Efesios 5:25 - Qullan Arunaca

²⁵ Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Aymar Bibliia 1986

²⁵ Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Qullan Arunaka DC

²⁵ Warmin chachanaka, warminakamar munasipxam, kamisatix Cristox iglesiar munaski ukhama, jakañapsa iglesiap laykuw apt'asiwayi.

Efesios 5:25 Jak'a apnaqawi uñst'ayäwi

Génesis 2:24

Ucatpï chachajj awquipsa, taycapsa jaytjjanejja, warmipampi mayachasjjañataqui, panpachanisti mä sapa jakequïpcaspasa uqhamäpjjaniwa.

Génesis 24:67

Ucatsti Isaacajj Rebecarojj, Sara taycapan carpaparuw irpasjjäna, ucatsti jupampiw casarasiraquïna. Isaacasti walpun Rebecarojj munasïna, uqhamataracwa taycapan jiwatapatjja chuymachasïna.

2 Samuel 12:3

ucampisa pobrenjja mä sapa jisc'a alat ovejapaquiw utjäna. Jupa quipcaw uca jisc'a ovej-jja uywasïna, jupampi chicaw jilsuraquïna uqhamaraqui wawanacapampi chicaraqui; pachpa mank'apwa mank'araquïna, umañapatwa umasiraquïna, jupampi chicaw iquisiraquirïna. Uca jakesti jisc'a ovejaparojj mä imill wawaparjamaraquiw munasïna.

Cantar de los cantares 1:11

¡Kori aretenaca lurarapipjjäma kollkenacampi c'achachata!

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Gálatas 1:4

Jupasti jacañap apt'asi juchanacas laycu, aca jan wali jacañat jiwasanacaru khespiyañataqui, Dios Awquisan munañaparjama.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Efesios 5:24

Ucampis cunjämatejj iglesiajj Cristoru ist'ejja, uca pachparaquiw warminacajj take cunansa chachaparojj ist'añapa.

Efesios 5:28

Uqhamwa chachajj warmiparojj munasiñapa, pachpa janchiparjama. Qhititejj warmiparojj munasqui ucajj jupa pachpaw munasi.

Efesios 5:33

Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa.

Colosenses 3:19

Chachanacasti warminacamarojj munapjjaraquim, janiraqui jupanacataquejj khorüpjjamti.

1 Timoteo 2:6

Jesucristojj jiwañaruw catuyasiwayi takenin khespiyasiñap alañataqui, acasti horasaparuw yatiyasiraqui.

1 Pedro 3:7

Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.