Hebreos 13:4 - Qullan Arunaca

⁴ Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

Aymar Bibliia 1986

⁴ Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

Qullan Arunaka DC

⁴ Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

Hebreos 13:4 Jak'a apnaqawi uñst'ayäwi

Génesis 2:21

Ucatsti Tatitu Diosajj jakerojj mä jach'a iqui puriyäna, iquiñcamasti mä jaraphi apsüna ucatsti wasitatwa janchipjja jist'thapjjaraquïna.

Génesis 2:24

Ucatpï chachajj awquipsa, taycapsa jaytjjanejja, warmipampi mayachasjjañataqui, panpachanisti mä sapa jakequïpcaspasa uqhamäpjjaniwa.

2 Reyes 22:14

Ucatsti sarapjjänwa Hilcías, Ahicam, Acbor, Safán, Asaías ucanacajja, Salum chachan profetisa Hulda warmipan ucaru; Salum chachasti Ticva chachan yokapänwa, uqhamarac Harhas chachan allchhiparaquïnwa, qhititï templo isinac uñjañapataqui utt'ayatäcäna uca. Hulda profetisasti Jerusalén marcana machak marcäquis ucanwa jacäna, cunapachatï jupar parlapjjäna ucqhajja,

Job 31:12

Cunjämtejj ninajj take cuna tucjejja, uqhamaraquiw take cunajjsa tucjaspan.

Isaías 8:3

Ucat kheparusti mayni profetisa warmimpiw chicta, jupasti warmejjäjjänwa. Usur jakeptjjaraquïnwa, mä yokall wawa wawachasiraquïna. Tatitusti saraquituwa: “Jichhajj Maher-salal-hasbaz sasa suticham.

Levítico 15:18

“Mayni chachatejj mä warmimpi iquintani mayachasisa, uca khepatsti panpachaniw umampi jarekasjjapjjani, panpachaniraquiwa jayp'ucama k'añut uñt'ata kheparapjjani.

Levítico 18:20

“Jake masiman warmipampisti janipuni iquintamti, janiraqui jupampejja wachoka juchsa luramti, uqhamat jan k'añuchasiscañamataqui.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

1 Corintios 6:18

Jithektapjjam wachoka jucha lurañatjja. Cawquïr yakha jucha lurañasa janiw janchimpi luratäquiti, ucampis wachoka jucha lurañajj pachpa janchimpi jucha lurañawa.

1 Corintios 6:9

¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

1 Corintios 7:38

Parlatampampitï casarasejja, walic lurasquejja, jan casarasqui ucapachasti juc'amp ascwa luraraquejja.

1 Corintios 9:5

uqhamaraqui mä Tatitur iyawsiri warmi nayamp chica irpañataquis mayni apostolonacjama, cunjämtï Tatitun pachpa jilanacapasa, Pedros lurqui uqhama.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Gálatas 5:19

Qhitinacatejj jan wali luräwinacan khepap arcapjje ucanacan luräwinacapajj khanaw uñsti. Ucanacasti acanacawa: wachoka jucha lurañanaca, k'añu lurañanaca, vicionaca,

Gálatas 5:21

envidiasiñanaca, [jake jiwayañanaca,] machañanaca, jiljas mank'añanaca, acanacaru uñtat yakha lurañanacampi. Ewjjt'apjjsmawa, niya sapjjaracsmawa, qhitinacatejj acanac lurapqui ucanacajja janiw Diosan reinopanjja catokatäpcaniti.

Efesios 5:5

Uqhamajj yatjjapjjtawa, cawquïritejj yakhamp wachoka juchan sarnakchejja, jan wali luräwinac luririsa, jan ucajj mich'asa (ucajj c'ari diosanacarus yupaychcaspa uca pachpawa) janiw Cristompin Diosampin reinoparus mantcaspati.

Deuteronomio 22:22

“Mä jaketejj mä casada warmimpi iquintata catjatänejja, ucanacasti panpachaw juchañchasin jiwayatäpjjani, uqhamatwa jumanacajj tucjapjjäta Israel marcan jan walinacjja.

1 Tesalonicenses 4:6

Aca luräwinjja jan qhitis jilapar sallkjpati, Tatitojj walwa mutuyi aca luräwinacatjja, cunjämtejj ewjjt'apjjsma uqhama.

1 Timoteo 3:12

Mä diaconojj mä sapa warminiquïñapawa, uqhamarac wawanacaparusa, utapanquirirusa sum apnakañapawa.

1 Timoteo 3:2

Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

1 Timoteo 3:4

Utapjja sum apnakañapa, wawanacaparus ist'asirïña ajjsart'aña yatichañapawa.

1 Timoteo 4:3

Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

1 Timoteo 5:14

Ucatwa muntjja tawako ijma warmin casarasiñapa, wawanacanïñapa, utapsa sum apnakañapa, uqhamat uñisirinacaparojj amuct'ayañataqui.

Tito 1:6

Mä jilïri irpirejj jacañapawa jan qhitin cuns camscaya. Mä sapa warminiquïñapawa. Wawanacapajj iyawsirinacäñaparaquiwa, janiraquiw jan walitsa ni jan wali sarnakeritsa uñt'ayasipjjañapäquiti.

Hebreos 12:16

Janiraqui qhitis wachoka jucha lurasa sarnakcpati, janirac jisc'achapjjamti cunatejj k'omäqui ucarusa. Esaú chachajj ucwa luränjja, mä plato mank'a laycuquiw jilïr yokall wawäñjja aljasïna.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.