2 Timoteo 3:15 - Qullan Arunaca

¹⁵ Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Aymar Bibliia 1986

¹⁵ Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Qullan Arunaka DC

¹⁵ Ukhamarus jumax wawatpach Tatitun arunakap yattaxa, uka arunakaw yatichätam, Cristo Jesusar iyawsatam laykuw qhispiyasiñar irparakïtam.

2 Timoteo 3:15 Jak'a apnaqawi uñst'ayäwi

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

Salmos 19:7

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Salmos 71:17

Diosajjay, wayna cancañajjatpach yatichasista, nayasti jichhürcamaw muspharcañ luratanacamat yatiyascta;

Proverbios 22:6

Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Eclesiastés 12:1

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.

Daniel (hebreo) 10:21

Jichhasti saraquïmawa cunanacatejj chekapa libron kellkatäqui uca arunacjjata; uca angelanacampi nuwasiñajjanjja, Israel marcar arjjatiri Miguel sat angelaquiw nayarojj yanapt'itu.’

Mateo 22:29

Jesusasti jupanacarojj sänwa: —Jumanacajj wali pantjatäpjjtawa, Kellkatanacsa uqhamarac Diosan ch'amapsa jan uñt'apjjatam laycu.

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Lucas 2:40

Wawasti jiltänwa ch'amansa, yatiñansa, Diosasti wal juparojj bendiciraquïna.

Lucas 24:27

Ucatwa amuyt'ayañ kallti jupa toket take kellkatanacajj parlqui ucanacata, Moisesan libropat kalltasina, profetanacan take kellkatanacapat yatjjatasa.

Lucas 24:32

Ucat jupanaccama sasipjje: —¿Janit khanpacha chuymanacasajj nacquistänjja thac jiwasamp chic jutascäna, uqhamarac Kellkatanacat amuyt'ayasquistäna ucqhajja? —sasa.

Lucas 24:45

Ucapachaw Kellkatanacatjj jupanacarojj amuyt'ayäna.

Juan 5:47

Ucampis jupan kellkatapar jan iyawsapcsta ucajja, ¿cunjämsa iyawsapjjäta nayan arsutajjarojja?”

Hechos 10:43

Take profetanacaraquiw uca Jesusjjat parlapjjäna: Take qhitinacatejj jupar iyawsapqui ucanacajj jupan sutip laycuw juchanacapat perdón catokapjjani —sasa.

Hechos 13:29

Ucatsti take cunatï jupjjat kellkatäcäna ucanac phokhasjjepanjja, cruzat apakasinjja sepulturaruw imjjapjjäna.

Hechos 16:1

Pablompi Silasampisti Derbe uqhamaraqui Listra marcanacaruw puripjjäna. Ucansti Timoteo sutini mä iyawsiriruw jicjjatapjjäna. Ucasti mä iyawsiri judío warmin yokapänwa, awquipasti griego jakeraquïnwa.

Hechos 17:2

Pablosti luräwiparjamajj uca sinagogaruw saräna. Ucansti quimsa semanaw jupanacampejj sapa samarañ urun parläna.

Hechos 26:24

Pablon uqham arsusitapatjja Festojj jach'atwa art'i: —Lokhëtaw, Pablo. Sinti yatjjatatamaw lokheptaytam —sasa.

Romanos 1:2

Khespiyasiñajj jakenacatac utjatapjja, Diosajj nayra urunacatpachwa arsuwayäna profetanac toke, kollan Kellkatanacana.

Romanos 16:26

Jichhasti take acanacajj khanañchasiwa Kellkatanac toke, cawquïrinactejj profetanacajj jaytawaycatayna wiñay Diosan arunacaparjama uca. Aca jan uñt'at yatichäwisti khanañchasiwa take jakenacajj juparu iyawsapjjañapataqui, jaysapjjañapataquiraqui.

Romanos 2:27

Qhititejj janchipan jan circuncidatäqui, ucatsti Moisesan arunacaparjam sarnakcaraqui ucajja, jumarojj juchañchätamwa. Jumajj yatisctawa, Kellkatas utjascaractamwa circuncidatäscaractawa uqhampachas jan ist'atam laycuw juchañchätam.

1 Corintios 1:21

Diosajj yatiw cuna luratapsa. Amtäwipansti janiraquiw acapacharojj jakenacan yatïwinacap toke khespiyañ munquiti, jan ucasti Diosajj arunacap tokew jakerojj khespiyañ muni, take qhitinacatï juparu catuyasqui ucanacaru. Uca parläwisti mayninacataquejj lokhe cancañar uñtatäcaspasa uqhamawa, uca tokwa Diosajj jakerojj khespiyañ munaraqui.

Efesios 6:4

Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

Deuteronomio 4:6

Uqhamaraqui uca leyinacjja jumanacampi chica imapjjam ucar phokhasaraqui sarnakapjjam, uqhamatwa take marcanacas yatipjjani, jumanacan suma amuyt'anïpjjatama; cunapachatï uca leyinac yatipjjani ucqhajj jupanacajj sapjjaniwa: ‘Cunja suma amuyt'an marcas aca marcajj’ sasa.

1 Timoteo 4:13

Nayan puriniñajjcamajja, jakenacan nayrakatapana Diosan arunacap leeñaru uchasim, jilatanacar ch'amañchasina, uqhamarac yatichasina.

2 Timoteo 1:1

Naya Pablojj Jesucriston apostolopätwa, Diosan munañapat qhitata, cunjämatejj arsüwejj utjqui Cristo Jesusampi mayaru tucusin jacañjjata.

2 Timoteo 1:5

Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.

2 Pedro 3:16

Take cartanacapanwa aca tokenacatjja parlapjjäyätamjja, yakhepanacajj jan amuyt'añjamäcchi ucasa. Jan amuyt'ani pisi iyawsañan jakenacasti uca arunacjja maysaruw k'ewipjjaraqui jupanacan amuyunacaparjama, jupanacpach ucanacampi t'unjatäñataqui.

Apocalipsis 19:10

Nayasti angelan cayunacaparuw quillt'asta yupaychañataqui, ucampis jupajj saraquituwa: “Jan ucjj luramti. Nayajj jumjama, uqhamarac qhitinacatejj Jesucriston khanañchataparu take chuymampi arcapqui, ucanacjam sirviriquiraquïtwa. Ucampis Diosar yupaycham” sasa. Uca Jesucriston khanañchatapasti Diosat parlirinacaruw amuyt'ayi.

1 Samuel 2:18

Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.