Mateo 19:13 - Qullan Arunaca

¹³ Mä kawkha wawanacaracwa Jesusan ucaru irpanipjjäna, jupanacjjaru Jesusajj amparapampi lokjjatañapataqui ucat orañapataquiraqui. Ucampis discipulonacapajj uqham uñjasinjja tokenokapjjänwa uca wawa irpanirinacarojja.

Aymar Bibliia 1986

¹³ Mä kawkha wawanacaracwa Jesusan ucaru irpanipjjäna, jupanacjjaru Jesusajj amparapampi lokjjatañapataqui ucat orañapataquiraqui. Ucampis discipulonacapajj uqham uñjasinjja tokenokapjjänwa uca wawa irpanirinacarojja.

Qullan Arunaka DC

¹³ Ukatsti wawanakaruw Jesusan ukar irpanipxäna, jupanakxar amparapampi luqxatañapataki, jupanakatak Diosat mayiñapataki; yatiqirinakapasti uk uñjasin wawanak irpanirinakaruw tuqinuqapxäna.

Mateo 19:13 Jak'a apnaqawi uñst'ayäwi

Génesis 48:1

Mä kawkha tiempo pasipansti Josearojj awquipan usutätapwa yatiyapjjäna. Ucatsti Joseajj uñjiriw sararaquïna, Manasés, uqhamarac Efraín wawanacapas irpt'ata.

Jeremías 32:39

Jupanacarusti take urunacapana nayaru jach'añchquirwa tucuyaraquëjja, pachpa jupanacan asquipataqui uqhamaraqui wawanacapan asquipataqui.

Mateo 16:22

Uc ist'asinjja Pedrojj yakhawjar irpakt'asinwa sapaparu wal ewjjt'äna: —¡Diosajj jan munpati ucjja! ¡Janiw ucajj jumar pasañapajj waquiscaspati! —sasa.

Mateo 19:12

Cunayman amuyunacaraquiw utji jaken jan casarasiñapataquejja. Yakhepanacajja jan casarasiñataquiw naci, mayninacasti jake masipan uqham jan casarasquiri tucuyataraquiwa, mayninacasti Diosan reinop laycuw jan casarasipcaraquiti. Qhititejj uqham tucurjamächi ucajj uqham tucpan —sasa.

Mateo 20:31

Jakenacasti amuct'ayañ munapjjäna uqham arnakapjjëpanjja, jupanacasti juc'ampwa art'apjjäna: —¡Tata, Davidan Yokapa, qhuyapt'ayasipjjetay nanacata! —sasa.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

1 Corintios 7:14

Jan iyawsiri chachasti, iyawsiri warmimpi casadötap laycuwa Diosar catuyatäjje. Uqhamaraquiw jan iyawsiri warmisa, iyawsiri chachampi jacatap laycuwa Diosar catuyatäjjaraqui. Jan uqhamäcaspa ucqhajja wawanacamajj jan iyawsiri jakenacan wawanacapjamaquïspawa, ucampis jichhajj uca wawanacajj Diosar catuyatäjjaraquiwa.

1 Samuel 1:24

Cunapachatejj wawarojj ñuñu t'akjjän ucapachasti, jupampi chicawa Tatitun temploparu irparaquïna Silo ucaru, wawasti jisc'äscaraquïnwa. Uqhamaraquiw quimsa vaca kallunacampi, pä tunca payan kilo trigompi, mä lip'ich wayaka vinompi aparaquïna.