Proverbios 3:33 - Qullan Arunaca

³³ Ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i.

Aymar Bibliia 1986

³³ ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i.

Qullan Arunaka DC

³³ Tatitux ñanqha lurir jaqin utaparux ñanqhachiwa, aski jaqin utaparusti askimpiw phuqt'i.

Proverbios 3:33 Jak'a apnaqawi uñst'ayäwi

2 Samuel 6:11

Tatitun arcapasti Obed-edom sat jaken utapanjja quimsa phajjsiw ucancäna. Tatitusti juparusa uqhamaraqui take familiaparusa wali bendiciraquïna.

Job 24:18

“Ñankha jakejj umampi apatawa. Orakenacapas ñankhachataraquiwa, janiraquiw qhitis uva yapupan irnakcjjeti.

Job 31:12

Cunjämtejj ninajj take cuna tucjejja, uqhamaraquiw take cunajjsa tucjaspan.

Salmos 1:3

Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Salmos 37:22

Tatitun kollanaptayat jakenacajj orak catokasipjjani, jupan ñankhachatanacasti jakonucutäpjjaniwa.

Salmos 91:10

Chijejj janiw jac'achascätamti, usus janiraquiw utamar purincaniti,

Proverbios 10:6

Asqui jakjjaruwa Tatitun bendicionanacapajj juti, ucampis ñankha jakerusti jan wali luräwinacawa aynacht'ayi.

Proverbios 14:11

Ñankha jakenacan utapajj tucjatäniwa, ucampis asqui lurir jakenacan utapajja janiw tucjatäcaniti.

Proverbios 15:6

Cheka lurir jaken utapan take cunapas jan tucusquiriw utji, ucampis ñankha lurir jaken cuna jicjjatatanacapasa jan cunataquiwa.

Proverbios 21:12

Chekapar uñjir Diosajj, ñankha jakenacan utapjja uñch'uquisquiwa; ñankha lurir jakenacarojj tucjatäñataquiw catuyaraqui.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Deuteronomio 11:28

maldicionsti catokapjjaraquïtawa, jumanacatejj yakha jan uñt'at diosanacaru arcasina, Tatitu Diosan camachi arunacaparu jan phokhapcaraquïta, ucatsti thaquipatsa sarakapjjaraquïta, cawquïri ewjjanactejj jichhüruna churapcsma ucanacata, ucapacha.

Deuteronomio 7:26

Ucatsti jan jumanacajj utanacamaru apasipjjamti cunatï maldicitäqui ucanacjja, jan uqhamata jumanacas t'unjatäpjjañamataqui. Take ucanacwa t'unjapjjäta ucatsti maldicitätwa uñt'apjjaraquïta.

Josué 6:18

Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani.

Josué 7:13

Sayt'asim ucatsti Israel marcaru tantacht'am: ‘Arumanthejj alwat chuymanacam k'omachasipjjam’ sasa. Naya Israel marcan Tatitu Diosapaw sista: ‘Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.’