Génesis 48:9 - Qullan Arunaca

⁹ —Acanacajj cuntejj Diosajj aca Egipto oraken churquitu ucanacawa —sasaw Joseajj saraquïna. Awquipasti saraquïnwa: —Uca wawanac jac'ar irpcatanim nayan bendiciñajjataqui —sasa.

Aymar Bibliia 1986

⁹ —Acanacajj cuntejj Diosajj aca Egipto oraken churquitu ucanacawa —sasaw Joseajj saraquïna. Awquipasti saraquïnwa: —Uca wawanac jac'ar irpcatanim nayan bendiciñajjataqui —sasa.

Qullan Arunaka DC

⁹ Joseasti ukxaruw sarakïna: —Jupanakax Diosax aka Egipto uraqin churkitu uka wawanakawa —sasa. Ukat awkipax säna: —Uka wawanak jak'ar irpkatanirapita, nayan aski waxt'äwinak churañaxataki —sasa.

Génesis 48:9 Jak'a apnaqawi uñst'ayäwi

Génesis 27:4

Ucatsti mä suma mank'a phayt'arapita, cunjämtejj munirïctjja uqhama, ucatsti apanirapita nayan mankt'asiñajjataqui. Ucat nayajj bendición churawayjjäma janïr jiwcasina —sasaw säna.

Génesis 30:2

Jacobosti Raquel warmipataquejj colerasïnwa, ucatsti saraquïnwa: —¿Nayasti Diosätti? Jupajjay jan wawa apaycstamtejja —sasa.

Génesis 33:5

Ucatsti Esaú jilapajj warminacaru, wawanacaruw uñcataraquïna, ucatsti jisct'araquïnwa: —¿Acanacajj qhitinacasa? —sasa. —Ucanacajj cuntejj Diosajj sirvirimaru churqui ucanacawa —sasaw Jacobojj saraquïna.

Génesis 49:28

Acanacaw Israelan tunca payani tribunacapajja, aca arunacaracwa awquipajj arsuwayi sapa mayniru bendición churasajja.

1 Crónicas 25:5

Take acanacaw Hemán chachan wawanacapänjja, reyer sirviñana uñjiri uchataraqui, cunjämtï Diosajj jupar arscäna lurañataqui wali ch'amani tucuyañataqui uqhamaru; ucatsti Diosajj Hemán chacharojja tunca pusini yokall wawanacwa churäna, quimsa imill wawanacaraqui.

Salmos 127:3

Yurirapquistu uca wawanacajj, Tatitun asqui churäwinacapawa.

Isaías 8:18

Nayampi, uqhamarac Tatitojj churquitu uca wawanacajjampisti, Israel marcataquejj mä muspharcañ unañchjamäpjjtwa, take ch'amani Tatitun usct'ata, Sión kollun jaquiriraqui.

Deuteronomio 33:1

Janïra jiwcasinjja, Diosan wawap Moisesajj aca bendicionanacwa Israel marcar churäna,

Hebreos 11:21

Iyawsäwi tokeraquiw Jacobojj niya jiwañampëjjäna ucqhajja, bendición churäna Josean sapa mayni wawanacaparu, ucatsti Diosarusa yupaychäna thujrupata thujrt'asisina.

1 Samuel 1:20

Uqhamatwa Anajj usur jakeptawayi, wawachasiñ horasa purinjjepansti, mä yokall wawa wawachasïna, Samuel sasaw uca wawarojj suticharaquïna, Tatitut uca wawjja mayitap laycu.

1 Samuel 1:27

Nayajj Tatituruw aca wawa apayañapataqui mayiyäta, jupajj mayisitajjarojj ist'ituwa.