Mateo 5:9 - Qullan Arunaca

⁹ “Cusisiñanïpjjew sumancayirinacajj, jupanacaraquiw Diosan wawanacapa satäpjjani.

Aymar Bibliia 1986

⁹ “Cusisiñanïpjjew sumancayirinacajj, jupanacaraquiw Diosan wawanacapa satäpjjani.

Qullan Arunaka DC

⁹ “Kusisiñanïpxiw sumankañ utjañapatak ch'amachirinakaxa, jupanakax Diosan wawanakap satäpxaniwa.

Mateo 5:9 Jak'a apnaqawi uñst'ayäwi

1 Crónicas 12:17

Ucatsti Davidajj jupanacar jicjjatiri mistunisinjja sänwa: —Jumanacatejj sumampiqui, uqhamarac yanapiri jutapjjsta ucajja, take chuymajjampiw catokapjjsma nayampïpjjañamataqui; ucampis jumanacatejj nayar aljantiri, uqhamarac uñisirinacajjaru catuyiri jutapjjsta ucajja, nayajj janis qhitirus jiwaycsta ucasa, ¡nayra awquinacasan Diosapa uñjpan, uqhamarac jumanacarojj mutuyaracpan! —sasa.

Salmos 120:6

Sumancañar uñisirinac taypin jacta, sinti jayapuniw utjasta.

Salmos 34:12

¿walja maranac jacañ munasmati?, ¿take cunan phokt'at jacañ munasmati?

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Mateo 5:48

Asquïpjjamaya, cunjämatejj alajjpachanquir Awquimajj asquïqui uqhama.

Lucas 20:36

Janiw juc'amp jiwcjjapjjaniti uca laycu. Angelanacjamäjjapjjewa, uqhamarac Diosan wawanacapäjjapjjewa jacatatapjjatap laycu.

Lucas 6:35

Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Hechos 7:26

Khepürusti Moisesajj pani israelit jakenacaruw nuwasir uñji. Ucatsti jupanacarojj sumancthapiyañ munäna ‘¡Jumanacajj jila puräpjjstajjaya! ¿Cunatrac jumanacpura nuwasipjjtasti?’ sasa.

Romanos 12:18

Cawquicamatejj jumanacan ch'amanacamajj utjqui, ucacamajj takenimpis sumancapjjam.

Romanos 8:14

Take qhitinacatejj Diosan Ajayupampi irpatäqui ucanacajja Diosan wawanacapawa.

Romanos 8:16

Uca quipca Ajayuraquiw jiwasan ajayusamp chica Diosan wawanacapätas khanañchi.

Romanos 8:19

Wali suyt'añampiwa take acapachajj suyt'asqui cunürutejj Diosajj khespiyat jakenaca uñstaycani uca.

1 Corintios 6:6

¿Waquisipuniti mä jilatansti iyawsiri masip contra quejasiñasti qhitinacatejj jan Tatitur uñt'apqui uca juesanacarusti?

2 Corintios 13:11

Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Efesios 4:1

Ucatwa nayajj Tatit laycu presötjja, achict'apjjsmawa jumanacajj Diosan jawsatanacjama sarnakapjjam.

Filipenses 4:2

Evodiarusa Sintiquerusa achict'aractwa jupanacajj sumancapjjañapataqui Tatitunquir suma cullacanacjama.

Colosenses 3:13

Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.