Proverbios 20:7 - Qullan Arunaca

⁷ ¡Take cunans asquinwa cheka jakejj jacawayi cusisiñanïpjjewa jupan wawanacapajja!

Aymar Bibliia 1986

⁷ ¡Take cunans asquinwa cheka jakejj jacawayi cusisiñanïpjjewa jupan wawanacapajja!

Qullan Arunaka DC

⁷ Taqi kunansa askin sarnaqawayir jaqin wawanakapax, jupat yatiqasis sarnaqapkani ukapachaxa, kusisiñanïpxaniwa.

Proverbios 20:7 Jak'a apnaqawi uñst'ayäwi

Génesis 17:7

Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Salmos 112:2

Asqui jaken allchhinacapajj acapachan kollanäpjjaniwa, sarakerinacapasti oraken munañanïpjjaniwa.

Salmos 15:2

Qhititejj juch jan luras jacqui uca, ascpun lurqui uca; qhititejj take chuymamp chekap arsqui uca;

Salmos 26:1

Tatay, chekaparuy uñjita, jacañajjajj jan camscayawa. Tatay, jumaruw takpach chuymamp iyawssma,

Salmos 26:11

Sarnakäwejjasti jan cun camscayawa; nayar khespiyt'asita, nayat qhuyapt'ayasita.

Salmos 37:26

Asqui jakejj sapüruw qhuyapayasi, mayt'araqui, allchhinacapasti asqui catokäwïcaspas uqhamawa.

Proverbios 13:22

Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.

Proverbios 14:2

Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Proverbios 14:26

Tatituru jach'añchiri jakensti take chuyma jupar suyt'añaw utji, uqhamarac wawanacapas Tatitun imatäniwa.

Proverbios 19:1

C'ari jakëñata, jan yatiñan jakëñata sipansa, juc'ampi asquiwa pobrëscañajja, cheka cancañana sarnakascañajja.

Isaías 33:15

Qhititejj chekaparu cuns lurqui, cheka parlaraqui, janiraqui ch'amampiqui kamirquipstquiti, janiraqui cuns wajjt'äwinac laycuqui lurquiti; janiraqui jake jiwayirinacan arunacapsa ist'quiti, nayranacapsa ch'irmthapiraqui jan ñankhanaca uñjascañataqui,

Jeremías 32:39

Jupanacarusti take urunacapana nayaru jach'añchquirwa tucuyaraquëjja, pachpa jupanacan asquipataqui uqhamaraqui wawanacapan asquipataqui.

Lucas 1:6

Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.