1 Corintios 10:31 - Qullan Arunaca

³¹ Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Aymar Bibliia 1986

³¹ Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Qullan Arunaka DC

³¹ Ukhamasti manq'apxamsa, umapxamsa, jan ukax kunsay lurapxam, Diosar jach'achañatak lurapxam.

1 Corintios 10:31 Jak'a apnaqawi uñst'ayäwi

Zacarías 14:21

Take phuqhunacaw, Jerusalén marcansa Judá marcansa loktatänejja take ch'amani Tatiturojja. Qhitinacatejj mä sacrificio loktiri sarapcani ucanacajj uca phuqhunacaruw loktat uywanacan aychapa khatiyapjjanejja. Uca urunjja janiw juc'amp utcjjaniti alaquipa jakenacasa take ch'amani Tatitun templopanjja.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

1 Corintios 7:34

Uqhamaraquiw mä casada warmimpi mä soltera tawakompejja janiw quipcäquiti. Solterajj Tatitun yänacapatwa llaquisi, uqhamarac Diosar catuyatäñata, janchipansa almapansa. Mä casadasti acapach yänacatwa llaquisi chachapar sum sirviñataraqui.

Deuteronomio 12:12

Ucatsti mä jach'a cusisiñ uru jumanacajj Tatitu Diosaman nayräjjapana lurapjjäta take wawanacamampi, uywatanacamampi chica, uqhamaraqui jumanac taypin jaquiri levita jakenacampi. Jupanacasti janiw jumanac taypina cuna orakenacsa catokapquiti.

Deuteronomio 12:18

Jan ucasti Diosan nayrakatapanacwa ucanacjja mank'apjjäta, cawqharutejj jupajj ajllisi ucqhanaqui; Tatitu Diosaman nayräjjapana, wawanacamampi, take uywatanacamampi, uqhamaraqui cawquïri levitanacatejj jumanac taypina jacapqui take ucanacampi chicaw take irnakañaman achunacapata cusisipjjäta.

Deuteronomio 12:7

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Colosenses 3:23

Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.