Mateo 18:15 - Qullan Arunaca

¹⁵ “Jilamatejj cuna jan wals lurätam ucajja, jupampi sapa pur parlt'am, saraquim cuna jan waltejj lurctam uca. Uca ewjjt'amarutejj ist'ätam ucajja, jilamampejj sumancthapjjtawa.

Aymar Bibliia 1986

¹⁵ “Jilamatejj cuna jan wals lurätam ucajja, jupampi sapa pur parlt'am, saraquim cuna jan waltejj lurctam uca. Uca ewjjt'amarutejj ist'ätam ucajja, jilamampejj sumancthapjjtawa.

Qullan Arunaka DC

¹⁵ “Jilamatix jan wal lurätamxa, jupa saparuki jan wal luratapat parlt'am. Uka iwxt'amarutix ist'ätamxa, jilamampix sumankxätawa.

Mateo 18:15 Jak'a apnaqawi uñst'ayäwi

Salmos 141:5

Asqui jakejj mutuyitpan, suma jakejj tokenoketpan, ucanac catokañataquejj janiw jaltcäti; mutuycatpachas Tatitut mayisiscaquïwa.

Proverbios 11:30

Cheka cancañajj jacañwa churi, ñankha lurañasti jacañjja apakewa.

Levítico 19:17

“Jan chuymamarojj jilamar uñisiñanacjja imjjäsimti. Cunapachatejj jake masimaru tokenokañajj waquischi ucapachasti tokenokam, janiraqui jupampi chica jucharu purimti.

Mateo 18:14

Uqhamaraquiw, alajjpachanquir Awquimajj janiw qhiti jisc'an chhakañapsa munquiti.

Mateo 18:21

Ucapachaw Pedrojj sartasina Jesusarojj jisct'äna: —Tata, cunapachatejj jilajjajj cuna jan walsa luritan ucajja, ¿kawkha cutis nayajj uca juchapatjja perdonäjja? ¿Pakallk cutcamati? sasa.

Mateo 18:35

Jesusasti aqham sänwa: Uqhamaraquiw alajjpachanquir Awquejjajj jumanacampejj luraraquini, janitejj take chuyma perdonapcät ucajja” sasa.

Romanos 12:21

Jan ñankhampejj atipjayasimti, ucatsipan ñankharojj asquimpi atipjam.

1 Corintios 8:12

Uqhamat jumanacajj iyawsañan t'uqhäsqui uca jilatanacan chuymanacapjja usuyapjjtajja. Uc lurasasti jumanacajj Cristo contraw jucha lurasipctajja.

2 Corintios 7:12

Uqhamapï, cunapachatï uca carta kellkanipcäyäsma ucqhajja, janiw nayajj uca jan wali lurir jaketjja amtcäyätti, ni uca luratat t'akhesir jaketsa lup'caraquïyätti, jan ucasti Dios nayrakatan jumanacan nanacat llaquisipjjatanacama uñstayañataqui.

Gálatas 6:1

Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

Colosenses 3:13

Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.

1 Tesalonicenses 4:6

Aca luräwinjja jan qhitis jilapar sallkjpati, Tatitojj walwa mutuyi aca luräwinacatjja, cunjämtejj ewjjt'apjjsma uqhama.

2 Tesalonicenses 3:15

Ucampis jan uñisirit uñt'apjjamti, jan ucasti mä jilatarjama yanapt'apjjam.

Tito 3:10

Maynitejj iglesian jan walt'aycchi jaljtayasa, ucarojj mä pä cuti ewjjt'am, ucattejj jan ist'ätam ucqhajja, ankar jakonucjjam.

1 Pedro 3:1

Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,