Génesis 48:10 - Qullan Arunaca

¹⁰ Israelasti sinti chuymanëjjaraquïnwa, nayrapas juyct'jjaraquïnwa. Janiw khana uñjañ puedcjjänti, uqhamasti Joseajj wawanacapwa awquipar irpcati, jupasti khomantasisin jamp'att'asi.

Aymar Bibliia 1986

¹⁰ Israelasti sinti chuymanëjjaraquïnwa, nayrapas juyct'jjaraquïnwa. Janiw khana uñjañ puedcjjänti, uqhamasti Joseajj wawanacapwa awquipar irpcati, jupasti khomantasisin jamp'att'asi.

Qullan Arunaka DC

¹⁰ Jacobusti sinti chuymanïxänwa, nayrapas juykt'xarakïnwa. Janiw sum uñjkxänti, ukhamasti Joseax wawanak awkipar irpkatäna, jupasti wawanakar qhumantasin jamp'att'äna.

Génesis 48:10 Jak'a apnaqawi uñst'ayäwi

Génesis 27:1

Isaacasti sinti chuymanëjjänwa, uqhamarus juyqhöjjaraquïnwa. Mä uruw jilïri Esaú yokaparu jawsi, saraquïnwa: —Wawajja —sasa. Esausti: —Cun sañsa munta, awquejja —sasaw saraquïna.

Génesis 27:27

Cunapachatejj Jacobojj jamp'att'añataqui jac'achasïna ucqhasti, Isaacajj isinacapwa muct'äna. Ucatsti aca arunacampiw bendiciraquïna: “Jïsa, aca k'aphejj wawajjan k'aphipawa. Aca k'aphisti pampan Diosajj bendisqui uca k'aphiwa.

Génesis 31:55

Khepärmanthi alwasti, Labanajj sartasisinjja allchhinacaparu, phuchanacaparu jamp'att'asinjja, bendiciwayänwa, ucat orakepar cuttawayjjaraquïna.

Génesis 45:15

Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

Génesis 48:11

Josearusti saraquïnwa: —Nayajj janiw jumar uñcatañjja amtcjjayäti, ucampisa Diosajj wawanacamsa uñcatayasquituwa —sasa.

Génesis 48:8

Acatjamatwa Israelajj Josean wawanacapar uñcati ucat jisct'araqui: —¿Acanacajj qhitinacasa? —sasa.

1 Reyes 19:20

Eliseosti ucspachawa yuntanaca apanucusina Eliasan khepapa jaläna, aqham sasa: —Awquejjar taycajjaru jamp'att'iri sarä, ucatsti nayajj arcascämawa —sasa. —Eliasasti sänwa —Sarascaquim—, ucampis amtasïtawa cuntï jumampi lurcta ucjja —sasa.

Eclesiastés 12:3

Mä uruw purinini, ucansti palacion uñjirinacajj qhathatipjjaniwa, uqhamarac jan ajjsaririnacasa c'umjtapjjaniwa; molinonacasti juc'aquëjjatap laycojj janiw sum molcjjapjjaniti, uqhamarac ventanat uñch'uquirinacasa juyct'apjjaniwa.

Isaías 59:1

Tatitun ch'amapajj janiw tucusquiti, jan khespiyañatacjamajja, janiraquiw jupajj okaras tuccaraquiti, jan ist'irjamajja.

Isaías 6:10

Aca marcan amuyupsti chhaktayam, jinchunacapsti llupt'araquim, nayranacapsa ch'okantam, jan uñjapjjañapataqui ni ist'apjjañapataquisa, ni amuyt'apjjañapataquisa, uqhamat jan nayaru cuttanipjjañapataqui, nayas janiraquiw jupanacarojj kollcäti” sasa.

Deuteronomio 34:7

Moisesasti pataca pä tuncani maranïnwa cunapachatï jiwjjäna ucapachajja. Jiwañapcamasti suma nayrani, suma c'umaraquïscaraquïnwa.

1 Samuel 3:2

Ucampis mä uruw Elí sacerdotejj juyqhuptjjäna, janiraquiw sum uñjcjjänti, uqhamäsinsti utapanwa iquiscäna.

1 Samuel 4:15

Uca urunacansti Elí sacerdotejj sinti chuymanëjjänwa, uqhamarac llätunc tunca quimsakallkoni marani, wali juyqhöjjaraquïnwa.