Mateo 19:12 - Qullan Arunaca

¹² Cunayman amuyunacaraquiw utji jaken jan casarasiñapataquejja. Yakhepanacajja jan casarasiñataquiw naci, mayninacasti jake masipan uqham jan casarasquiri tucuyataraquiwa, mayninacasti Diosan reinop laycuw jan casarasipcaraquiti. Qhititejj uqham tucurjamächi ucajj uqham tucpan —sasa.

Aymar Bibliia 1986

¹² Cunayman amuyunacaraquiw utji jaken jan casarasiñapataquejja. Yakhepanacajja jan casarasiñataquiw naci, mayninacasti jake masipan uqham jan casarasquiri tucuyataraquiwa, mayninacasti Diosan reinop laycuw jan casarasipcaraquiti. Qhititejj uqham tucurjamächi ucajj uqham tucpan —sasa.

Qullan Arunaka DC

¹² Kunayman amuyunakaw jaqin jan jaqichasiñapatakix utji: yaqhip chachanakax jan jaqichasiñatakiw yuri, yaqhiparusti jaqinakaw jan jaqichasir tukuyi, yaqhipanakasti Diosan qhapaq markapar munasitap laykuw, jan jaqichasis jakapxi. Khititix uk amuychixa, ukham amuypan —sasa.

Mateo 19:12 Jak'a apnaqawi uñst'ayäwi

Isaías 39:7

Yakhepanacat pachpa wawanacamarus Babiloniaruw apapjjaraquini capsupjjaraquiniwa, ucatsti reyin palaciopan sirviñapataquiw uscupjjaraquini.’

Mateo 19:11

Jesusajj saraquïnwa: —Janiw takenis suma amuyt'apcaspati, jan ucasti take qhitinacarutejj Diosajj amuyt'a churqui ucanacaquiwa.

Mateo 19:13

Mä kawkha wawanacaracwa Jesusan ucaru irpanipjjäna, jupanacjjaru Jesusajj amparapampi lokjjatañapataqui ucat orañapataquiraqui. Ucampis discipulonacapajj uqham uñjasinjja tokenokapjjänwa uca wawa irpanirinacarojja.

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

1 Corintios 9:5

uqhamaraqui mä Tatitur iyawsiri warmi nayamp chica irpañataquis mayni apostolonacjama, cunjämtï Tatitun pachpa jilanacapasa, Pedros lurqui uqhama.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.