Jeremías 17:5 - Qullan Arunaka DC

⁵ Tatitux sarakiwa: “Ñanqhachatäpan jaqinakar alkatasirixa, ñanqhachatäpan pachpa ch'amapar alkatasirixa, ñanqhachatäpan nayat jayarst'ir jaqixa.

Aymar Bibliia 1986

⁵ Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.

Qullan Arunaca

⁵ Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.

Jeremías 17:5 Jak'a apnaqawi uñst'ayäwi

2 Crónicas 16:12

Asá reyix kimsa tunka llätunkani mara marka apnaqaskän ukkhaxa, walpun kayunakapat usuntäna; ukham usuntkasas janiw Tatiturux makhatkänti, jan ukasti qullirinakak thaqhäna.

2 Crónicas 32:8

Asiriankir reyix jaqinakan ch'amaparukiw katuyasi, ukampis Tatitu Diosasaw jiwasampïski, nuwasïwinakasan jiwasar yanapt'añapataki” sasa. Ezequías reyin arunakap ist'asinsti, jaqinakax wal ch'amañchasipxäna.

Salmos 18:21

21 (22) nayax Tatitun thakhipan sarnaqta, ¡janipuniw Diosaxarux armanukkti!

Salmos 62:9

9 (10) Jaqix mä samsumpi sasikiwa, qamirisa, jan kunanisa; jupanakarutix balanzampi waytasispaxa, mä samsut sipan phisnakïspawa.

Isaías 2:22

Ukhamasti, jaqinakarux jan alkatasipxamti, uka jaqinakax mä juk'atakikiwa, taqiniw jiwarapxani.

Isaías 20:5

Yaqha markanakax Etiopía markaruw alkatasipxäna, Egipto markatsa jach'a jach'aw tukupxäna, uka urusti, ukham lurapxatapat p'inqasxapxaniwa, walrak axsarapxani.

Isaías 36:6

Amuyatax Egiptoruw alkatastaxa. Walikiwa. Egiptox nayatakix mä jisk'a p'akit suqusampi sasikiwa, maynitix uka p'akit suqusaru katt'aschixa, uka p'akit suqusax amparaparuw junuranttani. Khitinakatix uka reyir alkatasipki ukanakatakixa, Egiptonkir faraón reyix uka p'akit suqusampi sasikiwa.

Isaías 59:15

Chiqa chuymanïñax janiw utjkxiti, khititix aski lurki ukaruxa, kunatix jupan utjki ukas aparatawa. Tatitusti jan chiqa kankañ utjatapatxa mayjt'asxarakiwa.

Jeremías 11:3

ukatsti sarakim, naya Tatitu, Israelan Diosapaw sista: Kawkïr jaqitix aka arust'äwir jan phuqkani ukax ñanqhachatäniwa.

Ezequiel 6:9

Uka jilt'irinakasti, uka jaya markanakan nayat amtasipxitani; kunjämtix nayax jupanakar t'aqhisiykäyäta, nayar taqi chuymampi jan arkapxatapata, diosanakar yupaychañ layku nayat jayarst'apxatapata, taqi ukanakat amtasipxani. Jupanakasti taqi uka axtaskañ ñanqha luräwinakap amthapisisinxa, jupanakpachaw axtasipxani.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.