Jueces 5:23 - Qullan Arunaca

²³ Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

Aymar Bibliia 1986

²³ Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

Qullan Arunaka DC

²³ Tatitun angelapasti yatiyiwa: ‘¡Meroz markxaru, jaqinakapxaru jach'a ñanqhachäwi jutpan!’ sasa. Tatitun ejercitopar yanapt'ir jan jutapxatapata, ¡Tatit layku nuwasiñ jan munapxatapata!

Jueces 5:23 Jak'a apnaqawi uñst'ayäwi

Nehemías 3:5

Ucjjarüqui ucsti asquichapjjaraquïnwa Tecoanquiri jakenaca, jilïri jakenacapajja jan yanapañ munapcchïna perka luririnacan sarayirinacaparusa.

Salmos 94:16

¿Qhitirac jucharar jakenacat arjjatitanisti?, ¿qhitirac ñankha luririnacat jarc'aketanisti?

Jeremías 48:10

(¡Maldecitäpan cawquïri jaketejj jan suma chuymampi Tatitun ejjwata irnakañanac phokcani ucajja. Maldecitaraquïpan cawquïri jaketejj jan jiwayañ munqui ucajja!)

Mateo 25:41

“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Romanos 15:18

Nayajj parltwa cuntejj Cristojj naya toke lurqui ucaqui, uqhamat jan judiöpquis ucanacajj Diosar jaysapjjañapataqui. Take acanacasti phokhasiwa arsutanacampi luratanacampi.

1 Corintios 16:22

Qhititejj jan Tatit Jesucristor muncchejja, maldecitäpan. ¡Nanacan Tatitojja, jutam!

1 Corintios 3:9

Nanacajj Diosar sirviñanjja mayaquïpjjtwa, jumanacasti Diosan yapupäpcasmas uqhamäpjjtawa, mä utar uñtatäpjjaractawa, uca utjja Diosas utachcaspa uqhama.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Jueces 13:3

Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa.

Jueces 2:1

Diosan angelapasti Gilgal chekata Boquim sat chekaru sarasinjja israelitanacarojj sänwa: “Nayawa jumanacarojj Egipto marcata irpsunisajj aca orakeru irpanipjjsma, cawquïr oraketejj nayra awquinacamaru churañatac arsutacäna, aqham sasa: ‘Nayan arsutajjsti janipuniw jumanacampejj p'acjcäti,

Jueces 21:5

Jupanaccamasti jisct'asipjjaraquïnwa: “¿Qhitisa jiwasanacatjja Mizpa marcanjja jan tantachasïwinccanjja?” sasa. Ucansti juramento lurapjjäna jan uca tantachasïwiru sarirejja jiwañapataqui.

Jueces 21:8

¿Acanjja utjpachati Mizpa marcana Dios nayrakataru jan jutir israelitajja?” sasa. Ucampis jupanacajj amtasipjjänwa Galaad sat ucqhanquir Jabes sat marcata, jan maynisa uca tantachasïwiru jutapjjatanacapa.

Jueces 4:6

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jueces 5:13

“Ucampis israelitanacajj sarakanipjjänwa, ch'amaninacampi nuwasiñataqui; nayäpanwa Diosan tamapajj sarakanipjjäna, nuwasir jutir jakenacampi nuwasiñataqui.

Jueces 6:11

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

Jueces 8:5

Sucot sat chekanjja Gedeonajj ucan jaquirinacarojj mayïnwa: —Achict'asipjjsmawa, nayampi chicäpqui uca jakenacaru mank'aña churapjjam, jupanacasti wali thayjtata karjatäpjjewa. Nanacasti Zeba, Zalmuna sat madianitanacan reyinacaparuw arctasipcta —sasa.

Jueces 8:6

Ucampis Sucot sat chekanquir jilïrinacajja sapjjaraquïnwa: —¿Jumajja, Zeba, Zalmuna uca reyinacarojj catjtati, ucatti nanacajj ejercitomarojj mank'ayapjjäjja? —sasa.

Jueces 8:8

Ucatsti Penuel sat chekaruw sarapjjäna, ucansti cuntejj Sucot sat chekan maycäna uca quipcaraquiquiw mayiraquiquïna. Ucampis Penuel chekanquirinacajj cunjämtejj Sucot chekanquirinacajj sapcäna uca quipcaquiraqui sapjjaraquiquïna.

1 Samuel 17:47

Take qhitinacatejj jichhajj acancapqui ucanacasti yatipjjaniwa, Tatitojj janiwa espadampiti ni lanzampicha khespiyqui. Aca nuwasïwisti Tatitunquiwa. Juparaquiw jumanacarojj nanacan amparanacajjaru catuyapjjetani —sasaw Davidajj säna.

1 Samuel 18:17

Mä urusti Saúl reyejj Davidarojj saraquïnwa: —Nayasti jilïri Merab sata, phuchajja warmimataqui churäma, jumasti nayataquejj guerran mä suma nuwasiri jakëñamataqui, uqhamarac Tatitun nuwasïwinacapar nuwasiñamataqui. Saúl reyisti chuymapanjja amuyaraquïnwa: “Uqhamat janiw naya quipca Davidarojj jiwaycäti, jan ucasti guerran filisteo jakenacaw jiwayascani” sasa.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.

1 Samuel 26:19

Nayajj jach'a munañan reyiruw achict'asï aca sirviriparu ist'añapataqui: Tatitutejj munchi jach'a reyejj nayaru jiwayañapa, ucapachajja, inach mä ofrenda catoketaspa; ucampisa jakenacaquitejj nayar jiwayañ amtchi ucapachajja Tatitojj uca jakenacarojj maldiciracpan. Jichhasti nayarojj Tatitun orakepatjja apanucupjjetuwa, ucampisa yakha diosanacaru sirviñajjataquiw nuct'apjjaraquitu.