Proverbios 10:1 - Qullan Arunaca

¹ Salomonan säwi arunacapa: Amuyt'asiri wawajj, awquiparu taycaparojj cusisiyiwa, jan amuyt'asiri wawasti jupanacarojj llaquisiyiwa.

Aymar Bibliia 1986

¹ Salomonan säwi arunacapa: Amuyt'asiri wawajj, awquiparu taycaparojj cusisiyiwa, jan amuyt'asiri wawasti jupanacarojj llaquisiyiwa.

Qullan Arunaka DC

¹ Salomonan säwi arunakapa: Amuyt'asir wawax, awkipar taykaparuw kusisiyi, jan amuyt'asir wawasti jupanakarux llakisiyiwa.

Proverbios 10:1 Jak'a apnaqawi uñst'ayäwi

1 Reyes 4:32

Jupasti quimsa waranca säwi arunacwa arsüna, uqhamarac apsuraquïna waranka pheskani k'ochu arunaca.

Proverbios 1:1

Aca säwi arunacajj Salomonan arsüwinacapawa. Jupasti Davidan yokapänwa, Israelan reyiparaqui.

Proverbios 13:1

Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti.

Proverbios 15:20

Yatiñan wawajj awquiparu, taycaparojj cusisiyiwa; jan yatiñan wawasti awquiparu, taycaparojj jisc'achiwa.

Proverbios 17:21

Awquejj jan amuyt'an wawanïtap laycuw llaquisi; mä lokhe wawan awquipäñajj janiw cuna cusisiñs apanquiti.

Proverbios 17:25

Jan amuyt'an wawajj colerasiña, jachañacwa utjayi awquipa taycapataquejja.

Proverbios 19:13

Jan amuyt'an wawajj awquiparojj t'akhesiyiwa. T'iñi thakher warmisti jan sayt'as ch'akeri umjamawa.

Proverbios 25:1

Acanacajj Salomonan säwi arunacaparaquiwa, ucsti Judá orakenquir Ezequías reyin sirviri jakenacapan kellkatänwa.

Proverbios 27:11

Munat wawajjay, yatiñanïmaya, nayarojj cusisiyitätawa; uqhamatwa arsusëjja nayar toker jakenacarusa.

Proverbios 29:15

Jawk'ampi tokempiw yatekañajja utji. Ucampis munañapampi sarnakeri wawasti taycaparojj p'enkachayiwa.

Proverbios 29:17

Wawamarojj chekacham, ucatsti samarataw jacayätam, walirac cusisiyaraquïtam.

Proverbios 29:3

Yatiñan wawajj awquiparojj cusisiyiwa; qhititejj jan wali sarnaker warminacampi sarnakqui ucasti, kollkepwa tucjasi.

Eclesiastés 12:9

Yatiyirejj juc'amp yatiñanïsajja, juc'ampiraquiw yatiñjja jakenacar yaticharaqui. Uqhamaraquiw walja säwinaca yatjjatañaru uchasiraqui, ucatsti sapa maya chekaparu uscusa.

Eclesiastés 2:19

Ucatsti, ¿qhitirac yatispa nayjjaru jutcani ucajj ch'iqhïchini, jan ucajj pisi amuyt'anïchini ucjja? Ucampis catuntasispawa take cunanactejj wali ch'amampi, yatiñampi aca orakena lurcta ucanacjja, ¡ucasti inamayaraquiquiwa!