Proverbios 19:11 - Qullan Arunaca

¹¹ Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Aymar Bibliia 1986

¹¹ Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Qullan Arunaka DC

¹¹ Yatiñ kankañan jaqix janiw mäk mayjt'askiti, chuyma usuchjatas janis kunäkaspa ukhamak uñji, uka luratapasti jach'a kankañawa.

Proverbios 19:11 Jak'a apnaqawi uñst'ayäwi

2 Reyes 5:12

¿Janiti juc'ampi suma jawiranacäqui Damasco, Abana, uqhamarac Farfar ucanacajja, Israelan take jawiranacata sipansa? ¿Janiti nayajj sarquiristjja uca jawiranacana jarisiri, ucatjja k'omachatäjjañataquejja?” sasa. Jupasti ucqhatjja wali coleratawa sarawayjjäna.

Proverbios 11:13

Arunaca apnakerejj takwa parli, ucampis asqui jakejja imjjäsiwa, janiw qhitirus arsquiti.

Proverbios 12:16

Jan amuyt'an jakejj mäquiwa cunatsa colerasi, ucampis ch'iqhi jakejja jan wali chuyma uscay arunacarojj janiw yäkquiti.

Proverbios 14:29

Wali llamp'u chuymanïñajj wali ch'iqhi cancañ uñacht'ayi; jan paciencianïñasti t'ajjmarätapwa uñacht'ayaraqui.

Proverbios 15:18

Mäqui colerasir jakejj nuwasiñanacwa utjayi; qhititejj llamp'u chuymanïqui ucasti, pachparuwa ch'ujtayi.

Proverbios 16:32

Paciencianïñaw asquejja, jan ajjsarir jaket sipansa; marcanacar catuntañat sipansa, juc'amp asquiwa jiwasa pachpa apnakasiñajja.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 20:22

Jan jumajj samti: “Uqhamat, uqhamwa luraraquëjja” sasajja, jan ucasti Tatitur iyawsam, jupaw atipayascätam.

Proverbios 20:3

Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Proverbios 25:21

Uñisirimatejj mank'at awtjayaschi ucajja, mank'añ churam; umat pharjayaschi ucajja, umsa churaraquim;

Proverbios 29:11

Jan amuyt'an jakejj mäquiwa cunatsa colerasi, ucampis yatiñan jakejja colerasiñapjja mäquiwa apanucu.

Efesios 4:32

Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Santiago 1:19

Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.