Jeremías 18:21 - Qullan Arunaca

²¹ ¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Aymar Bibliia 1986

²¹ ¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Qullan Arunaka DC

²¹ ¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Jeremías 18:21 Jak'a apnaqawi uñst'ayäwi

2 Crónicas 36:17

Ucatsti Tatitojj jupanac tokejj jutantayänwa caldeonacan reyiparu, templo pachparuwa waynanacarojja cuchillompi jiwarayäna, janiw qhititsa qhuyapt'ayascänti waynanacatsa, tawakonacatsa, awquinacatsa, cojonacatsa. Takeniruwa Tatitojj amparaparcama catuyäna.

Salmos 63:10

espadamp jiwarayataw uñjasipjjani, kamakenacan mank'antataw tucusipjjani.

Salmos 63:11

Reyisti Diosancasaw cusisini, sutip laycu juramento luririnacajj k'ochupjjaniwa, c'arinacan lacapasti llupt'atäniwa.

Éxodo 22:24

Ucatsti nayajj coleratajja, jumanacarojj espadampcamaw jiwarayapjjäma, ucatjja uca quipcaraquiw warminacamasa viudanaca, uqhamarac wawanacamas wajchanaca kheparapjjani.

Isaías 13:18

Waynanacarojj flechanacapampiw tincurayaraquini. Ucqha nacir asu wawanacatsa janiraquiw qhuyapt'ayasipquiti, jisc'a wawanacatsa janiw qhuyapt'ayasipcaraquiti.

Isaías 9:16

Jilïrinacasti aca marcarojj maysaruw irpanucupjje, mä irpiri thakerinacasti maysar saranucusin chhakapjjaraqui.

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Jeremías 12:3

Ucampisa Tata, jumajj nayarojj uñt'istawa; jumajj uñjistawa, yatiraquistawa, cawquïrinacatejj jumataqui amtatanacajjäqui ucjja. ¡Uca jakenacarojj qhariñ ovejanacarjam apasjjam, qhariñ urutaqui chimpt'awayaraquim!

Jeremías 14:16

Cawquïri jakenacarutejj jupanacajj parlapqui ucanacasti, guerrana uqhamaraqui mank'atjamaw jiwarapjjaraquini, warminacapampi, yokalla, imilla wawanacapampi. Jiwat janchinacapasti Jerusalén callenacan jaktatäniwa, janiraquiw jupanacarojj qhiti imiris utjcaniti. Uqhamatwa juchapjja uñt'asiyä.

Jeremías 15:7

Jakenacamarusti t'unjama willitataractjja, aca orakenquir marcanacat apsusajja. Marcajjarusti jan wawanacani antutaractjja, t'unjaractwa jan uca ñankha jacañap apanucuñ munatap laycu.

Jeremías 15:8

Jupanac taypinsti ijma warminacjja, kotalac ch'allanacat sipansa juc'ampi jila jaytaractjja. Chica urpachaw jiwañsa puriyaniractjja, jach'a wawanacani warminacjjarusa, acatjamatwa jupanacjjarojj llaquisiñampi ajjsarañampi puriyaniracta.

Jeremías 50:30

Uca laycuw waynanacajj callenacan uca urojj jiwarapjjaraquini, guerran nuwasiri jakenacapasti uca urojj takeniw jiwarapjjani. Naya Tatituw ucjja arsta.”

Jeremías 9:21

“Jiwañajj utasaruw mantani; palacionacasarus puriniraquiwa; wawanacarusti callenacan jiwarayi, waynanacarus plazanacan jiwarayaraqui.

Lamentaciones 1:15

Tatitojj qhitinacatejj nayaru ch'amampi arjjatapquitäna take ucanacarojja jayaruw apanucjje. Nayjjarusti mä ch'amani ejército apayaniraqui, uqhamat nayan jan ajjsariri jakenacajjaru tucjañataqui. Tatitojj Judá marcarojj mä wawa tawakorjamaw tacsu, cunjämatejj uvajj vino ch'irwsuñataquejj tacsutajj uqhama.

Lamentaciones 5:3

Jichhajj wajchäpjjtwa, jan awquiniraqui; taycanacajjasti ijma warminacjamäpjjaraquiwa.

Ezequiel 16:38

Chachanacampi jucha lurañanacan sarnakatanacamata, jake jiwayatanacamatwa jumarojj juchañchäma, wali jach'a colerasiñampiw jumarojj jiwañaru catuyäma.

Ezequiel 22:25

marca apnakerinacamasa leonanacjama catutanacaparus wararisin wicanukapquejja uqhamäpjjewa, orakepansti jakenacaruw mank'antapjje, take imasitanacapsa, kamir cancañapsa lunthatanipjjaraquiwa, walja warminacaruw ijma uñjasiyapjjaraqui.

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.

2 Timoteo 4:14

Herreröquis uca Alejandrojj sinti jan walinacwa lurawayitu; Tatituw juparojj uñjascani cuntejj nayarojj lurquitu ucatjja.

1 Samuel 15:33

Ucampis Samuelojj sänwa: “Jumajj espadamampiw walja warminacarojj jan wawani jayttajja. Jichhajj taycamajj jupanacjamaraquiw kheparani” sasa. Ucatsti Tatitu nayrakatana jan ajjsarasaw Samuelojj Agag reyerojj Gilgal sisqui uca chekan pusiruw qharinokäna.