Mateo 19:14 - Qullan Arunaca

¹⁴ Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

Aymar Bibliia 1986

¹⁴ Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

Qullan Arunaka DC

¹⁴ Jesusasti sarakïnwa: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa —sasa.

Mateo 19:14 Jak'a apnaqawi uñst'ayäwi

Génesis 21:4

ucatsti nacitapat quimsakallko uru sarakataruw circuncidaraquïna, cunjämarutejj Diosajj sawaycatayna uqhamarjama.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 19:15

Jesusasti amparapampi uqham wawanacaru lokjjatasinwa yakha tokeru sarawayjjäna.

Mateo 5:10

“Cusisiñanïpjjew qhitinacatejj Diosan munañaparjam sarnakatap laycu uñisitäpjje t'akhesiyatäpjjaraqui ucanacajja, Diosan reinopasti jupanacancaraquiwa.

Mateo 5:3

“Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Marcos 10:14

Jesusasti uc uñjasinjja colerasïnwa, ucatsti saraquïnwa: —Wawanacajj nayan ucar jutasipcpan sam, jan jarc'apjjamti, jupanacjamanquiwa Diosan reinopajja.

Marcos 10:15

Khanacwa sapjjsma, qhititejj jan mä wawar uñtata Diosan reinop catokcan ucajja, janiw cunapachas ucar mantcaniti —sasa.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

Jueces 13:7

Ucampis jupajj situwa: Jumajj usuriptasajj mä yokall wawanïyätawa, jichhürutsti janiwa cuna machjayiri vinonacsa umätati ni cuna jan wali k'añunacsa mank'araquïtati. Uca wawasti Diosaru loktatäniwa mä nazareojama nazcani ucqhata, jiwañapcama” sasa.

1 Samuel 1:11

aqham sasa: “Take ch'aman Tatitu, jumatejj aca sirviriman t'akhesitap uñtanïtajja, ucat nayat amtasiraquitätajja, mä wawsa apayaraquïtätajja, nayajj uca wawa jumar sirviritaquiw uywä, uca arsüwiru phokhañataquisti, señälajj acäniwa: Janiw ñic'utapajj mururascaniti” sasa.

1 Samuel 1:22

ucampis Anajj janiw sarcänti, jan ucasti chachaparojj sänwa: —Janiw nayajj sarcäti, aca wawaru ñuñu t'akañajjcama. Ucapachaw nayajj wawarojj irpjjä Tatitur churjjañataqui, ucat ucan wiñaya kheparjjañapataqui.

1 Samuel 1:24

Cunapachatejj wawarojj ñuñu t'akjjän ucapachasti, jupampi chicawa Tatitun temploparu irparaquïna Silo ucaru, wawasti jisc'äscaraquïnwa. Uqhamaraquiw quimsa vaca kallunacampi, pä tunca payan kilo trigompi, mä lip'ich wayaka vinompi aparaquïna.

1 Samuel 2:18

Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.