Kasta
AKHAM AWK AWK taykanakataki VERSIÓN “TATA” .
Tata, jakañamampi wali wakiskirïtawa. Utaman utaruxa familiamampi irpiriwa, wawanakamaruxa sarnaqawirista, Diosan arunakapsa, suma yatiñanakapsa yatichiriwa. Nayampi uñjktan uka sarnaqäwimaruw uñjaskta, nayarusti uka kikparakiw sarnaqayañ munaskta.
Bibliax akham siwa: “Cheqapar sarnaqirin awkipasti kusisiñaniwa, amuyt’ir wawani wawachapanti kusisiñani” (Proverbios 23:24). Diosaw familiamampi p’iqiñapatak churäma, jupanakar sarnaqañapataki. Diosarux mayisiñam, Jupaw kunjamsa luraña uk yatichistani.
Tata Diosax wali khuyapayasiriwa, kunjamatix mä awkipax wawanakapar munasita ukhama, ukhamarakiw Jupax uñt’atanakar munasi (Salmos 103:13).
“Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.
Wawanaca, awquimaru taycamaru ist'apjjam, Tatitur munasina. Acawa chekapajja. Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa. Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui. Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja. Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui. Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama. Sumancañ arunac parlañatac waquichasipjjam, cunjämtejj mä soldadojj waquichasi zapato uscusisinjja uqhama. Ucatsipansa, iyawsañanacamajj mä escudjamäpan, Supayan akquir flechanacapat jarc'akasiñataqui. Khespiyasiñampisti mä cascompjam p'eker uscusipjjam, Diosan arupsti catjjarupjjaraquim mä espadar uñtata cuntejj Kollan Ajayojj churapctam uca. Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim. Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa. Bendicitäñatac arsuta nayrïri jach'a camachejja acawa: “Awquimar taycamar jach'añcham, Diosajj nayarojj aca arunacatjja mä uñt'ayiritjamwa qhititu, ucataracwa jichhas preso catuntatäsctjja. Diosat mayipjjam, nayajj cunjämtejj take ch'amampi aca arunac parlañajjäqui uqham parlañajjataqui. Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa. Ucataquiw qhitanta, cunjämäsipctejj uc jumanacaru yatiyañapataqui, uqhamat juc'amp jumanacaru ch'amañchañataqui. Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan. Diosajj bendispan qhitinacatejj Tatit Jesucristosaru jan pächasisa munapqui ucanacarusa. cusisitäñamataqui, uqhamarac jaya maranac aca oraken jacañamataqui.”
Wawanaca, awquimar taycamarojj take cunansa ist'apjjapunim, uca lurañasti asquiw Dios nayrakatanjja.
“Wawajjay, ist'am awquimana yatichäwinacapa, janiquiy taycaman yatichäwinacapjja jisc'achamti. Uca yatichäwinacasti jumataquejj mä suma c'achachäwïniwa, mä suma collarar uñtataraqui.
“Munat wawajjay, chuymamarojj imapunim, awquiman, taycaman ewjja arunacapa, uqhamarac yatichäwinacapsa. Chuymamanjja catjjäsipunim aca ewjjanacjja, cuncaru warcuntasiraquim. Uca arunacasti saräwimanjja irpätamwa, iccäta ucqhasti imätamwa, iquit sartjjäta ucqhasti jumarojj parlaraquïtamwa.
‘Awquimaru, taycamaru jach'añcham, cunjämtï Tatitu Diosamajj ewjjawayctam uqhama, uqhamata walja maranaca jacañamataqui aca Diosan churat orakena.
“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.
Ist'am jumar jathasir awquimaru; taycamajj chuymanëjjani ucqhajja jan jisc'achamti.
Awquejj waliw cusisi wawapan yatiñ cancañanïtapata cheka lurirïtapata, ucatwa jach'ar aptasi. ¡Jumasti awquimarusa, taycamarusa cusisiyam, jach'ar aptayaraquim!
Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.
Diosasti siwa: ‘Awquimar taycamar jach'añcham. Awquiparu taycaparu ñankhachirejja jiwañapawa’ sasa.
‘Maldicitäpan cawquïritejj awquiparus taycaparus jan munasiñampi uñjcan ucajja.’ Ucatsti takpach marcaraquiw saraquini: ‘Uqhamäpan’ sasa.
Salomonan säwi arunacapa: Amuyt'asiri wawajj, awquiparu taycaparojj cusisiyiwa, jan amuyt'asiri wawasti jupanacarojj llaquisiyiwa.
Chuyman awquinacan coronapasti allchhinacapawa; wawanacajj awquip taycapatwa alawt'asi.
awquimaru taycamaru jach'añcham, uqhamarac jake masimarusti juma quipcarjam munaraquim’ —sasa.
Yatiñan wawajj awquiparu, taycaparojj cusisiyiwa; jan yatiñan wawasti awquiparu, taycaparojj jisc'achiwa.
Moisesasti sänwa: ‘Awquimaru taycamaru jach'añcham.’ ‘Qhititejj awquipar taycapar maldicinejja, jiwayatäpan’ sasa.
“Uqhamarac qhititejj awquiparu, taycaparu maldiscani jan ucajj cuna jan wali arunacampis tokcani ucajja jiwañaparaquiquiwa.
Ucampis mayni ijma warminacajj wawanïscchi jan ucajj allchhinïscchi ucajja, jupanacpachpa yatekapjjpan pachpa familiapar yanapaña, cunja munasiñampitejj awquinacapajj munasïna uca pachpa munasiñampi. Acajj asquiwa, Diosarojj cusisiyaraquiwa.
Yurirapquistu uca wawanacajj, Tatitun asqui churäwinacapawa. Waynäpctan ucapach yurirapquistu uca wawanacajj nuwasirin amparapanquir flechanacar uñtatawa. Ucanacan jakejj cusisiñaniwa. Janiw timanacapamp p'enkachat uñjascaniti, janiraquiw ch'ajjwan atipayascaniti.
Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.
Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.
Ucapachaw jupanacamp chica Nazaretarojj cuttjjäna, ucatsti jupanacar ist'asaw sarnakäna. Taycapasti take acanacjj chuymaparuw imäna.
Cunapachatejj wawanacäcäyätan ucqhajja, janchi awquinacasajj chekachistänwa, jiwasanacasti ist'äyätanwa. ¿Cunatarac jichhasti alajjpach Awquisarusti jan jaysañänisti uqhamat jacañasataquisti?
Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.
Awquiru ñankhachañasa, taycaru utat apanucuñasa, uca luräwinacajj mä wawataquejj jach'a p'enkawa, jan arjjatcayaraquiwa.
Qhititejj awquiparu, taycaparu ñankhachqui ucajja, wali ajjsarcaña ch'amacanwa jiwani.
“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.
Jawk'ampi tokempiw yatekañajja utji. Ucampis munañapampi sarnakeri wawasti taycaparojj p'enkachayiwa.
Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti.
¡Tatitur ajjsart'ir jake, cusisiñanïtawa, Tatitur jaysir jake, cusisiñanïtawa. Ch'ama tucutamatjam mank'asïta, cusisitaw utjasïta, take cunas waliquiw sararapïtam. Uta mankhemansti, warmimajj achuntir uva alir uñtatäniwa; wawanacamasti mank'añawjamar muyuntatajja, ch'ich'tanir olivo alinacar uñtatäniwa. Tatitojj uqhäm jupar wakaychirirojj asquinac churani.
“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam, uqhamatwa pirwanacamas jilarquiri phokhantani, uqhamarac vino imañanacamasa. Munat wawajjay, jan jisc'achamti Tatitun jumar chekachataparojja, janirac tokenokatapatsa colerasimti; Tatitusti qhitirutï munasqui ucarojj chekachiwa, cunjämatejj mä awquejj munat wawaparojj chekachqui uqhama. “Cusisiñaniwa qhititejj yatiña cancañ jicjjatqui ucajja, uqhamarac ch'iqhi cancaña catokqui ucasa; ucasti kollquit sipansa, suma korit sipansa juc'amp asquinacwa jicjjatayaraqui. Yatiñ cancañajj perlanacata sipansa juc'amp jila alaniwa, ¡janiw wali munatäqui ucanacampisa chicachayat uñjascaspati! Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui. Jupan sarnakäwipar arctañasti asquiwa, thaquipan sarnakañasa suman jacañaraquiwa, Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja! Tatitusti yatiñampi, ch'iqhi cancañampiwa sayt'ayi alajjpachsa, acapachsa. ucatsti jaya maranacaw jacasïta, cusisitaw sarnakasiraquïta.
“Juman chuymamaruy catokam cawquïri camachi arunactï jichhüruna churcsma ucanacjja. Ucatsti wawanacamaruw yaticharaquïta; utamanccasina, thaquinjam sarcasina, uqhamaraquiw parlaraquïta iquintañataqui, sartañataquisa.
“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui. “Munat wawajjay, arunacajja ist'asinjja catoketa, ucatsti walja maranacaw jacäta. Nayajj yatiña thaquinjamwa irpäma, suma thaquinjamwa sarnakayaraquïma. Ucansti janiw cuna lanctañamas utjcaniti; ucanjama jalcasasa janiw lanctcätati. Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa. Jucha lurir jakenacan thaquipanjam jan saramti, janiraqui jan wali sarnakäwipsa arcamti. Thaquipan sarnakañjja jan munamti; jupanacatjja jithektam, ucatsti nayrakataru sarantam. Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa. ¡Jupanacan mank'apasa, umañapasa ñankha lurañampi tucjasiñampiquiwa! “Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti. Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa! Nayajj suma yatichäwinacwa churapjjsma; uqhamasti jan jisc'achapjjamti yatichäwinacajj-jja. Munat wawajjay, ewjja arunacajjar ist'am. Ist'apunim ewjjanacajj-jja. Janipuni nayrakatamatjja chhaktayamti, ¡jan ucasti chuymarupuni imam! Uca arunacajj suma jacañwa churi, take qhitinacatejj jicjjatapqui ucanacarojja. Take cuna imatäqui ucat sipansa chuymam imam, jacañamasti uca chuymamatwa juti. C'ari arunaca parlañ jan munamti; saraktam c'arinacatjja. Nayrakatarupuni uñtam, nayräjjat uñtaraquim. Sum amuyasim cawqharutejj tact'ctajj uca chekjja, ucatsti suma chekarupuniw tact'ätajja. Thaquimatjja jan maysaru saranucumti; jan wali sarnakäwinacanjja janipun sarnakañ munamti. Nayasti wawäñjja yatiractwa; taycajjan wali munatayätwa, awquejjasti aqham sasaw yaticharaquitäna: ‘Arunacajjsti chuymamar imam; cuntï siscäma ucaraqui luram, ucatwa jacäta.’
Jan amuyt'an jakejj awquipan yatichäwiparojj jisc'achiwa; awquipar ist'qui ucajj yatiñanïtapwa uñacht'ayi.
Cunjämatejj mä awquejj wawanacapat qhuyapayasquejja, uqhamaw Tatitojj iyawsirinacapat qhuyapayasi;
Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.
Jesusasti taycaparu, uqhamarac wali munat discipuloparu ucqhan uñjasinjja sänwa: —Warmi, ucajjay yokamajja —sasa. Ucjjarusti uca discipulorojj saraquïnwa: —Ucajjay taycamajja —sasa. Ucürutpachaw uca discipulojj Mariarojj utapar irpjjäna.
Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.
Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.
Tatituru jach'añchiri jakensti take chuyma jupar suyt'añaw utji, uqhamarac wawanacapas Tatitun imatäniwa.
Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa. Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.
Wawar chekachañatejj waquischi ucajja, jan uqhamaqui pasayamti, jan ucasti mutuyam, mä kawkha asot'ejja janiw jiwaycaniti; wawarojj chekachäta ucajja, jiwañatwa khespiyascäta.
“Munat wawajjay, arunacajja ist'asinjja catoketa, ucatsti walja maranacaw jacäta. Nayajj yatiña thaquinjamwa irpäma, suma thaquinjamwa sarnakayaraquïma.
Awquinaca, jan wawanacamampejj sinti khorüpjjamti jan jupanacan mayjt'asipjjañapataqui.
Yokall wawanacajjajj alinac taypinjam jiltapjje; imill wawanacajjasti templor thurjjäsir kalanacar uñtatäpjjewa;
Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.
“Munat wawajjay, jumatejj arunacajja catoketäta; camachi arunacajjsa imaraquïta, Yatiñasti chuymamaruw mantätam, ucatsti yatiñan sumätapwa yant'äta. Jumarusti suma ewjja arunacampi, ch'iqhi chuymampiwa imätam; ucanacaw khespiyätam jan wali sarnakäwita, uqhamarac ñankha parlir jakenacatsa. Imaraquïtamwa cheka sarnakäwinaca apanucusina, jan walinac luras sarnakerinacatsa; jupanacasti jan walinac lurañanwa cusisipjje, ñankhanac lurañanwa cusisipjjaraqui. Jupanacasti k'ewi thaquinacan sarnakapjje; cheka thaquitsti maysaruw saranucupjje. “Yatiñ cancañaw jan wali sarnaker warmitsa khespiyätam, koña arunacampi iyawsayir warmita. Uca warmisti chachaparuwa apanucu, Diosampi suma amtäwiru mantatapat armasiraqui. Uca warmin utapar sarañasti, jiwañar sarañ thaquiwa; cawquïri chachanacatejj uca warmimpi utjasir sarapqui ucanacajja janiw cuttancjjapjjeti, janiraquiw wastatampi suma jacañaru cuttanipquiti. yatiñarusa ist'araquïta; ch'iqhi chuymanïñsa jicjjatañ munaraquïta. “Jumasti asqui thaquina sarnakam, asqui jakenacan sarnakäwipan sarnakaraquim. Asqui luriri k'oma jakenacasti, aca orakenwa wiñayatac jacapjjani. Ucampis jan wali sarnaker jakenacasa, jan sum phokhasa sarnakerinacasa, aca oraketjja apanucuta tucjatäpjjaniwa. Ch'iqhi chuymanïñarusa chekap sarnakañarusa take ch'amamampi, kollkerjama, jila alani imat yänacarjama, thakaraquïta ucqhajja, yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!
Tatitutejj jan utachcaspajja, inamayaquiw utachirinacajj ch'am tucusipcaspa; Tatitutejj marcar jan imcaspajja, inamayaquiw marc uñjirinacajj uñch'uquisipcaspa. Willjtat sarnakatanacajj inamayawa, jayp'ucam irnakatas inamayawa, jump'i apsutamp t'ant'a mank'atas inamayawa, Diosajj munat wawanacapan iquiñanacapcam t'ant'a churqui ucapachajja.
Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.
Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.
Waynäpctan ucapach yurirapquistu uca wawanacajj nuwasirin amparapanquir flechanacar uñtatawa.
Qhititejj wawapar jan chekachqui ucajja, janiw wawapar munquiti, ucampis qhititejj wawapar munqui ucajja, chekachiwa.
Yatiñan wawajj awquiparojj cusisiyiwa; qhititejj jan wali sarnaker warminacampi sarnakqui ucasti, kollkepwa tucjasi.
Uqhamatwa jumanacan Tatitu Diosamarojj jach'añchapjjäta, phokhapjjaraquïta camachi arunacapa, leyinacapa churapcsma ucanacaru take jacäwinacamana; uqhamaraqui wawanacaman wawanacapasa, uqhamatwa walja maranaca jacapjjaraquïta.
Cunjämatejj mä taycajj wawaparojj chuymachejja, uqhamaraquiw nayajj jumanacarojj chuymachapjjäma, Jerusalenansti chuymachasiña jicjjatapjjaraquïta.”
Jan amuyt'an wawajj awquiparojj t'akhesiyiwa. T'iñi thakher warmisti jan sayt'as ch'akeri umjamawa.
Jumanacajj Diosan munat wawanacapäpjjtawa, jupajj cunjämäquitejj uqhamäpjjaraquimaya. Cuntejj Diosataquejj asquïqui uc yatekañ munapjjapunim. Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam. Jupanacan jamasan luräwinacapat arsuñas p'enkasiñjamawa; ucampis cunapachatejj take uca jan walinacajja khanaru uñstayatächejja, take cunas khanaw yatisi, khanampisti take cunwa uñjasi. Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa. Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja. Jan tiempjja ina ch'usaru tucuyapjjamti, urunacajj jan walëjjatap laycu. Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam. Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam. Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina. Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.
Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.
janiw wawanacajjarojj imt'apcäti, jutir mita jakenacampiw Tatitur jach'añchapjjä, ch'amapampit muspharcañ luräwinacapampit yatiyapjjä. ¡Walja cutiw Diosarojj jan jaysapcänti, wasarancasaw chuym usuyapjjäna! Wasitatsa, yant'asipcaquïnwa; Israelan Kollanaparuw llaquisiyapjjäna. Janiw jupanacajj amtasipcänti, Diosajj uñisiripan amparapat ch'amapamp khespiycän uca urutjja; Egipto oraken muspharcañanac lurcän ucanacata, Zoán oraken jach'a luräwinac uñachaycän ucanacata, jawiranacar wilar tucuycän ucata, Egiptonquirinacajj jawiranacat jan umt'irjamäpcän ucata. Mich'isir chhichhillanqhanacamp jamp'atunacamp apayanïna, ucanacasti take cun mank'antapjjäna, tucjapjjaraquïna, jump'ipamp achuyat yapunacsti, t'ijut'ijunacaruw catuyäna, higo yapunacarojj chhijchhimpiw t'unjäna, uva yapunacarusti juyphimpiw tucjaraquïna. Vaca tamanacapajj chhijchhimpiw jiwarapjjäna, ovej tamanacapasti khejjokhejjompiw tucusipjjäna. Diosaw jach'a k'apisiñap jupanacatac nactayäna, k'apisiña, juchañchaña, llaquisiñ apayanïna, ucanacajj t'unjir qhitanacar uñtatäpjjänwa. Diosaw Jacobotaquejj mä thac uñstayäna, Israel marcaruw camächit arunac churäna: jupaw nayra awquinacasarojj mayïna, wawanacapar yatichañataqui, Ucanac tokew Diosajj k'apisiñap samarayasïna: janiw jiwañat jupanacar khespiycänti, jan ucasti jiwañaruw catjjaruyäna; pachpa Egipto marcan jiwarayäna, sapakat utanquir tayna yokall wawanacaru. Israel marcarojj mä ovej tamar uñtat irpsunïna; tamar uñtat wasar chekanjam anaquïna. Wali thuriñchat jupanacarojj irpäna, jan ajjsarayasipjjañapataqui, timanacaparusti lamar kotaw p'amp'antäna. Diosaw marcaparojj kollan oraker irpantäna, jupan cutsuyasit kollunacaruw puriyäna. Israel marcan nayrakatapatjja, Tatitur jan uñt'ir marcanacarojj ananucünwa; ayllunacaparuw orakenac laquintäna, chhujllanacapan jacayaraquïna. Jupanacasti Alajjpachanquir Diosarojj, arsutanacapar jan yäkasaw yant'apjjäna, kallasipjjaraquïna, awquinacapjamaw Diosarojj apanucupjjäna, mays uñtapjjaraquïna; p'aquisir arcor uñtataw c'umthapipjjäna; jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna. Diosajj uc uñjasajj k'apisïnwa, Israel marcarusti apanucupunïnwa; jutir mita jakenacan uca leyinac yatipjjañapataqui, uca khepat yurir wawanacas uñt'apjjañapataqui, jupanacasti wawanacapar yatiyapjjañapataquiraqui; Silo chekan utjäwip jaytanucjjäna, jakenac taypin kollan utjäwip apanucjjäna. Aytat cancañ chimpupsa, ch'aman cancañ chimpupsa, timasirinacapampiw apakayjjäna. Marcapataquejj wali k'apisitänwa, timapan espadaparuw jupanac catjjaruyäna. Waynanacajj ninamp naqhantayataw jiwarapjjäna; jakechasir tawakonacataquejj janiw warurt'añanacajj utjcjjänti; sacerdotenacajj espadamp jiwayatäpjjänwa, warminacapasti janiw jupanacat jachapcänti. Tatitusti iquïwitjam sartäna, vinomp machjat nuwasir jakjamaw p'arjjtäna, timanacaparojj atipjasin alisnucüna; wiñayataquiw p'enk tucuyäna. Josean wawanacaparus jakonucünwa, janiw Efraín ayllurojj ajllcänti: Judá aylluruw ajllïna, Sión munat kollupampiruw chhijlläna. Kollan chekawjapjja, alajjpachjam utachäna, orakerjamaw wiñayatac thuriñchat sayt'ayaraquïna. Diosar takpach chuymapamp iyawsapjjañapataqui, luräwinacap jan armapjjañapataqui, arsutanacap wakaychapjjañapataqui;
Jumajj yattaw camachinacjja: ‘Janiw wachoka juch lurätati, janiw jiwayätati, janiw lunthatätati, janiw c'ari parlätati qhitjjatsa, awquimaru taycamarus jach'añcham’ —sasa.
Diosajj munpan Jafet wawajjan waljanïñapa, Sem wawajjan orakenacapan jacaracpan, Canaanasti esclavoparaquïpan” sasa.
Uqhamaraqui wawanacamarojj yatichapjjam uca arunacata utamanccasina, thaqui sarcasina, uqhamaraqui iquintañataqui, iquiñat sartañataquisa.
Ucampis qhititejj nayar ist'quitani ucajja, sumancañanwa jacasini, ucatsti janiw ajjsarayascaniti cuna jan walt'añanacansa.’
Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”
“Cunapachatï wawanacamajj mä uru jisct'apjjätam: ‘¿Cun sañsa muni uca camachi arunaca, leyinaca, arsutanaca, cawquïrtï Tatitu Diosasajj churawayquistu ucanacajja?’ sasa. Jumanacasti jupanacarojj sapjjätawa: ‘Jiwasasti faraón reyin esclavopäyätanwa, Egipto marcanjja, ucatsti Diosaw irpsunipjjestu wali ch'amapampi. Jiwasasti uñjtanwa Diosan jach'a uñacht'äwinacapa, jach'a milagronacapsa, Egipto marcan luratapa faraón contra, uqhamaraqui take utapanquiri jakenac contra. Ucatsti jiwasarojj irpsunipjjestuwa uca chekatjja, cawquïri oraktï arupampi arsusina awquinacasaru churä siscatayna ucaru, ucatwa jiwasaru aca orak churistu. Ucatsti Tatitu Diosajj take uca camachi arunaca phokhañwa jaytistu, ajjsartañ chuymampi, uqhamata take uruna suma sarañasataqui, cunjämatï jichhürcam sarnakasctan uqhama. Uqhamwa jiwasajj uca camachi arunacapa take chuymampi Dios nayrakatana cunjämtï ewjjawayquistu uqhamana phokhasajj walic lurasctanjja’ sasa.
Qhititejj waquisitaparu yapu apthapqui ucajja, amuyt'asiri jakewa, ucampis qhititejj yapu apthapiña horasana iquisqui ucajja p'enkachatäniwa.
Jan amuyasisa utapa apanucurejja, jan cunaniw kheparani; jan amuyt'an jakejja, yatiñan jaken sirviripäniwa.
Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.
Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti. Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.
“Cunjämtï jumanacajj jakenacampi uñjatäñ munapctas uqhamarac jumanacajj jupanacar uñjapjjam, Leyimpin, profetanacan kellkatanacapampin uqham yatichi.
¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa. Ñankha lurir jakesti jupar uñjasajj k'apisiwa, jan camächirjamäjjasajj laca ch'aqhanacap t'urusi. Ñankha jakenacan inampst'añ chuymapajj aynacht'aniwa. Asqui jaken allchhinacapajj acapachan kollanäpjjaniwa, sarakerinacapasti oraken munañanïpjjaniwa.
Jank'o ñic'utanëjjañajja mä suma coronjamawa, cheka thaquin sarnakatata jicjjatatajja.
Wawanacajja, jiwasan munasiñasajj janiw lacaquïñapäquiti; jan ucasti chekpach munasiñasajj luräwinacasana uñjasiñapawa.
Qhuyapayasirïqui ucajj, jupa pachpataquiwa asqui lurasqui, ucampis khorüqui ucasti, jupa pachpataquiwa jan wal lurasqui.
Walja korinïñata sipana, uqhamarac walja kollquinïñata sipansa, juc'amp asquiwa suma jaketa uñt'atäñajja.
Jan wawachasir warmirojja, wawanacanïcaspas uqham cusisit taycaruw tucuyi, pachpa utapan lurañanac catuyasa. ¡Tatitojj jach'añchatäpan!
Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.
“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui.
Janiw cunatejj jan walïqui ucatjj cusisiñ yatquiti, jan ucasti cunatejj chekapäqui ucat cusisiñ yati. Take cun t'akhesi, take cun iyawsi, take cun llamp'u chuymampi suyt'araqui.
Pisi amuyt'amp lurañasti, waynanacan amuyupawa; ucasti apakasiwa jawk'ampi chekachatän ucqha.
Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.
Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.
Ucanacan jakejj cusisiñaniwa. Janiw timanacapamp p'enkachat uñjascaniti, janiraquiw ch'ajjwan atipayascaniti.
“Uñtam khepa tokeru, amuythapisiraquim nayra maranacatsa; awquimarus mayiraquim ucat parlañapataqui, uqhamaraqui jilïri jakenacampi parlayasim:
Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa. Qhititejj jan munasiñanïqui ucajj janiw Diosar uñt'quiti, Diosajj munasiñawa.
Uqhama misq'jamäniwa jumataquejja yatiñ cancañasa, uñt'añasa; jumatejj ucanac jicjjatäta ucajja, suma tucuyäwi jicjjatäta, ucatsti suyt'äwimajja janipuniw tucjatäcaniti.
Qhitinacarutejj manüpctas ucjja phokjjapjjaraquim. Kollke churañ utjchi ucajja churapjjam. Impuesto manüpctas ucjja phokhapjjam. Ajjsarañäqui ucarojj ajjsarapjjaraquim. Yäkañäqui ucarojj yäkapjjam.
“Qhititejj mä jisc'a wawanacaru juchar tincuntayanejja, uca jakejj walïspawa mä jach'a molino kalampi cuncar chinuntasina kota mankharu jakontatäñapajja.
Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.
Isaacasti ucapachajj Jacobor jawsasinjja bendicïnwa, ucatsti saraquïnwa: “Janipun aca Canaán oraken jaquir warminacampi casarasimti.
Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.
Munat wawajjay, jumatejj yatiñ cancaña jicjjatäta ucajja, nayajj wali cusisitäyäwa; jumatejj chekpuni parläta ucajja, nayajj walipuniw cusisëjja.
Sapa mayniw jiwasanacajj jake masisatac take cunansa sumäñasa, jupan iyawsañapajj jiltañapataqui.
Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.
Diosasti siwa: ‘Awquimar taycamar jach'añcham. Awquiparu taycaparu ñankhachirejja jiwañapawa’ sasa. Ucampis jumanacajj sapjjtawa: ‘Mayni jakejja awquiparojj saspawa jan ucajj taycaparusa: —Janiw yanapquirismati, take cunatejj utjquitu ucjja Diosaruw churjjta —sasa. Take uqham sirinacasti, janiw awquiparus ni taycaparus yanapañapäcjjeti.’ Uqhamatwa jumanacajj Diosan camachipa apanucusina awquinacamana amtäwinacaparuqui arcasipctajja.
Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam. Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.
Janipun qhitirus manüpjjamti, jan ucasti jumanac pura munasiñanac manüpjjam. Jake masipar munirejja cuntejj leyejj sisqui ucwa phokhe.
Wawanacapasa, chachapasa juparojj jach'añchapjjewa, aqham sasa: “Walja suma warminacaw utjapjje, ucampis jumajj take uca warminacat sipansa juc'amp sumätawa” sasa.
¿Qhitis sasapänjja nayan Abrahamatac wawanïñajj-jja? Ucampis jichhajj jupataquejj mä yokall wawanïtwa, jupajj sinti chuymanïcjjchi ucasa” sasa.
Qhititejj Diosan leyip phokqui ucajja, ch'iqhi wawawa, ucampis sinti mank'er jakenacampi chicachasiri wawasti, awquiparojj p'enkachayiwa.
Yakhep jakenacajj awquiparojj ñankhachapjjewa; janiraquiw taycaparus bendisipquiti.
Diosar munañajja camachinacar phokhañawa; camachinacapasti janiraquiw jan phokhañjamäquiti,
Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.
Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti.
Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu. Takpach leyejj aca mä sapa camachir tucutaquiwa: “Jake masimarojj juma quicparjam munasim” sasa.
Bendicitäñatac arsuta nayrïri jach'a camachejja acawa: “Awquimar taycamar jach'añcham, Diosajj nayarojj aca arunacatjja mä uñt'ayiritjamwa qhititu, ucataracwa jichhas preso catuntatäsctjja. Diosat mayipjjam, nayajj cunjämtejj take ch'amampi aca arunac parlañajjäqui uqham parlañajjataqui. Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa. Ucataquiw qhitanta, cunjämäsipctejj uc jumanacaru yatiyañapataqui, uqhamat juc'amp jumanacaru ch'amañchañataqui. Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan. Diosajj bendispan qhitinacatejj Tatit Jesucristosaru jan pächasisa munapqui ucanacarusa. cusisitäñamataqui, uqhamarac jaya maranac aca oraken jacañamataqui.”
Yupaychañäni Jesucristo Tatitusan Dios Awquiparu. Jupaw jiwasar qhuyapayasir Awquisajja, uqhamarac chuymachirisasa. Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama.
Uqhamasti, jumanacajj purapat catokasipjjam cunjämtejj Cristojj jiwasanacar catokquistu Diosan gloriapataqui uqhama.
Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.
Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.
Esaú yokapasti uca arunac ist'asinjja wal jachäna, warariraquïnwa aqham sasa: —¡Awquejja, nayarojj bendicionamjja churaraquitaya! —sasa. Isaacasti juparojj saraquïnwa: —Jilamaw jutasin nayar engañitu, ucatsti cunatejj jumataquïcän uca bendición jupataqui apasjjaraqui —sasa.
Yatiñ cancañampiwa utajj lurata, cimientonacapasa ch'iqhi cancañampiwa uchantataraqui. Jayra jaken yapu jac'apwa pasawayta, pisi amuyt'an jaken uva yapup jac'a. Ucatsti yapupwa uñjta ch'aphinacampi chhaktayata, kala uyupasa liju tucjataraqui. Uqham uñjasinsti chuymajjanjja amthapistwa; uc uñjasinsti aca yatichäwi yatekta: jumajj juc'ampis ict'ascactawa, amparanacamsa khomjjarusiscactawa sum iquiñataqui, uccañcamasti pobrernucstañawa acatjamata catuntätam, mä muyuycu jakjama wali ch'amampi. Ucatjja uta mankherojja yatiñampiw phokhantataraqui, jila alani muncaña yänacampi.
Jakenacajj wawanacapan wawanacapcamaw luratanacam aytani, muspharcañ luratanacam yatiyapjjani.
Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja. Jupajj yatiñampiwa parli, ucatsti munasiñampiw yaticharaqui.
Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.
Jesusasti juparojj sänwa: —‘Tatit Diosamaruw munäta take chuymamampi, take almamampi, take amuyumampiraqui.’ Acawa taket sipansa jach'a camachejja. Payïri camachisti ucar uñtataraquiwa: ‘Jake masimarusti juma quipcarjam munaraquim.’
Jichhasti sum ist'ita cuntejj nayajj amuyt'aycäma ucjja, Diosawa jumampïscani. Jumaw, marca lantjja Diosaru maqhatañama cuna jan walinacatejj utjqui ucanac yatiyañataqui. Cunapachatejj Moisesajj Séfora sat warmiparu qhithanuccäna ucqhajja, Moisesan Jetro sat awcch'ipajj warmiparu, uqhamarac pani wawanacaparojj catokänwa. Ucat jupanacarusti yaticham Diosan camachi arunacapa, uqhamarac yatichäwinacapsa; uca quipcaraqui yatiyaraquim cunjämtejj jacapjjañapäqui, uqhamarac cuntejj lurapjjañapäqui ucanaca.
“Jilamatejj cuna jan wals lurätam ucajja, jupampi sapa pur parlt'am, saraquim cuna jan waltejj lurctam uca. Uca ewjjt'amarutejj ist'ätam ucajja, jilamampejj sumancthapjjtawa.
“Jichhasti, wawanacajjay, ist'apjjeta; nayar arcapjjeta, ucatsti cusisitäpjjätawa. Ist'apjjam yatichäwinacaru, jan yatiñ cancañarojj jisc'achapcamti.
Wawajjay, sum ist'am, ucatsti yatekaraquim; suma thaquïqui ucpuni sarañ munam. Jumajj wali mank'at awtjatäscamsaya, juc'ac mank'am; Machir jakenacampejj jan mayachasimti, janirac sinti mank'eri jakenacampisa. Machirinacasa, sinti mank'erinacasa tucjasiñaruw puripjje, jayra jakenacasa isitsa thantharnucstataw sarnakapjje.
—Acanacajj cuntejj Diosajj aca Egipto oraken churquitu ucanacawa —sasaw Joseajj saraquïna. Awquipasti saraquïnwa: —Uca wawanac jac'ar irpcatanim nayan bendiciñajjataqui —sasa.
Diosajjay, wayna cancañajjatpach yatichasista, nayasti jichhürcamaw muspharcañ luratanacamat yatiyascta; Diosajjay, ch'ama karit pachan uñjascasasa, jank'o ñic'utan pachanccasasa, janiquiy jaytanuct'asistati, jutir mita jakenacar ch'amamat yatiyañajjaw wact'asquitu.
Jaquirinacaquiw yupaychapjjeristamjja, cunjämtejj nayajj jichhüru jumaru yupaychsma uqhama. Awquinacajj wawanacaparojj juman chekapätam parlapjje.
Uqhamapï iyawsañasa, suyt'añasa, munasiñasa jan tucuscanitejja, ucampis aca quimsatjja munasiñapuniw jilt'atajja.
Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa. Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.
Tatitur wakaychir jakerojj, arcañ thaqui uñacht'ayi: asquinacampiw juparojj muyuntayi, wawanacaparusti orak catokasjjañapataquiw churjje.
Maynit maynicama jilapurjama munasipjjam. Jiwasanacan sacrificiosajj mayjawa, ucatjj janiw “mank'am” satäquiti uca nayra santuariot mank'eri sacerdotenacarojja. Judío jilïr sacerdotejj animalanacan wilapwa api kollan chekawjaru mä ofrendjama juchanac apakañataqui, ucatsti uca animalanacan aychapjja campamentot ankanwa naqhantayapjje. Uqhamaraquiw Jesusajj marcat ankana jiwayatäna, jakenacaru suma k'omachañataqui jupan pachpa wilap toke. Sarapjjañäniy campamentot ankäjjaru Jesusjama jan qhitins yäkata cunjämtejj Jupajj t'akhesiwaycän uqhama. Aca orakenjja janiw wiñay utjir marcajj utjquistuti, jan ucasti thakasctanwa cawquïr marcatejj jutcani uca. Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni. Janiraqui armt'asipjjamti asqui lurañatjja, uqhamarac maynit maynicama cunanacamatejj utjapctam uc jaljasiñsa; uca casta sacrificiow Diosarojj cusisiyi. Ist'apjjam irpirinacamarojja, jaysapjjaraquim jupanacarojja; jupanacaw almanacamatjja llaquisipjje, Diosar take jumanacat cuenta churañäqui uc yatisina. Janirac ch'amsa tucuyapjjamti, jan ucasti cunatejj juparojj cusisïyqui uc lurapjjam, jan uqhamäspajja janiw cuna asquïcaspas jumanacataquejja. Orapjjamay nanacataqui. Yatisipjjaractwa nanacan chuymanacajjajj waliquïscatapa take cunans sum sarnakañ munapjjatanacajj laycu. Jumanacatjj mayipjjaracsmawa oracionanacamana, Diosajj janc'ac wasitampi jumanacamp jiquisiyañapataqui. Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.
Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.
Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa: arust'äwiparjam sarnakerinacataqui, arsutanacaparjam phokherinacataqui.
Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.
Wawanacajjajj Tatituruw yupaychapjjani, jupjjatsti wiñayaw parlapjjani; jupanac khepat yuririnacarusti, Tatitun chekapar uñjirïtapat yatiyapjjani, asqui luratanacapat yatiyapjjaraquini.
Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.