2 Timoteo 1:6 - Qullan Arunaca

⁶ Ucatwa ewjjt'sma, jacatatayjjam cuna churäwtejj Diosajj churctam cunapachatejj nayajj amparajj jumjjaru lokjjatcäyätjja ucqha.

Aymar Bibliia 1986

⁶ Ucatwa ewjjt'sma, jacatatayjjam cuna churäwtejj Diosajj churctam cunapachatejj nayajj amparajj jumjjaru lokjjatcäyätjja ucqha.

Qullan Arunaka DC

⁶ Ukat nayax jumar maysma, Diosan aski churäwip juk'amp jach'aptayañamataki, uksti amparaxamp luqxatkäyäsma ukkhaw katuqtaxa.

2 Timoteo 1:6 Jak'a apnaqawi uñst'ayäwi

Éxodo 35:26

Uqhamarac cawquïr warminacatejj cunsa lurañ yatipcäna, uqhamarac chuymanacapan cunsa lurañ munapcäna ucanacajja cabritona t'awranacapataracwa kapupjjaraquïna.

Éxodo 36:2

Moisesasti jawsänwa Bezaleel, Aholiab, uqhamarac take suma amuyumpi cunanacsa lurir chachanacaru; Tatitusti jupanacaruw churäna yatiña, jupanacajj chuymapatjamwa jutapjjäna uca lurañanacaru yanapirejja.

Isaías 43:26

Inas cuna naya toke arsusiñamajj utjchi, ucanacsti purapat uñjañäni. Cuns arsusiñ munta, arsusiscaquim, inampis k'oma mistuscasma.

Lucas 19:13

Janïr sarcasinsti, tunca sirvirinacaparuw jawsäna, ucat sapakat mayniruw walja kollke churäna, ucat saraquïna: ‘Aca kollkempejj alaquipa lurapjjam cuttaniñajjcama’ sasa.

Hechos 19:6

Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.

Hechos 6:6

Ucanacarusti apostolonacan nayrakataparuw irpcatapjjäna. Ucat apostolonacajj amparanacap jupanacjjar lokjjatasinwa oración lurapjjäna.

1 Tesalonicenses 5:19

Ajayun ch'amapjja jan jiwt'ayapjjamti.

1 Timoteo 4:14

Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

2 Timoteo 2:14

Ac amtayam uqhamarac ewjjt'am Tatitun nayrakatapana: Jan arunacjjatjja ch'ajjwapjjpati. Aca ch'ajjwañanacajj janiw cunataquis asquïquiti, jan ucasti yakhanacaru mayjt'ayiriquiwa ucanacac ist'irinacataquejja.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Hebreos 6:2

bautismo toket yatichäwimpita, iyawsirinacjjaru amparanac uchañjjata, jiwatanacan jacatatañapata, uqhamarac wiñay t'akhesiñampitjja.

2 Pedro 1:12

Ucatpï nayajj jumanacarojj take acanacjja amtayasinipcaquïmajja, yatipctas, uqhamarac iyawsapctas uca cheka arunacanjja suma sayt'asipcsta ucasa.

2 Pedro 3:1

Munat jilatanaca, acajj payïri cartwa kellkanipjjsma, paypach carta apayanipcsma ucanacanjja ewjjanac toke walwa amuyt'ayañ munapjjsma.

Judas 1:5

Jumanacajj yatipcsta ucasa amtayañ munapjjsma, Tatitojj Egiptotsa Israel marcaparojj apsuncchïnsa, ucatsti t'unjaraquiwa qhitinacatejj jupanac taypitjja jan iyawsapcän ucanacarojja.