Proverbios 11:29 - Qullan Arunaca

²⁹ Jan amuyasisa utapa apanucurejja, jan cunaniw kheparani; jan amuyt'an jakejja, yatiñan jaken sirviripäniwa.

Aymar Bibliia 1986

²⁹ Jan amuyasisa utapa apanucurejja, jan cunaniw kheparani; jan amuyt'an jakejja, yatiñan jaken sirviripäniwa.

Qullan Arunaka DC

²⁹ Jan amuyt'asis utapankirinar apanukur jaqix, jan kunaniw qhiparani; jan amuyt'asir jaqix, amuyt'asir jaqin uywataparuw tukuni.

Proverbios 11:29 Jak'a apnaqawi uñst'ayäwi

Génesis 34:30

Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

Proverbios 14:19

Ñankha jakenacajj suma jakenacataquiwa alt'asipjjani, uqhamarac asqui jakenacan puncunacapanwa achict'asipjjani.

Proverbios 15:27

Walja yänacaru munapayirejj pachpa utapwa tucji, ucampis qhititejj jan kollke chilltayasqui ucaw jacani.

Eclesiastés 5:16

Ucasti wali llaquiscayawa, cunjämatejj aca orakeru jutcäna, uqhamaquiraquiw sarjjani. Ucatjja, ¿cuna ascsa apsuwayi uca take inamaya irnakatapatjja?

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

1 Samuel 25:17

Ucampis juman chachamajj wali khorupuniwa, jan parljjayañjama, jichhajj jumay amuyt'am cunsa lursna uca toketa, jan ucasti chekpachansa mä jan walt'añawa jutani, jupataqui uqhamaraqui take familianacapataqui” sasa.

1 Samuel 25:3

Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.

1 Samuel 25:38

Tunca uru pasatatsti, Tatitojj Nabal jakerojj wasitatwa castigäna, ucampiw Nabalajj jiwjjäna.