Efesios 4:32 - Qullan Arunaca

³² Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Aymar Bibliia 1986

³² Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Qullan Arunaka DC

³² Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Efesios 4:32 Jak'a apnaqawi uñst'ayäwi

2 Samuel 7:21

Take aca muspharcañanacsti jumaw lurtajja, cunjämatejj arscäyäta, muncaraquïyäta, nayan uñt'añajjataqui.

Salmos 112:9

Jan cunan jakenacaruw churäwinac wajjt'i, jaker qhuyapt'ayañapajj jan tucusquiriwa, jan qhitin camscañaw p'ekep waytaraqui.

Salmos 145:9

Tatitojj takenir munasiriwa, takpach luratanacaparojj munasiñampiw uñji.

Proverbios 12:10

Asqui jakejj uywanacapatjja qhuyapayasiwa, ucampis ñankha lurir jakejja janiw qhuyapayasquiti.

Proverbios 19:11

Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Proverbios 19:22

Mä jakenjja suma chuymanïñapawa munasi; apjasiri jakëñata sipansa, juc'amp asquiwa pobre jakëscaña.

Isaías 57:1

Asqui jakenacajj jiwarawayjjapjjewa, janiraquiw qhitis llact'asquiti; suma jakenacasti chhaktawayjjapjjaraquiwa, janiraquiw qhitis ucjja amuyquiti, jupanacan ñankhata khespitäjjapjjatapjja,

Jeremías 38:12

Ucat Jeremiasarojj saraquïna: “Uca traponac chhekhankararu uscusim, uqhamat wisqhanacajj jan jumaru usuchañapataqui” sasa. Jeremiasasti uqhamwa luräna.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Marcos 11:25

Diosat mayiscasajja, perdonapjjam qhitimpitejj jan walincapctas ucaru, alajjpachanquir Awquimajj juchanacamat perdonañapataquiraqui.

Lucas 1:78

Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri,

Lucas 11:4

Juchanacajjatjja perdonapjjeta, cunjämatejj nanacajj jan wali lurapquitus ucanacarojj perdonapjjta uqhama. Jan yant'äwir puriyapjjestati, [jan ucasti ñankhata khespiyapjjeta]” —sasa.

Lucas 17:4

Pakallk cutis mä urunjj juma contra juchachaschi ucasa, ucatsti pakallk cutirac jutstam aqham sasa: ‘Janiw juc'amp juchachascjjäti’ sasa, ucatsti perdonañamaquiwa.

Lucas 6:35

Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Lucas 6:37

“Jan yakhanacarojj juchañchapjjamti, Diosasti janiraquiw jumanacarojj juchañchapcätamti. Perdonapjjam, Diosasti perdonapjjaraquïtamwa.

Hechos 28:2

Uca islan jaquirinacasti wali sum catokapjjetu. Jupanacasti mä jach'a ninwa phichapjjäna, thayampi jallumpi puritap laycu. Ucatsti takeniruw jawsapjjetu: “Jutapjjam, ninar jac'achasinipjjam junt'urasipjjañamataqui” sasa.

Romanos 12:10

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

1 Corintios 13:4

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

2 Corintios 2:10

Jichhajj jumanacajj qhitirutejj perdonjjapjjstajja, nayajj juparojj perdonjjaractwa. Cuntï nayajj perdoncta ucjja jumanacat qhuyapayasisaw perdonta Tatit nayrakatanjja cuna perdonañatï utjcchïn ucasa,

2 Corintios 2:7

Jichhajj uca jakerojj perdonjjapjjam chuymachapjjaraquim inampis llaquisiñatjja sinti mayjt'asispa.

2 Corintios 6:6

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Efesios 5:1

Jumanacajj Diosan munat wawanacapäpjjtawa, jupajj cunjämäquitejj uqhamäpjjaraquimaya.

Santiago 5:11

Jiwasasti: “Cusisiñaniwa” sistanwa qhitinacatejj t'akhesipqui ucanacarojja. Jumanacajj Job chachan llamp'u chuymanïtapatjja ist'apjjtawa, yatipjjaractawa cunjämsa Tatitojj tucuyarojj jupampi lurcatayna ucjja. Tatitojj wali munasiriwa qhuyapayasiriraquiwa.

2 Pedro 1:7

Diosar munañarusti, jilapurjam sarnakañampi; jilapurjam sarnakañarusti, munasiñampi.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

1 Juan 2:12

Wawanaca, Diosajj sutipa jach'ar aptatäñap laycuw juchanacamatjja perdonjjapjjtam Jesucristo toke, ucatwa kellkanipjjsma.

Rut 2:20

Noemí warmisti juparojj saraquïnwa: —¡Diosasti juparojj bendizpan! Jupasti jichhajj jiwasarojj sum uñjistu, cunjämatï nayrajj jiwirinacampi lurcäna uqhama. Uca jakesti jiwasan familiasawa, ucatwa jiwasaru khespiyañapajj wact'i.