Mateo 5:9 - Qullan Arunaka DC

⁹ “Kusisiñanïpxiw sumankañ utjañapatak ch'amachirinakaxa, jupanakax Diosan wawanakap satäpxaniwa.

Aymar Bibliia 1986

⁹ “Cusisiñanïpjjew sumancayirinacajj, jupanacaraquiw Diosan wawanacapa satäpjjani.

Qullan Arunaca

⁹ “Cusisiñanïpjjew sumancayirinacajj, jupanacaraquiw Diosan wawanacapa satäpjjani.

Mateo 5:9 Jak'a apnaqawi uñst'ayäwi

1 Crónicas 12:17

17 (18) Davidasti jupanakar katuqir mistunisax sänwa: “Jumanakatix sumampik nayar yanapir jutapxsta ukaxa, nayax taqi chuymaxampiw nayampïpxañamatak katuqapxsma; ukampis jumanakatix nayar sallqjiri, uñisirinakaxar katuyir jutapxstaxa, nayan jan kuna ñanqha luratax utjkipansa, ¡nayra awkinakasan Diosapay uñjasin jumanakar mutuypan!” sasa.

Salmos 120:6

Sumankañar uñisirinak taypin sinti jayapuniw jakta;

Salmos 34:12

12 (13) ¿Walja maranak jakañ munasmati? ¿Taqi kunan phuqt'at jakañ munasmati?

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Lucas 20:36

janiw juk'amp jiwkxapxaniti uka layku. Jupanakasti angelanakjamäpxaniwa, jiwatanak taypit jaktatap laykux Diosan wawanakapäxarakiniwa.

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Hechos 7:26

Qhipürusti, Moisesax pani israelit jaqinakaruw nuwasiskir uñjäna, jupanakar sumankthapiyañ munasaw jupanakar säna: “Jumanakax jila puräpxtawa, ¿kunatarak jumanakpur nuwasipxtasti?” sasa.

Romanos 12:18

Kawkhakamatix wakiski ukkhakamax taqinimpis suman jakasiñatak ch'amachasipxam.

Romanos 8:14

Taqi khitinakatix Diosan Ajayupamp irpatäki ukanakax Diosan wawanakapawa.

Romanos 8:16

Uka pachpa Ajayuw jiwasan ajayusampi mayachasisax Diosan wawanakapätas qhanañchi.

Romanos 8:19

Akapachan taqpach jakirinakaw suyt'aski, kunürutix Diosan wawanakapätasax qhanañchatäkani uka.

1 Corintios 6:6

¡Janiw jilatanak purak ch'axwapkiti, jan ukasti Cristor jan uñt'ir taripirinakaruw ch'axwanakap yatiyanipxi!

2 Corintios 13:11

Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

2 Corintios 5:20

Ukhamasti nanakax Criston khithanit arsuripäpxtwa, ukasti Dios kipkas jumanakar nanak tuqi achikt'apkiristam ukhamawa. Ukhamasti, Criston sutipxaruw achikt'apxsma, Diosampi sumankxapxañamataki.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Filipenses 4:2

Evodia, Síntique, jupanakarux achikt'araktwa, Tatitunkir kullakanakjamax taqi kunansa mä amtäwiruk puripxpan.

Colosenses 3:13

Purapat llamp'u chuymampi uñjasipxam, jan wal lurasipxsta ukkhasti, maynit maynikam pampachasipxam. Kunjämtix Cristox jumanakar pampachapxtamxa, ukhamarak jumanakax pampachapxam.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.