Jeremías 17:5 - Qullan Arunaca

⁵ Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.

Aymar Bibliia 1986

⁵ Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.

Qullan Arunaka DC

⁵ Tatitux sarakiwa: “Ñanqhachatäpan jaqinakar alkatasirixa, ñanqhachatäpan pachpa ch'amapar alkatasirixa, ñanqhachatäpan nayat jayarst'ir jaqixa.

Jeremías 17:5 Jak'a apnaqawi uñst'ayäwi

2 Crónicas 16:12

Quimsa tunca llätuncani mara apnakascäna ucqhajja, Asajj sintipuniwa cayunacapata usuntjjäna, ucampis uqham usutäsinsa janiw Tatitur thaktcänti, jan ucasti kollirinacaruquiw saräna.

2 Crónicas 32:8

Jupasti jakenacan ch'amapampiquiwa, ucampis Tatitu Diosasaw jiwasampïsqui, nuwasïwinacasana jiwasaru yanapt'añapataqui” sasa. Ezequías reyin arunacap ist'asinjja, jakenacajja ch'amañchasipjjänwa.

Salmos 18:21

Nayajj Tatitun thaquipan sarnakta, janipuniw Diosajjarojj armanuccti;

Salmos 62:9

Jakejj mä samsump sasiquiwa, kamirisa, jan cunanisa; jupanacarutejj balanzamp waytasispajja, mä samsut sipan phisnaquïspawa.

Isaías 2:22

Jakenacar alcatasitanacamjja apanucupjjam, juc'ataquiquiraquiwa uca jakejja, jaken jacañapasti mä samanampi sasiquiraquiwa.

Isaías 20:5

Jakejj uca urojj wal ajjsarani. Jupanacasti Etiopiaruw wal alcatapjjänjja, jichhasti jupatjja p'enkasipjjaraquiniwa; Egiptotsti jach'a jach'araquiw tucupjjänjja, jichhasti p'enkasipjjaraquiwa.

Isaías 36:6

Amuyatajjatjja Egiptoruw alcatastajja. Jichhajj waliquiwa. Egiptojj nayataquejj mä jisc'a p'aquit sokosampi sasiquiwa, maynitejj uca p'aquit sokosaru alcataschejja, uca lawajj p'aquisiniwa, ucatsti uca alcatasirirojj chhokhontaraquiniwa, amparapsa junsuniwa. Ucaw faraón, Egiptonquir reyejja, qhitinacatejj jupar alcatasipqui ucanacataquejja.

Isaías 59:15

Cheka chuymanïñajj chhaktawayjjewa, qhititejj ñankhat jithiktqui ucarusti yänacapjja lunthatapjjaraquiwa. Tatitusti mayjt'asiwayaraquiwa jan cheka cancaña utjatap laycojja.

Jeremías 11:3

ucatsti saraquim, naya Tatitu, Israelan Diosapaw sista: Cawquïri jaketejj jan aca arust'äwiru phokcani ucajj maldecitäniwa.

Ezequiel 6:9

Uca jilt'irinacasti, uca jaya marcanacanjja nayatwa amtasipjjaraquini; cunjämtejj nayajj jupanacaru t'akhesiycäyätjja, jan nayaru take chuymampi arcapjjatapata, uqhamaraqui nayatsa jayarst'awayapjjatapata yakha diosanacar yupaychañ laycojja, take ucanacwa amtasipjjani. Jupanacasti take ñankha luräwinacapa amthapisisajja, jupanacpachaw ajjtasipjjani, take uca ajjtascaña luräwinacapatsa.

Oseas 1:2

Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.