Proverbios 10:9 - Qullan Arunaca

⁹ Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Aymar Bibliia 1986

⁹ Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Qullan Arunaka DC

⁹ Jan kuna manunïki uka jaqixa, janiw kunarus axsarkiti; jan wal sarnaqir jaqisti, jan waliw tukusiraki.

Proverbios 10:9 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Job 8:20

“Diosajj jan juchan jakerojj janiw apanucquiti, janiraquiw ñankha jakenacarus yanapt'caraquiti.

Salmos 23:4

Ajjsarcay lajja ch'amac chekawja sarcasasa, janiw cunarus ajjsarcäti, nayamp chic saratam laycu: lawamasa, thujrumasa, ch'am churitani.

Salmos 25:21

Asqui cancañajjampi, cheka cancañajjampejj arjjatapjjetpan, jumar take chuymamp iyawsatajj laycu.

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Proverbios 17:20

Jan ist'asiri jucharar jakejj janipuniw ascjja jicjjatcaniti; c'ari arunac parliristi jan walt'añaruwa purini.

Proverbios 26:26

Jupasti uñisiñapa imt'añsa muncani ucasa, ñankha luräwipajja takeninsa uñjcañawa khanstani.

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Proverbios 28:18

Cheka lurir jakejj jan walt'añatjja khespiyatäniwa, ucampis ñankha jakejja jan walt'añaruwa purini.

Proverbios 3:23

Ucatsti jumajj jan ajjsarasaw sarnakäta, janipuniw cunapachas lanctcaraquïtati.

Mateo 10:26

“Uqhamasti jumanacajj jan ajjsarapjjamti jupanacarojja. Janiw cuna imantatas utjquiti jan uñjcañajja, janiraquiw cuna jamasanquiris jan yatiscaspati.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

1 Timoteo 5:25

Uca pachparaquiw asqui luräwinacajj khanac uñjasi; janis uñjascpan, ucampis janipuniw imantatäcaspati.