Éxodo 22:28 - Qullan Arunaca

²⁸ “Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Aymar Bibliia 1986

²⁸ “Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Qullan Arunaka DC

²⁸ 28 (27) “Janipuniw Diosar ñanqhachätati, janirakiw markam apnaqir jilïrirus ñanqhachätati.

Éxodo 22:28 Jak'a apnaqawi uñst'ayäwi

2 Samuel 16:5

Cunapachatejj David reyejj Bahurim sisqui uca chekaru purcän ucapachasti, Saúl reyin familiapat mayni jakew ucat mistunïna. Jupasti Gera sisqui uca jaken yokapänwa, Simei sataraqui, aca jakesti cunayman jan wali arunacampiw Davidarojj arnakaraquïna.

2 Samuel 16:9

Uqhamasti Sarvia jaken yokapa, Abisai sat jakesti saraquïnwa reyirojja: —¿Cunatsa aca jiwat anojj reyirojj aqham jan wali arunacapampi ñankhachi? ¡Jichhpachaw p'eke apakä! —sasa.

2 Samuel 19:21

Ucatwa Abisai sat jakejja, cawquïritejj Sarvia sisqui ucan yokapäcaraquïna ucajj saraqui: —¿Janit Simei jaken jiwañapajj waquisquejja? Jupajj Tatitun ajllisit reyirojjay ñankhachchïnjja —sasa.

1 Reyes 21:10

Ucjjarusti pä c'ari testigonaca kont'ayapjjaraquim jupan nayrakatapana, ucatsti khanañchayapjjam jupa contra: ‘Diosaru, uqhamarac reyiruwa ñankhachi’ sasa. Ucatsti ankar apsusinjja kalamp c'upjascama jiwayapjjam” sasa.

Salmos 138:1

Tatay, take chuymampiw jumar yuspagaräma; angelanacan nayrakatapan jumatac k'ochurapïma.

Salmos 32:6

Ucatpï jumar art'asir iyawsirinacamarojj jithir umanacas llumintcanejja, janiw camächcaniti.

Éxodo 13:12

loktjjapjjätawa take jilïr yokall wawanacama, uqhamarac uywanacan nayrïr orko kallunacapsa, take ucanacajja Tatitunquiwa uca laycu.

Éxodo 13:2

“Take jilïr wawanacjja nayaruw loktapjjetäta, israelitanacan take jilïr wawanacapajja nayanquiwa, uqhamarac uywanacan nayrïr kallunacapasa” sasa.

Éxodo 21:17

“Uqhamarac qhititejj awquiparu, taycaparu maldiscani jan ucajj cuna jan wali arunacampis tokcani ucajja jiwañaparaquiquiwa.

Éxodo 23:16

“Ucjjarusti luraraquïtawa fiestjja cosecha apthapiñ kalltañataqui, cunapachatejj yapunacamata nayrïr achunaca apscäta ucqha. Ucjjarojj luraraquïtawa fiestjja mara tucusiru, cunapachatejj jumajj yapunacamata take cosecha apthapiña tucuyjjäta ucqha.

Éxodo 23:19

“Uqhamaraqui yapumana nayrïri suma achunacapsti Tatitu Diosamana temploparuw apäta. Ucampis cabriton aychapjja janiw taycapan lechepampjja wallakeyätati.

Eclesiastés 10:20

Reyi tokejj jan parlamti, ni amtäwimpisa. Sapaquicäta ucqhasa, jan kamir tokejj parlamti, jamach'inacaw yatiyanipjjaspa uca laycu.

Levítico 24:15

Israelitanacarusti saraquim: Cawquïri jaketejj Tatituru ñankhachcani, uqhamarac maldiscaraquini ucarusti juchapa uñt'asiyapjjäta, ucatsti take jakenacaw kalampi c'upjasina uca jakerojj jiwayjjapjjani. Uca jakejj yakha marcat jutiri jakëscpasa jan ucajj pachpa israelita jakëscpasa. Tatitun sutiptejja ñankhachchi ucapachasti uca jakejj jiwayatäniwa.

Hechos 23:3

Pablosti juparojj sänwa: —¡Diosaw jumarojj t'ajjlliraquïtam, c'ari chuyman jake! ¿Leyirjam nayar juchañchañataquit ucqhan kont'atäscta? Ucatsti ¿cunataraqui nayarusti ley contra t'ajjlliyistasti? —sasa.

Hechos 23:5

Pablosti saraquïnwa: —Jilatanaca, janiw nayajj yatcäyätti jupan jilïr sacerdotëtapjja. Kellkatansti saraquiwa: ‘Janiw marcaman jilïripatjja jan wali parlätati’ sasa.

1 Pedro 2:17

Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.

2 Pedro 2:10

Diosajj mutuyaniwa qhitinacatejj ñankha munañanacaparjamaqui sarasipqui ucanacarojja, Tatitun arunacaparus jan ist'apcaraquiti ucanacarusa. Ucanacasti wali munañani jan ist'asiri jakenacaraquiwa, janiraquiw alajjpacha ch'amanacarus jan wali arunacampi sañjja ajjsarapquiti.

Judas 1:8

Ucampis aca jakenacajj uqhamaraquiw samcanacan jacasajj janchinacapjj k'añuchasipjje, Tatitun munañanïtapsti apanucupjjewa, uqhamarac alajjpach ch'amanacarus jisc'achapjjaraqui.

1 Samuel 24:10

Juma jach'a reyejj jichhajj jumapachaw amuytajja; Tatitojj jach'a reyjja amparajjaru catuycchitu ucasa, qhaya putunjja, ucampisa janiw nayajj jiwayañ muncäyätti jach'a reyirojja, jan ucasti juparojj perdontwa, ucatsti saraquïyätwa: ‘Jupajj jach'a reyiwa, Tatituw juparojj ajllisiraqui’ sasa.

1 Samuel 24:6

Ucat jakenacaparojj saraquïna: —¡Tatitojj jan aytayquitpati amparajja nayan reyejj contra! ¡Jïsa, jupajj reyiwa. Tatituw juparojj ajllisiraqui reyïñapataqui! —sasa.

1 Samuel 26:9

Ucampisa Davidajj saraquïnwa: —Jan jiwayamti. Qhititejj aca reyir jiwayañ munani, ucajj Tatitun mutuyatapunïniwa. Jupa reyisti Tatitun ajllitaraquiwa.