Éxodo 22:27 - Qullan Arunaca

²⁷ Uca isipaquiw utji thayata jarct'asiñataquejja. Jan cutt'ayancasma ucajja, ¿cunampis iquispajja? Ucat jupatejj nayaru arnakasitaspa ucajja ist'iristwa arnakasitanacapjja, nayasti qhuyapayasirïtwa.

Aymar Bibliia 1986

²⁷ Uca isipaquiw utji thayata jarct'asiñataquejja. Jan cutt'ayancasma ucajja, ¿cunampis iquispajja? Ucat jupatejj nayaru arnakasitaspa ucajja ist'iristwa arnakasitanacapjja, nayasti qhuyapayasirïtwa.

Qullan Arunaka DC

²⁷ 27 (26) thayat jarkt'asiñatakix uka isipakiw jupan utji. Jan kutt'ayankasma ukaxa, ¿kuna isimpirak janxatasispasti? Jupax nayaruw art'asinitaspa, nayasti khuyapayasirïtax laykux ist'äwa.

Éxodo 22:27 Jak'a apnaqawi uñst'ayäwi

2 Samuel 16:5

Cunapachatejj David reyejj Bahurim sisqui uca chekaru purcän ucapachasti, Saúl reyin familiapat mayni jakew ucat mistunïna. Jupasti Gera sisqui uca jaken yokapänwa, Simei sataraqui, aca jakesti cunayman jan wali arunacampiw Davidarojj arnakaraquïna.

1 Reyes 2:8

Ucjjarusti amuyasiraquim jumampïqui uca Gera jaken Simei yokapata, jupasti Bahurim ucanquir benjaminitawa. Cunapachatï nayajj Mahanaim ucsar sarascäyäta ucqhajja jupawa mä ajjsarcaña maldición arunac arnakanitäna. Ucatsti Jordán jawiranjja jupa pachparaquiw jutaraquïna nayar catokeri, ucatsti nayajj Tatit laycuw juramento lurañajjäna jan jupar jiwayañajjataqui.

1 Reyes 2:9

Jumasti janiw perdonätati. Ch'iqhïtawa, ucatsti jumaw yatïta jupampi cunjäm lurañsa. Ucampis wact'ayjjätaw jiwañapajj janc'aquïñapataqui.”

2 Crónicas 30:9

Jumanacatejj Tatitun ucar cutt'anjjapjjäta ucajja, uñisirinacamajja jilanacamaru, wawanacamaru preso catupqui ucanacajja, jupanacatjja qhuyapt'ayasiniwa, ucatsti antutanjjapjjaniwa aca orakeru cutt'aniñapataqui, jumanacan Tatit Diosamasti qhuyapayasirïtap laycu, janiw jumanacarojj apanucupcätamti jumanacatejj jupan ucar cutt'anipjjäta ucajja” sasa.

Salmos 34:6

Tatitur art'asir llaquit jakerojj, jupajj ist'iwa, take llaquinacapat waysuraqui.

Salmos 72:12

Jupaw art'asir jan cunan jakerojj antutayani, yanap jan jicjjatir llaquit jakerus yanapani.

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Éxodo 22:23

jumanacatejj t'akhesiyapjjäta ucajja jupanacajj nayaruw arnakasipjjetani, ucatsti nayajj jupanacan arnakasitanacapjja ist'äwa.

Éxodo 34:6

Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Eclesiastés 10:20

Reyi tokejj jan parlamti, ni amtäwimpisa. Sapaquicäta ucqhasa, jan kamir tokejj parlamti, jamach'inacaw yatiyanipjjaspa uca laycu.

Isaías 19:20

Uca kalasti Egipto marcanquir jakenacajj take ch'amani Tatitut amtasipjjañapataqui uscutäniwa. Cunapachatejj jupanacajj Tatitut yanapa mayisipjjani jupanacar nuwirinacat arjjatañapataqui, ucapachasti Tatitojj jupanacataquejj mä khespiyiri qhitanini, jupanacar arjjatañapataqui, uqhamaraqui khespiyañapataqui.

Deuteronomio 24:10

“Jumanacatejj jake masimaru cuns mayt'apjjäta ucqhajj jan utaparu mantasinjja cuna yänacapsa aptasinipjjamti.