Éxodo 22:28 - Qullan Arunaka DC

²⁸ 28 (27) “Janipuniw Diosar ñanqhachätati, janirakiw markam apnaqir jilïrirus ñanqhachätati.

Aymar Bibliia 1986

²⁸ “Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Qullan Arunaca

²⁸ “Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Éxodo 22:28 Jak'a apnaqawi uñst'ayäwi

2 Samuel 16:5

David reyix Bahurim chiqar purkän ukapachasti, Saúl reyin wila masinakapat mayni jaqiw ukat mistunïna. Jupasti Guerá jaqin Simí sat yuqapänwa, uka jaqisti kunayman jan wali arunakampiw Davidarux arnaqäna,

2 Samuel 16:9

Ukatsti Seruiá jaqin Abisai yuqapax reyir sarakïnwa: —¿Kamisarak aka jiwat anusti reyir ukham ñanqhachxanisti? ¡Jichhpachaw p'iqi apaqä! —sasa.

2 Samuel 19:21

21 (22) Ukat Seruiá jaqin Abisai yuqapax säna: —¿Janit Simí jaqin jiwañapax wakiski, Tatitun ajllisit reyipar ñanqhachatapatsti? —sasa.

1 Reyes 21:10

Ukxarusti pani k'ari irkatir jaqinak jupa nayraqatan qunt'ayapxarakim, ukatsti jupar irkatapxpan akham sasa: ‘Nabot chachax Diosampiru, reyimpiruw ñanqhachi’ sasa. Ukatsti anqar irpsusin qalamp k'upjaskam jiwayapxam” sasa.

Salmos 138:1

Tatay, taqi chuymampiw jumar yuspagaräma; angelanakan nayraqatapan jumatak q'uchurapïma.

Salmos 32:6

Ukatpï jumar iyawsirinakax jan walt'añanakan jumar mayisinipxätamxa, jan walt'añanakax walja umanakjamas llumintasinkpan, janipuniw jupanakan ukakamax purkaniti.

Éxodo 13:12

jumanakax tayna yuqall wawanakam yaqhachapxätawa, uywanakaman nayrïr urqu qallunakapsa yaqhachapxarakïtawa, ukanakasti Tatitunkiwa.

Éxodo 13:2

“Jilïr tayna yuqall wawanak nayatak yaqhachapxäta, israelitanakan taqi jilïr tayna yuqall wawanakapax nayankiwa, ukhamarak uywanakan nayrïr qallunakapasa” sasa.

Éxodo 21:17

“Khititix awkiparu, taykapar jan wali arunakamp tuqkani ukaxa, jiwayatäñapatak juchañchatäniwa.

Éxodo 23:16

“Yapu apthapiñ uru uruyäta, yapunakamat nayrïr achunak apthapkät ukapacha. Ukxarusti mara tukusiruw uruyarakïta, jumax yapunakam taqpach apthapiñ tukuykät ukapacha.

Éxodo 23:19

“Yapuman nayrïr suma achunakapsti Tatit Diosaman utaparuw apäta. “Janiw cabrito aychxa taykapan lechepar qhathiyapxätati.”

Eclesiastés 10:20

Reyitxa janipun jan wal parlamti, munañan jaqinakatsa janirak jan wal parlamti, janis khitis ist'kiristam ukhamxa. Ukham parlatanakax jank'akiw yatisi, jamach'inakjamaw arunakax sari, ukatsti, taqi kunaw yatisi.

Levítico 24:15

Israelitanakarux sarakim: Kawkïritix Tatit Diosapar ñanqhachkani ukarusti, juchap uñt'asiyapxäta, ukatsti taqi jaqinakaw qalamp k'upjas uka jaqirux jiwayapxani. Yaqha markat jutirïskpasa jan ukax pachpa israelita jaqïskpasa, Tatitun sutiptix ñanqhachkani ukasti, uka jaqix jiwayatäñapatak juchañchatäniwa.

Hechos 23:3

Pablosti juparux sänwa: —¡K'ari chuyman jaqi, Diosaw jumarux nuwantätam! Kamachirjam nayar juchañchañatakixay ukkhan qunt'atäsktaxa, ukhamasti ¿kunatarak kamachir jan yäqas nayar nuwayistasti? —sasa.

Hechos 23:5

Pablosti sänwa: —Jilatanaka, janiw nayax jupan jilïr sacerdotëtap yatkäyätti; Qillqatan siwa: “Markam apnaqir jilïrirux janiw ñanqhachätati” —sasa.

1 Pedro 2:17

Taqinirus suman uñjapxam. Tatitun utapankirinakar munapxam, Diosar jach'añchapxam, reyirus ist'apxarakim.

2 Pedro 2:10

Khitinakatix ñanqha munañanakaparjam sarasipki ukanakarux Tatitux mutuyaniwa, jupan arunakapar jan ist'apki ukanakarus mutuyarakiniwa. Jupakanakasti jan ist'asiri, wali munañan jaqinakäpxiwa, janirakiw jupanakax angelanakar jan wali arunakamp tuqiñsa axsarapkiti.

Judas 1:8

Khitinakattix parlapksma uka jan wali jaqinakampix uka kipkarakiw lurasini. Jupanakax jan wali amuyunakampiw janchinakap q'añuchasipxi, Tatitun munañanïtaparux janiw jaysapkiti, alaxpach angelanakarus jisk'achapxarakiwa.

1 Samuel 24:10

10 (11) Jach'a munañan rey jumapachaw yattaxa; Tatitux khaya putun jumaru amparaxar katuykchitän ukasa, janiw nayax juma munañan reyirux jiwayañ munkäyätti, ukat sarakïyäta: “Jupax munañan reyiwa, Tatituw juparux chhijllasi” sasa.

1 Samuel 24:6

6 (7) ukat jaqinakaparux sarakïna: —¡Tatitux nayan reyixatak amparax jan aytaykitpati! ¡Tatituw jupan reyïñapatak chhijllasi! —sasa.

1 Samuel 26:9

Ukampisa Davidax sänwa: —Jan jiwaykamti, khititix Tatitun chhijllat reyir jiwayañ munki ukax mutuyatapunïniwa.