arunactï jichhüruna churcsma ucanacjja. Ucatsti wawanacamaruw yaticharaquïta; utamanccasina, thaquinjam sarcasina, uqhamaraquiw parlaraquïta iquintañataqui, sartañataquisa.
Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.
Asqui lurir warmejj chachaparojj jach'aruw apti, ucampis jan wali warmejja chachaparojj jisc'achayiwa.
Salomonan säwi arunacapa: Amuyt'asiri wawajj, awquiparu taycaparojj cusisiyiwa, jan amuyt'asiri wawasti jupanacarojj llaquisiyiwa.
“Suma warmejj janiw jicjjatañjamäquiti; ¡jupajj suma c'ajquir kalanacat sipansa juc'amp valoranïtap laycu! Chachapajj juparojj takpach chuymaw catuyasi; jupasti janipuniw cunapachas pist'añanacan sarnakquiti. Jupasti chachaparojj yanapiwa suma asquinac lurasa, take jacäwipa urunacana.
¡Tatitur ajjsart'ir jake, cusisiñanïtawa, Tatitur jaysir jake, cusisiñanïtawa. Ch'ama tucutamatjam mank'asïta, cusisitaw utjasïta, take cunas waliquiw sararapïtam. Uta mankhemansti, warmimajj achuntir uva alir uñtatäniwa; wawanacamasti mank'añawjamar muyuntatajja, ch'ich'tanir olivo alinacar uñtatäniwa. Tatitojj uqhäm jupar wakaychirirojj asquinac churani.
Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.
Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.
Vaca aycha uñisiñampi mank'añat sipansa, juc'amp asquiwa munasiñampi ch'ojjñanaca mank'añajja.
awquimaru taycamaru jach'añcham, uqhamarac jake masimarusti juma quipcarjam munaraquim’ —sasa.
Pisi amuyt'amp lurañasti, waynanacan amuyupawa; ucasti apakasiwa jawk'ampi chekachatän ucqha.
Chachanacasti warminacamarojj munapjjaraquim, janiraqui jupanacataquejj khorüpjjamti.
Warminaca, chachanacamarojj ist'apjjam Tatiturjama. Chachajj warmin p'ekepawa, cunjämatejj Cristojj iglesian p'ekepäqui uqhama. Cristojj iglesian khespiyiriparaquiwa; iglesiasti jupan cuerpoparaquiwa.
Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.
Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa: arust'äwiparjam sarnakerinacataqui, arsutanacaparjam phokherinacataqui.
Yatiñan warmejj utapjja sumwa uñjasi, ucampis jan amuyt'an warmejja pachpa amparapampiwa utaparojj tucji.
Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.
Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.
Ucatpï chachajj awquipsa, taycapsa jaytjjanejja, warmipampi mayachasjjañataqui, panpachanisti mä sapa jakequïpcaspasa uqhamäpjjaniwa.
“Tatitur take chuymamampi catuyasim; juman ch'iqhi cancañamaruquejj jan alcatasimti. Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.
Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.
‘Awquimaru, taycamaru jach'añcham, cunjämtï Tatitu Diosamajj ewjjawayctam uqhama, uqhamata walja maranaca jacañamataqui aca Diosan churat orakena.
Utapjja sum apnakañapa, wawanacaparus ist'asirïña ajjsart'aña yatichañapawa. Ucampis maynitejj utapjja jan sum apnakañ yatcchi ucajja, ¿cunjämrac Diosan iglesiap sum apnakaspasti?
Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña, llamp'u chuymanïña, janchin munañapar atipjaña. Acanac contrasti janiw cuna leyis utjquiti.
Juc'amp asquiw mä c'uchuna jacañajja, suma jach'a utana ch'ajjwiri warmimp jacañat sipansa.
Cunjämatejj hierrojja yakha hierrompi lek'jasa ariptayatajja, uqhamaraquiw jakejj jake masipampi suma amuyt'ayataraqui.
Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.
Yatiñ cancañampiwa utajj lurata, cimientonacapasa ch'iqhi cancañampiwa uchantataraqui. Jayra jaken yapu jac'apwa pasawayta, pisi amuyt'an jaken uva yapup jac'a. Ucatsti yapupwa uñjta ch'aphinacampi chhaktayata, kala uyupasa liju tucjataraqui. Uqham uñjasinsti chuymajjanjja amthapistwa; uc uñjasinsti aca yatichäwi yatekta: jumajj juc'ampis ict'ascactawa, amparanacamsa khomjjarusiscactawa sum iquiñataqui, uccañcamasti pobrernucstañawa acatjamata catuntätam, mä muyuycu jakjama wali ch'amampi. Ucatjja uta mankherojja yatiñampiw phokhantataraqui, jila alani muncaña yänacampi.
Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.
Wawanacapasa, chachapasa juparojj jach'añchapjjewa, aqham sasa: “Walja suma warminacaw utjapjje, ucampis jumajj take uca warminacat sipansa juc'amp sumätawa” sasa.
Ucatsipansa wali munasiñanïpjjam, munasiñasti mayaruw tucuyi, take cunsa phokharaquiwa.
Janipun qhitirus manüpjjamti, jan ucasti jumanac pura munasiñanac manüpjjam. Jake masipar munirejja cuntejj leyejj sisqui ucwa phokhe.
“Jilamatejj cuna jan wals lurätam ucajja, jupampi sapa pur parlt'am, saraquim cuna jan waltejj lurctam uca. Uca ewjjt'amarutejj ist'ätam ucajja, jilamampejj sumancthapjjtawa. Janitejj ist'cätam ucasti, mä pani jan ucajj maynimpsa jawsasin saram cuntejj parlcäta ucajj jupanacan ist'atäñapataqui, testigöpjjañapataquiraqui. Janipuni jupanacarus ist'cjjani ucasti iglespachar jawsthapim, ucat janiraqui jupanacarus ist'cjjani ucasti, Diosar jan iyawsquis uqhamaru uñj-jjapjjam, jan ucajj impuesto cobrir uñisita jakerjamasa.
Qhititejj wawapar jan chekachqui ucajja, janiw wawapar munquiti, ucampis qhititejj wawapar munqui ucajja, chekachiwa.
Suma arunacajj wali suma misc'jamawa, jaken chuymapataquisa mojjsawa, cuerporus ch'amañcharaquiwa.
Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa. Jumanacatejj maynit maynicama munasipjjätajja, takeniw amuyapjjani nayan discipulonacajjäpjjatama —sasa.
“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui. “Munat wawajjay, arunacajja ist'asinjja catoketa, ucatsti walja maranacaw jacäta. Nayajj yatiña thaquinjamwa irpäma, suma thaquinjamwa sarnakayaraquïma. Ucansti janiw cuna lanctañamas utjcaniti; ucanjama jalcasasa janiw lanctcätati. Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa. Jucha lurir jakenacan thaquipanjam jan saramti, janiraqui jan wali sarnakäwipsa arcamti. Thaquipan sarnakañjja jan munamti; jupanacatjja jithektam, ucatsti nayrakataru sarantam. Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa. ¡Jupanacan mank'apasa, umañapasa ñankha lurañampi tucjasiñampiquiwa! “Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti. Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa! Nayajj suma yatichäwinacwa churapjjsma; uqhamasti jan jisc'achapjjamti yatichäwinacajj-jja.
Uqhamapï iyawsañasa, suyt'añasa, munasiñasa jan tucuscanitejja, ucampis aca quimsatjja munasiñapuniw jilt'atajja.
Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.
Tatituru jach'añchiri jakensti take chuyma jupar suyt'añaw utji, uqhamarac wawanacapas Tatitun imatäniwa.
Walja korinïñata sipana, uqhamarac walja kollquinïñata sipansa, juc'amp asquiwa suma jaketa uñt'atäñajja.
Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.
Uqhamwa chachajj warmiparojj munasiñapa, pachpa janchiparjama. Qhititejj warmiparojj munasqui ucajj jupa pachpaw munasi. Janiw qhitis pachpa janchiparojj uñisquiti, jan ucasti mank'ayiwa uqhamarac imaraqui. Cristojj uca pachparaquiw iglesiampejj luri,
Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa, Ucatpï: “Qhititejj jacañapar muni, ucatsti suma urunacan sarnakasiñ munaraqui ucajja, jan walinac parlañatjja amuyasiñapawa lacapajj c'arinac janiw parlañapäquiti; Jan wali lurañatjja jithektasjjañapawa, asquinac lurañapawa. Suman sarnakasiñ thakañapawa, uc arcañaparaquiwa. Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.” ¿Qhitirac jumanacarusti jan walinac lurapjjeristamsti, jumanacatejj asqui lurañanacan sarnakasipcsta ucqhasti? Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa. Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi. Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui. Juc'amp sumaw asqui lurasin t'akhesiñajja, Diosatejj munchi ucajja, ñankha luräwinac toke t'akhesiñat sipansa. Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa. Ajayunaracwa saränjja, catuntatäpquis uca ajayunacar Diosan arunacap parliri. jan ucasti jumanacan suma sarnakatam uñjasaqui.
Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa. Ucampis jumanacajj janiw uca casta lurañanacjja Cristot yatekapctati, jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja. Nayra jacäwinacamarjam sarnakañjja apanucupjjam, uca sarnakäwisti cunayman jucha lurañanacampi sallkjatänwa. Jumanacajj machakar trocatäjjapjjañamawa ajayunacamansa uqhamarac amuyt'añanacamansa, ucatsti Diosan munañaparjama luratäqui uca machak jacäwimpi isthapisipjjam, suma k'oma cheka cancañan jacapjjaraquim. Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa. Colerasisinjja jan juch lurapjjamti, uca colerasiñanacamajj jan jornalpachäpati. Janirac Supayarus jac'achayasipjjamti. Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini. Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui. Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.
“Jumanacatejj jan wali luratanacapat masinacamarojj perdonapjjäta ucqhajja, alajjpachanquir Awquimajj jumanacarojj perdonapjjaraquïtamwa. Masinacamar jan perdonapcäta ucasti, jumanacan Awquimasti janiraquiw cuna juchanacamatsa perdonapcaraquïtamti.
Awquita taycatjja uta kamir cancaña catokañawa utji, ucampis ch'iqhi warmjja Tatituquiw churi.
Cusisit chuyman jakesti ajanupanjja cusisitaraquiwa; llaquit chuyman jakesti llaquita ajanuniwa.
Munat wawajjay, jan jisc'achamti Tatitun jumar chekachataparojja, janirac tokenokatapatsa colerasimti; Tatitusti qhitirutï munasqui ucarojj chekachiwa, cunjämatejj mä awquejj munat wawaparojj chekachqui uqhama.
Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.
Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa. Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui.
Ucampis mayni ijma warminacajj wawanïscchi jan ucajj allchhinïscchi ucajja, jupanacpachpa yatekapjjpan pachpa familiapar yanapaña, cunja munasiñampitejj awquinacapajj munasïna uca pachpa munasiñampi. Acajj asquiwa, Diosarojj cusisiyaraquiwa.
Thakañasaw maynit maynicama cunjäman yanapt'asiñasataqui munasiñanïñasataqui, uqhamarac suma luräwinac uñacht'ayasa. Janiraquiw tantachasïwinacasar janejj sarañasäquiti cunjämtejj yakhepanacajj jan sarapquiti uqhama, jan ucasti maynit mayniruw waytt'asiñasa, Tatitun jutäwipa jac'ancjjatapa yatisinsti juc'ampïñapawa.
Awquejj waliw cusisi wawapan yatiñ cancañanïtapata cheka lurirïtapata, ucatwa jach'ar aptasi.
Ucampis llamp'u cancañampi chuymachasiñampi churir Diosajja jumanacan jacäwimana yanappan sumaqui mayninacajj mayninacampi jacapjjañamataqui, Tatit Jesusanquirinacjama, uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.
Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.” Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.
Ucatpï quillt'astjja [Tatit Jesucriston] nayrakataparojja. Jupataracwa take familiajj sutipjja catokapjje, alajjpachanquirinacasa aca orakenquirinacasa.
Chekpachansa janipuniraquiw cuna mutuyäwi catokasas —Walic mutuyitojj —sisctanti, jan ucasti usustuwa, qhitinacatejj uca mutuyäwi toke yatekapjje ucanacajj mä suma asquin samarañanracwa jacapjje.
Mäqui colerasir jakejj nuwasiñanacwa utjayi; qhititejj llamp'u chuymanïqui ucasti, pachparuwa ch'ujtayi.
Cunjämtejj jumanacajj mayninacampejj lurayasiñ munapctajja, uqhamarac jumanacajj jupanacarojj lurapjjam.
Uqhamajj ch'amañchasipjjam maynit maynicama, cunjämtejj jichhas lurapctas uqhama.
Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.
Wawanacajja, jiwasan munasiñasajj janiw lacaquïñapäquiti; jan ucasti chekpach munasiñasajj luräwinacasana uñjasiñapawa.
Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam. Cawquicamatejj jumanacan ch'amanacamajj utjqui, ucacamajj takenimpis sumancapjjam. Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”
Qhititejj Diosan leyip phokqui ucajja, ch'iqhi wawawa, ucampis sinti mank'er jakenacampi chicachasiri wawasti, awquiparojj p'enkachayiwa.
Munat wawajjay, yatiñanïmaya, nayarojj cusisiyitätawa; uqhamatwa arsusëjja nayar toker jakenacarusa.
Nayrajj jumanacajj ch'amacanwa jacapjjäyäta, ucampis jichhajja Tatitumpi mayachasipjjatamatjja, khananwa jacjjapjjta. Uqhamajj khananquirinacjama jacapjjam. Uca khanasti qhuyapayasiña, cheka cancaña uqhamarac suma jacañwa utjayaraqui.
Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.
Tatitutejj jan utachcaspajja, inamayaquiw utachirinacajj ch'am tucusipcaspa; Tatitutejj marcar jan imcaspajja, inamayaquiw marc uñjirinacajj uñch'uquisipcaspa.
Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.
Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.
Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.
C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.
¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa. Ñankha lurir jakesti jupar uñjasajj k'apisiwa, jan camächirjamäjjasajj laca ch'aqhanacap t'urusi. Ñankha jakenacan inampst'añ chuymapajj aynacht'aniwa. Asqui jaken allchhinacapajj acapachan kollanäpjjaniwa, sarakerinacapasti oraken munañanïpjjaniwa.
“Cunjämtï jumanacajj jakenacampi uñjatäñ munapctas uqhamarac jumanacajj jupanacar uñjapjjam, Leyimpin, profetanacan kellkatanacapampin uqham yatichi.
Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.
Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati. Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.
Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama. niyaquitejj jiwirjamäjjchïnjja Cristor sirviñ laycu. Jacañapsa niyapuniw nayar yanapt'asin apt'asi, niyaquejjay jumanacajj jani yanapt'iri jutirjamäpcstatejja uca laycu. Janiraqui qhitis thakpati jupataquiqui asquïquis ucjja, jan ucasti cunatejj mayninacataqui asquïqui uca thakaracpan.
Jesusasti juparojj sänwa: —‘Tatit Diosamaruw munäta take chuymamampi, take almamampi, take amuyumampiraqui.’ Acawa taket sipansa jach'a camachejja. Payïri camachisti ucar uñtataraquiwa: ‘Jake masimarusti juma quipcarjam munaraquim.’
Tatitojj wawanacamar waljaniptaypan, jumanacarusa, wawanacamarusa. Alajjpach acapach lurir Tatitojj asquinacapay jumanacar churpan.
Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.
Yatiñan wawajj awquiparojj cusisiyiwa; qhititejj jan wali sarnaker warminacampi sarnakqui ucasti, kollkepwa tucjasi.
Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.
Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.
Jakenacajj wawanacapan wawanacapcamaw luratanacam aytani, muspharcañ luratanacam yatiyapjjani.
Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.
Ucampis jumajj cuntejj yatekcta, ucat iyawscaracta ucarojj jan pächasis arcam. Jumajj asquiw yatta qhititejj yatichcäyätam ucjja. Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.
Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.
Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.
C'ari jakëñata, jan yatiñan jakëñata sipansa, juc'ampi asquiwa pobrëscañajja, cheka cancañana sarnakascañajja.
Amuyasipjjam jan qhitis jan walitjja jan wal cutt'aypanti. Ucat sipan asqui lurañaru uscusipjjam, jumanac taypinsa uqhamaraqui takenimpisa.
Uqhamasti, jumanacajj purapat catokasipjjam cunjämtejj Cristojj jiwasanacar catokquistu Diosan gloriapataqui uqhama.
Jumanacajj Diosan munat wawanacapäpjjtawa, jupajj cunjämäquitejj uqhamäpjjaraquimaya. Cuntejj Diosataquejj asquïqui uc yatekañ munapjjapunim. Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam. Jupanacan jamasan luräwinacapat arsuñas p'enkasiñjamawa; ucampis cunapachatejj take uca jan walinacajja khanaru uñstayatächejja, take cunas khanaw yatisi, khanampisti take cunwa uñjasi. Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa. Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja. Jan tiempjja ina ch'usaru tucuyapjjamti, urunacajj jan walëjjatap laycu. Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam. Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam. Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina. Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.
Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.
Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.
Parlatanacamasti sumäñapapuniwa jan qhitirus coler churirjama, sapa mayniru cunjäm arusjjatañsa yatipjjañamaraquiwa.
Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja.
Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.
Uqhamasti janiw paninïcjjapjjeti jan ucasti mayaquëjjapjjewa. Uqhamajj jakejj janiw jaljtaycaspati cuntejj Diosajj mayachquis ucjja.
Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.
Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui. Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama. Sumancañ arunac parlañatac waquichasipjjam, cunjämtejj mä soldadojj waquichasi zapato uscusisinjja uqhama. Ucatsipansa, iyawsañanacamajj mä escudjamäpan, Supayan akquir flechanacapat jarc'akasiñataqui. Khespiyasiñampisti mä cascompjam p'eker uscusipjjam, Diosan arupsti catjjarupjjaraquim mä espadar uñtata cuntejj Kollan Ajayojj churapctam uca.
“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.
¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati, ¿Janich jumanacajj yatipcta jiwasa Diosanquirinacajj acapacharu taripañasäqui ucjja? Jiwasatejj acapachanquirinacaru taripañäni ucasti ¿janit jumanaccamasti uca jisc'a quejanacsti uñjapcasma? jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.
Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.
Acapachancquis ucanacat llaquisiñajja jiwañar apiriwa, ucampis Ajayun jacañat llaquisiñajja wiñay jacañaru, uqhamarac sumancañaruw api.
Reyejj khana chuyman jakeruwa muni, suma arumpi parlir jakempiw suman sarnakasiraqui.
Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.
Uqhama misq'jamäniwa jumataquejja yatiñ cancañasa, uñt'añasa; jumatejj ucanac jicjjatäta ucajja, suma tucuyäwi jicjjatäta, ucatsti suyt'äwimajja janipuniw tucjatäcaniti.
Wali llamp'u chuymanïñajj wali ch'iqhi cancañ uñacht'ayi; jan paciencianïñasti t'ajjmarätapwa uñacht'ayaraqui.
Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.
Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.
Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.
Jucha luratarojja munasiñampi, cheka cancañampiwa pampachi; Tatitur ajjsaratap laycuwa maynejja jan walita jithekti.