2 Timoteo 1:5 - Qullan Arunaca

⁵ Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.

Aymar Bibliia 1986

⁵ Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.

Qullan Arunaka DC

⁵ Chiqpach iyawsäwinïtamat amtasipuntwa. Nayraqatax Loida awichamampi, Eunice taykamampiw uka iyawsäwinïnxa, jumas uka pachpa iyawsäwinirakïtawa.

2 Timoteo 1:5 Jak'a apnaqawi uñst'ayäwi

Salmos 116:16

Tatay, nayajj uywatamätwa, jumar loktirïtwa, uywataman wawapätwa: jumaw ñach'antatanacajj t'akanuctajja.

Salmos 17:1

Tatay, chekapat mayisitajjarojj ist'aquimaya, arnakasitajjarojj jaysaquimaya, mayisitajjarus iyawsaquimaya, janiw c'ari arunacamp mayiscsmati.

Salmos 18:44

Arojj ist'asajj mäquiw jaysapjjetu; yakha marcanquir jakenacajj k'ayachapjjetuwa,

Salmos 22:10

janïr yurquirpachat uñjasista, taycajjan puracapatpach nayan Diosajjätajja.

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Salmos 77:6

arumanacajj k'ochurïcäyät ucjjat lup'ista, chuyma mankhejjan naya pachpaw jisct'asta:

Salmos 81:15

Tatitur uñisirinacajj ajjsarañat liwirtapjjaspa, juchañchäwipasti jan mayampitaquïspawa.

Salmos 86:16

Uñtaniquitaya, nayat qhuyapt'ayasita, aca uywatamar khespiyam, ch'amam churaraquim.

Jeremías 3:10

Take ucanac pasatatsti, yakhampi sarnaker Judästi janiraquiw nayan ucarojj cuttanquiti take chuymapampejja, jan ucasti nayarojj sallkjituwa. Naya Tatituw ucjja arsta.”

Juan 1:47

Jesusasti Natanaelaru jac'achasinquir uñjasajj sänwa: —Acajjay, chekpach israelitaw juti, jupansti janiraquiw cuna sallkjañas utjquiti —sasa.

Hechos 16:1

Pablompi Silasampisti Derbe uqhamaraqui Listra marcanacaruw puripjjäna. Ucansti Timoteo sutini mä iyawsiriruw jicjjatapjjäna. Ucasti mä iyawsiri judío warmin yokapänwa, awquipasti griego jakeraquïnwa.

Hechos 26:26

Acancascaraquiw rey Agripasa. Jupasti acanacjja asquiraquiw yatiscaraqui. Ucatwa jupan nayrakatapan jan ajjsaras acanacjja parlta. Yatiractwa jupan take acanacjja sum yatiscatapa, acanacasti janiw cawqui jamas c'uchunsa lurasquiti.

Romanos 14:14

Nayajj yattwa, janiwa cunas k'añüquiti jupa pachpanjja, ucatjja janiw pächascti Cristor arcatajj laycu. Ucampis maynitejj amuychi jan walïtapjja, jupataquiw jan walejja.

Romanos 14:5

Yakha amuyt'äwi: Mayninacataquejj mä urojj juc'ampïcaspas uqhamaw yakha urutjja. Mayninacataquisti take urus quicpaquïcaspas uqhamaraquiwa. Ucampis sapa mayniw amuyquis ucjja sum yatiñapa.

Romanos 15:14

Jilatanaca, nayajj yattwa jumanacajj qhuyapayasiñamp, yatiñ cancañampi wali phokhantatäpjjatama, yatipjjaractawa maynit maynicamar ewjjt'añsa.

Romanos 4:21

take chuyma catuyasisina, Diosajj ch'amanïtapa cuntejj sisquejj ucanaca phokhañataqui.

Romanos 8:38

Uqhamajj jichhajj yattwa, janiwa cunas Diosan munasiñapatjja apakquistaspati, janiw jiwañasa, ni jacañasa, ni angelanacasa, ni alajjpach ch'amanacasa, ni jichhasa, ni jutcani ucasa,

2 Corintios 6:6

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

1 Timoteo 1:5

Aca camachin amtäwipajj acawa: Munasipjjam k'oma chuymat jutqui uca munasiñampi suma chuymampi, uqhamarac chekpach iyawsäwimpi.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

2 Timoteo 3:15

Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 6:9

Uqham parlctan ucasa, munat jilatanaca, jumanacatjja sum yatipjjta khespiyasiñ thaquincapjjatanacamatjja.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.