1 Corintios 15:33 - Qullan Arunaca

³³ Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

Aymar Bibliia 1986

³³ Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

Qullan Arunaka DC

³³ Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 15:33 Jak'a apnaqawi uñst'ayäwi

Proverbios 13:20

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Proverbios 22:25

jan yatekasiñamataqui jan wali sarnakäwinacapata, jan cuncamaru wisqhampi jaychjayasiñatac uchascamti.

Proverbios 9:6

Jaytanucjjapjjam jan amuyt'asis sarnakañanaca, ucatsti jacapjjätawa; ch'iqhi jakenacjama sarnakapjjam” sasa.

Mateo 24:11

Walja c'ari parlirinacaraquiw sartani, Diosatsa parlapcaspa uqhama, ucanacasti waljaniruraquiw sallkjapjjani.

Mateo 24:24

Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Mateo 24:4

Jesusasti ucjjarojj saraquïnwa: — Amuyasipjjam, jan qhitimpis sallkjayasipjjamti.

1 Corintios 5:6

Jumanacasti janiw uca luratanacamatjja jach'a jach'a tucupjjañamäquiti. ¿Janit aca säwsti yatipcta: “Mä juc'a levadurajj takpach t'ant'a maswa poktayejja” sasa?

1 Corintios 6:9

¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

Gálatas 6:7

Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Efesios 5:6

Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui.

2 Tesalonicenses 2:10

Take casta jan walinacampiw sallkjani infiernor saririnacarojja, Tatitun khespiyasiñ arunacap jan catokañ munapjjatap laycu.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

2 Pedro 2:2

Waljaniraquiwa uca k'añu luräwinacaparojj arcapjjani, jupanac laycuraquiw chekpach asqui thaquitjja jan walinacajj parlasini.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.