1 Timoteo 4:12 - Qullan Arunaca

¹² Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

Aymar Bibliia 1986

¹² Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

Qullan Arunaka DC

¹² Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

1 Timoteo 4:12 Jak'a apnaqawi uñst'ayäwi

Zacarías 2:4

Juparusti saraquiwa: “T'ijum, cinta tupuñataqui apt'atäquis uca waynaru yatiyiri: ‘Jerusalenajj machakatwa jakenacanëjjani, waljapunïniwa jakenacapas uywanacapasa, janiraquiw uyunacanïñapas waquisquiti.

Mateo 18:10

“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

1 Corintios 11:1

Jumanacajj nayjam sarnakapjjam cunjämatï nayajj Cristjam sarnakctjja uqhama.

Filipenses 4:8

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

1 Tesalonicenses 1:6

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

1 Timoteo 1:14

Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu.

2 Timoteo 2:15

Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

2 Timoteo 2:7

Acanac siscsma ucatjja lup'im, Tatitusti takwa amuyt'ayätam.

Tito 2:15

Acanacwa jumajj yatichañamajja, yanapt'asa, uqhamarac take jilïr cancañampi ewjjt'asa jan qhitimpis jisc'achayasisa.

Tito 2:7

Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,

Santiago 3:13

Jumanac taypintejj maynejj wali yatiñan utjchejja amuyt'asiriraqui, uñacht'aypan uca yatiñapjja suma sarnakatapampi, llamp'u chuymampiraqui cunjämtï uca yatiñapajj churqui uqhamarjama.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

1 Pedro 5:3

jan jumanacas uca ovejanacjjaru munañïpcasmasa uqhamjja, jan ucasti ovejanacarojj mä suma yatichäwi uñacht'ayasa.